Rutu 3:13 - AHYERƐLƐ KRONGRON

¹³ Da wa ɛnɛ kɔngɔen ye, na aleɛ kye ngyerɛmɔ, ná sɛ ode to nu kyɛ ɔkɔyɛ ehu koliagyaa kogya wɔ a, ye de ye paa nu ɔ. Na sɛ ɔngɔyɛ ehu koliagyaa ngogya wɔ de a, ye de, kyɛ AWURADE te ase ye, me yeɛ ngɔyɛ ehu koliagyaa ngogya wɔ ɔ. Da wa ma aleɛ hye.”

Rutu 3:13 Iomraidhean Croise

Yeremia 12:16

Na sɛ bɛkɔyere bɛ nwo bekosua me maen ye atee, ná bɛkɔfa me dumaa bɛkɔta ndaen kyɛ, ‘Kyɛ AWURADE te ase ye’, kyɛbɔ behyirele me maen maa bɛfale Baal bɛtale ndaen ne a, ye de bɛ bo kotimu wɔ me maen ne anu.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

2 Korintofoɛ 1:23

Na afei mefrɛ Nyameɛ kyɛ oli me adanzeɛ; né membena kyɛ mebɔ ɛmɔ wora ti yeɛ manza mamma Korinto ɔ.

Hebrifoɛ 6:16

Ofikyɛ amba, sona fa ebie bɔ odi mu tra ye ɔ, ye dumaa yeɛ ɔta ndaen ɔ, na ndaen bɔ ɔfa foa so ne ma aporowaasulɛ biala so pɛ.

Maenbulɛfoɛ 8:19

Na Gideon buale kyɛ, “Nniɛma mɔ ɛne, me ne bɛ yɛfi niɛ. Kyɛ AWURADE te ase ye, sɛ ɛmɔyakyili bɛ maa benyane bɛ ti bedidili nu a, ahaa mengohu ɛmɔ.

Rutu 2:20

Na Naomi sele ye sia ne kyɛ, “AWURADE bɔ daa ɔdo teasefoɛ ne awufoɛ ne, óyira sɔ sona ne!” Naomi sa sele ye kyɛ, “Sɔ biaa ne, ɔte yɛ abusuaniɛ, yɛ bɔbɔ yɛ nwoniɛ kaenn.”

Rutu 3:12

Na ɔwɔ nu kyɛ nde abusuaniɛ kaenn de, nakoso abusuaniɛ foforɛ bie wɔ berɛ bɔ opingye wɔ sia abusua tra me ɔ.

Rutu 4:5

Yeɛ Boase toale so hane kyɛ, “Kyẽa bɔ ɛkɔpɔ sɔ aseɛ ne wɔ Naomi sa nu ne, ye de Moaboniɛ Rutu, bɔ ɔte biaa bɔ wawu ne kunaniɛ ne, odi kyɛ egya ye, amaa ɔnate so biaa bɔ wawu ne, ye dumaa ahɔ so wala ye agyapadeɛ so.”

Rutu 4:6

Yeɛ abusuaniɛ ne tele sɔ dwirɛ nen, ɔhane kyɛ, “Sɛ mepɔ agyapadeɛ ye mefa a, me mma kɔhwere me bɔbɔ deinn m’agyapadeɛ deɛ. Agyapadeɛ bɔ ahaa me yeɛ odi kyɛ mepɔ ne, kɔpɔ fa, ofikyɛ mengɔhora ngɔpɔ ye.”