Rutu 3:14 - AHYERƐLƐ KRONGRON

¹⁴ Yiti Rutu lale ye gya ngwaen berɛ maa aleɛ hyene, nakoso odwɔsole mmerɛ bɔ né maen nu onnya ɔttetele ɔ, ofikyɛ Boase nyane adwene kyɛ, “Onni kyɛ ebiala nwu ye kyɛ braa ne wale nekaa bɔ bɛboro aburoo ne.”

Rutu 3:14 Iomraidhean Croise

Nworɛ Dwirɛhanɛniɛ 7:1

Dumaa paa te paa tra ayirefona bɔ ye nyɔboɛ yɛ se ɔ, yeɛ ewue kyẽa te paa tra aworɛ kyẽa.

Romanfoɛ 12:17

Nnɛma ɛmɔfa bɔne betua ebiala bɔne kerɛ. Na mmom ɛ́mɔdwene bɔ ɔte paa wɔ mmenia mukoraa bɛ nye so ɔ nwo.

Romanfoɛ 14:16

Yiti nnɛma bɔ ɔte paa ma wɔ ne nya dumaa tɛɛ maa bɛka ye nwo dwirɛ tɛɛ.

1 Korintofoɛ 10:32

Nnɛma ɛmɔyɔ bɔ ɔkɔha Yudafoɛ anaa Helafoɛ anaa Nyameɛ asɔre ne;

2 Korintofoɛ 8:21

Ofikyɛ yafa yasie yɛ nye so kyɛ yɛtoto nikyee biala pɛpɛɛpɛ, nna Awurade ngome nyunu, na kuro sona koso nyunu.

1 Tɛsalonikafoɛ 5:22

ná ɛmɔhwe ɛmɔ nwo befi bɔne sue mukoraa nwo.

1 Petro 2:12

Ɔwɔ nu kyɛ Amaenmaensofoɛ nemɔ bɛkekã ɛmɔ nwo dwirɛ kyɛ ɛmɔte bɔnefoɛ de, nakoso ɛ́mɔma ɛmɔ bra yɛ sannwuu wɔ bɛ nu, amaa banwu ɛmɔ bra paa ne, ná bahyɛ Nyameɛ animnyam wɔ kyẽa bɔ ɔkɔwa ne.

Rutu 3:15

Boase sele ye kyɛ, “W’ataadeɛ aguasoɛ bɔ owura wɔ ne, trɛ nu.” Yiti ɔtrɛle nu, na Boase pɛle ayuo olonka nzia, na ɔfa soale Rutu. Na afei Boase sili nu hɔle kuro ne anu dɔ.