Rutu 3:9 - AHYERƐLƐ KRONGRON

⁹ Obisale kyɛ, “Wɔ nwa ɛne?” Yeɛ obuale ye kyɛ, “Me ɔ, w’afaneɛ Rutu; trɛ wɔ tena ne anu fa kata me nwo, ofikyɛ wɔ yeɛ ɛte koliagyaa ɔ.”

Rutu 3:9 Iomraidhean Croise

Hesekiel 16:8

“Na mmerɛ bɔ mebaapɛ nu wɔ nwo berɛ bieku ná nwuni wɔ nen, tie, né adwu ehurolɛ mmerɛ so; na ndrɛtrɛle me tena nu mva ngatale wɔ nwo bɔ ɔla so ne, na me ne wɔ yɛyɛle apam bɔ mvale ndaen mvoale so ɔ, na ɛɛyɛle me deɛ, AWURADE Nyameɛ noa dwirɛ ɛne.

Luka 14:11

Ofikyɛ ebiala bɔ ɔma ye nwo so ne, bɛkɔbrɛ ye ase; na bɔ ɔbrɛ ye nwo ase ne, bɛkɔma ye so.”

Rutu 2:20

Na Naomi sele ye sia ne kyɛ, “AWURADE bɔ daa ɔdo teasefoɛ ne awufoɛ ne, óyira sɔ sona ne!” Naomi sa sele ye kyɛ, “Sɔ biaa ne, ɔte yɛ abusuaniɛ, yɛ bɔbɔ yɛ nwoniɛ kaenn.”

Rutu 3:10

Na Boase sele ye kyɛ, “Mma, AWURADE yira wɔ. Nahorɛ bɔ ali ye kekesaala ye ne, ɔtra nahorɛ bɔ ali moa ali ama wɔ sia ne. Ofikyɛ angɔanni mmerandeɛ mɔ si: kyɛ ehianiɛ oo, kyɛ sikaniɛ oo.

Rutu 3:12

Na ɔwɔ nu kyɛ nde abusuaniɛ kaenn de, nakoso abusuaniɛ foforɛ bie wɔ berɛ bɔ opingye wɔ sia abusua tra me ɔ.

Rutu 3:8

Bebuli aleɛ nu ne, biaa ne bɔle pitiri, na ɔpɛnene ye nye ne, mvum nu, onwuni kyɛ brasua bie la ye gya ngwaen berɛ!

Rutu 4:4

Yiti mayɛ kyɛ meye w’asotire kyɛ, pɔ aseɛ ne wɔ mbanyi bɔ bayia wa ye, ɔne me maen mbanyi ye mɔ bɛ nyunu. Sɛ ɛkɔpɔ aseɛ ne a, pɔ ye; nakoso sɛ ɛngɔpɔ ye de a, ka kyire me maa nwu ye, ofikyɛ sona biala nne berɛ bɔ osã wɔ nwo ɔpɔ aseɛ ne a ɔyɛ yé ɔ. Sɛ ambɔ aseɛ ne a, yeɛ mekora mepɔ ye ɔ.” Na obuale kyɛ, “Ngɔpɔ aseɛ ne.”

Rutu 4:6

Yeɛ abusuaniɛ ne tele sɔ dwirɛ nen, ɔhane kyɛ, “Sɛ mepɔ agyapadeɛ ye mefa a, me mma kɔhwere me bɔbɔ deinn m’agyapadeɛ deɛ. Agyapadeɛ bɔ ahaa me yeɛ odi kyɛ mepɔ ne, kɔpɔ fa, ofikyɛ mengɔhora ngɔpɔ ye.”

1 Samuel 25:41

Na berɛ ne ala, ɔbɔle ye ti ase kotole, na ɔhane kyɛ, “Me mene, wɔ somvoɛ te afaneɛ bɔ wasiesie ye nwo kyɛ okonwunzi wɔ somvoɛ mɔ bɛ gya bo ɔ.”