Rutu 3:3 - AHYERƐLƐ KRONGRON

³ Yiti bia ná popa. Wura w’ataadeɛ bɔ ɔyɛ nyemene paa ná kɔ nekaa bɔ bɛboro ayuo ne. Nakoso nnɛye wɔ nwo ali kyire biaa ne kɔpem kyɛ okodidi ná ɔkɔno nzaa koyie ɔ.

Rutu 3:3 Iomraidhean Croise

2 Samuel 12:20

Afei Dawide dwɔso fili aseɛnwo berɛ, obiale, ɔpopale, na ɔsesane ye ndaadeɛ. Ɔhɔle AWURADE awuro ɔɔsɔnene ye. Afei osa hɔle ye ahemvie berɛ, ɔhane kyɛ bɛma ye aleɛ, na bɛfale aleɛ bɛbrɛle ye maa olili.

2 Samuel 14:2

Yiti Yoabo somane maa bɛhɔle Tekoa bɛɛfale braa nworɛniɛ bie befili dɔ bɛwale. Na osele braa ne kyɛ, “Yɛ wɔ nwo kyɛ ɛwɔ ɛsɛen nu, kera ɛsɛen tena, nnɛpopa. Yɛ wɔ nwo kyɛ brasua bɔ ye nwoniɛ awu maa watena ɛsɛen nu wahyɛ ɔ.

Ɛseta 5:1

Ye ɛlɛsa ne aso, Ɛseta wurale ye ɛhemmaa ndaadeɛ, na oogyinane ahemvie ne akunu dɔ, wɔ Nana Ahasuro asaso ndendeneɛ so. Né Nana Ahasuro ɔte ye ahennie bia so wɔ ahemvie berɛ, wɔ ahemvie anoa ne ndendeneɛ so.

Edwein 104:15

ɔne nzaa bɔ ɔma sona nye gye ɔ, ɔne sakyeɛ bɔ ɔma sona nyunu yɛ mmenanwo mmenanwo ɔ, yeɛ aleɛ bɔ ɔma sona wora kyekye ɔ.

Nworɛ Dwirɛhanɛniɛ 9:8

Mmerɛ biala, wura anigye ataadeɛ, yeɛ nnɛma sakyeɛfona pa wɔ ti so.

Hesekiel 16:9

Afei mvale nzue mmiale wɔ, nwunzini wɔ nwo mogya ne, na mvale sakyeɛ mbopale wɔ.

Mateo 6:17

Na wɔ de, sɛ ɛyɛ akɔngyere a, toli wɔ ti anu, ná nwunzi wɔ nyunu,

Rutu 3:2

Yɛ nwoniɛ Boase wɔ berɛ. Ye yeɛ ɛne ye ndaluwa mɔ bɛyɔ adwuma ne. Tie, ɛnɛ kɔngɔen, okohuhu ayuo so wɔ nekaa bɔ bɛboro ayuo ne.

Rutu 3:4

Sɛ ɔda a, nea nekaa bɔ ɔkɔla ne yé. Kɔye ɛtena ne fi ye gya bo ná da berɛ; na ɔkɔha nikyee bɔ odi kyɛ ɛyɔ ɔ kohyire wɔ.”