Rutu 3:7 - AHYERƐLƐ KRONGRON

⁷ Boase didili ná ɔnone nzaa yiele bɔ ye nye agye ne, ɔɔlale atokoɔ kure ne anwo. Yeɛ Rutu yɛle kudɛɛ ɔɔyele Boase gya nwo tena ne, na ɔlale berɛ.

Rutu 3:7 Iomraidhean Croise

Gyenesise 43:34

Bɛfale aleɛ ne bie befili Yosef poen ne aso bɛbrɛle bɛ, nakoso Benyamin de, né ye deɛ te bɛ ngaa ne deɛ mmɔhoɛ nnu. Yiti bɛnone nzaa, na bɛ ne Yosef bɛ mukoraa bɛ nye gyele.

2 Samuel 13:28

Né Absalom ali moa waha wahyire ye somvoɛ nemɔ kitii kyɛ, “Ɛ́mɔfa bɛ nye bɛ́sra Amnɔn, na sɛ ɛmɔnwu kyɛ nzaa ne abo ye, ná mekã mekyire ɛmɔ kyɛ, ‘Ɛ́mɔhu Amnɔn!’ a, ɛ́mɔhu ye. Nnɛma ɛmɔsuro. Me yeɛ mahyɛ ɛmɔ kyɛ ɛ́mɔyɔ sɔ ɔ. Ɛ́mɔsi ɛmɔ ahone bɛyɛ mmienzua.”

1 Ahemvo 21:7

Yeɛ ɔye Yesebɛl sele ye kyɛ, “Aso nna wɔ yeɛ edi Yisrael so ɔ? Dwɔso ná didi, ná ma wɔ wora kyekye. Ngole Yesreelniɛ Nabɔto bobe boo ne ngɔma wɔ.”

Ɛseta 1:10

Ye ɛlɛsoo ne aso bɔ né nzaa ama Nana Ahasuro ye ti anu ayɛ ye fɛfɛɛfɛ ne, osele ye somvoɛ sayɛɛ nzoo, bɔ bɛ ole Mehuman, Bisita, Habona, Bigita, Abagita, Seta ne Kakase,

Edwein 104:15

ɔne nzaa bɔ ɔma sona nye gye ɔ, ɔne sakyeɛ bɔ ɔma sona nyunu yɛ mmenanwo mmenanwo ɔ, yeɛ aleɛ bɔ ɔma sona wora kyekye ɔ.

Nworɛ Dwirɛhanɛniɛ 10:19

Ɛpoentolɛ ma sona sere, nzaa ma sona nye gye, na sikaa yeɛ ɔyɔ nikyee biala ɔ.

Nworɛ Dwirɛhanɛniɛ 2:24

Nikye paa biala nne berɛ mma sona ndra kyɛ okodidi, ɔkɔno ná ɔkɔfa bɔ wafɛ wanya ye ɔ ɔkɔgye ye nye ɔ. Na ɛhe koso, nwuni kyɛ Nyameɛ yeɛ ɔfa ma ɔ;

Nworɛ Dwirɛhanɛniɛ 8:15

Yiti me de, menwu ye kyɛ anigye te paa, ofikyɛ nikye paa biala nne berɛ mma sona wɔ wiase ndra kyɛ okodidi, ɔkɔno, ná ɔkɔgye ye nye ɔ. Ye ngoa bɔ Nyameɛ afa ama ye wɔ wiase ne, ɛfɛɛ bɔ ɔfɛ wɔ nu ne, bɔ odi kyɛ ɔfa bata ye nwo hɔ ɛne.

Nworɛ Dwirɛhanɛniɛ 9:7

Yiti kɔ so, di w’aleɛ wɔ anigye nu, ná fa anwosɛpɛ no wɔ nzaa, ofikyɛ bɔ ɛyɔ ne, Nyameɛ ale ato nu dadadada.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

Ɛfesofoɛ 5:18

Nnɛma ɛmɔbo nzaa, ofikyɛ ɔne basabasayɔlɛ yeɛ bɛnate ɔ; na mmom ɛ́mɔma Sunzum ne oyi ɛmɔ tɛkyɛ.

Maenbulɛfoɛ 16:25

Na mmerɛ bɔ bɛ nye gyele paa ne, bɛhane kyɛ, “Ɛ́mɔfrɛ Samson maa ɔgyegye yɛ nye.” Yiti bɛɛfale Samson befili kuku nu bɛwale, ná ɔgyegyele bɛ nye. Bɛmane Samson ogyinane bonima nemɔ b’afia;

Maenbulɛfoɛ 19:22

Na begu so bɛgye bɛ nye ne, kuro berɛ mmienzua asanzafoɛ biemɔ bɛɛpɛle awuro ne anwo beyiale, na bɛhyɛle ye bo bɛborole anoa ne anu. Besele biaa aworowaa bɔ yeɛ ɔte awuro ne mene ne kyɛ, “Biaa bɔ wawa w’awuro wa ne, ye ye fite bra maa yɛne ye la.”

Maenbulɛfoɛ 19:6

Yiti mmienzua nyɔ nemɔ tenane poen nwo bedidili bɛnone, na taluwa ne baba sele Lewiniɛ ne kyɛ, “Nzu ati yeɛ ɛnna wa ɛnɛ ná ɛmma wɔ nye ngye ɔ?”

Maenbulɛfoɛ 19:9

Mmerɛ bɔ Lewiniɛ ne, ye sómaa ne, yeɛ ye somvoɛ ne bedwɔsole kyɛ bɛkɔ ne, taluwa ne baba bɔ ɔte Lewiniɛ ne sia ne, osele Lewiniɛ ne kyɛ, “Nea, mmerɛ ahɔ, aleɛ ayie sa. Ɛ́mɔla wa ɛnɛ, na aleɛ adwo. Ɛ́mɔla wa ɛnɛ, ná ma wɔ nye gye. Ɛhema ɛmɔkɔhora bekodwɔso ngyerɛmɔ tutuutu bekosi nu bɛkɔhɔ ɛmɔ kuro.”

Rutu 3:6

Yiti Rutu hɔle nekaa bɔ bɛboro ayuo ne, na ɔɔyɔle kyɛbɔ ye sia hyirele ye ne ala.

Rutu 3:8

Bebuli aleɛ nu ne, biaa ne bɔle pitiri, na ɔpɛnene ye nye ne, mvum nu, onwuni kyɛ brasua bie la ye gya ngwaen berɛ!