Rutu 3:12 - AHYERƐLƐ KRONGRON

¹² Na ɔwɔ nu kyɛ nde abusuaniɛ kaenn de, nakoso abusuaniɛ foforɛ bie wɔ berɛ bɔ opingye wɔ sia abusua tra me ɔ.

Rutu 3:12 Iomraidhean Croise

Mateo 7:12

Yiti nikyee biala bɔ ɛmɔpena kyɛ mmenia yɔ ma ɛmɔ ne, ɛmɔ koso ɛ́mɔyɔ sɔ ala bɛ́ma bɛ; ofikyɛ porɛ bɔ mmeraa ne ne ngɔmhyɛlɛfoɛ nemɔ gyi so hɔ ɛne.

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

Rutu 2:20

Na Naomi sele ye sia ne kyɛ, “AWURADE bɔ daa ɔdo teasefoɛ ne awufoɛ ne, óyira sɔ sona ne!” Naomi sa sele ye kyɛ, “Sɔ biaa ne, ɔte yɛ abusuaniɛ, yɛ bɔbɔ yɛ nwoniɛ kaenn.”

Rutu 3:11

Afei, mma, nnɛsuro. Nikyee bɔ ekobisa biala, ngɔyɔ ngɔma wɔ, ofikyɛ kuro wa ama mukoraa se ye kyɛ ɛte brasua bɔ wɔ suban te paa ɔ.

Rutu 3:13

Da wa ɛnɛ kɔngɔen ye, na aleɛ kye ngyerɛmɔ, ná sɛ ode to nu kyɛ ɔkɔyɛ ehu koliagyaa kogya wɔ a, ye de ye paa nu ɔ. Na sɛ ɔngɔyɛ ehu koliagyaa ngogya wɔ de a, ye de, kyɛ AWURADE te ase ye, me yeɛ ngɔyɛ ehu koliagyaa ngogya wɔ ɔ. Da wa ma aleɛ hye.”

Rutu 4:1

Boase hɔle kuro berɛ pambim ne anwo ɔɔtenane ase. Wangyɛ yeɛ busuaniɛ bɔ Boase hane ye dwirɛ ne koso ɔɔpɛle nu berɛ ɔ. Na Boase frɛle ye kyɛ, “Nniɛma, bra wa baatena ase.” Na opingyele ye ɔɔtenane ase.

Rutu 4:4

Yiti mayɛ kyɛ meye w’asotire kyɛ, pɔ aseɛ ne wɔ mbanyi bɔ bayia wa ye, ɔne me maen mbanyi ye mɔ bɛ nyunu. Sɛ ɛkɔpɔ aseɛ ne a, pɔ ye; nakoso sɛ ɛngɔpɔ ye de a, ka kyire me maa nwu ye, ofikyɛ sona biala nne berɛ bɔ osã wɔ nwo ɔpɔ aseɛ ne a ɔyɛ yé ɔ. Sɛ ambɔ aseɛ ne a, yeɛ mekora mepɔ ye ɔ.” Na obuale kyɛ, “Ngɔpɔ aseɛ ne.”