Rutu 2:9 - AHYERƐLƐ KRONGRON

⁹ Ma wɔ nye sra nekaa bɔ bɛte ayuo ne, ná di bɛ si. Mahã mahyire mmerandeɛ nemɔ kyɛ nnɛmaa bɛha w’adwene. Sɛ nzuhɔen ku wɔ a, kɔ bua nemɔ anwo dɔ kɔno nzue bɔ mmerandeɛ nemɔ basa ne bie.”

Rutu 2:9 Iomraidhean Croise

Gyenesise 20:6

Na Nyameɛ buale ye wɔ laleɛ ne anu kyɛ, “Yoo, mese kyɛ wɔ ti anu te fufue wɔ edwirɛ he anwo. Me yeɛ ndwene wɔ nzale bɔ mamma anyɔ bɔne andia me ɔ; na ɛhe ati yeɛ mamma amva wɔ nwo anga ye ɔ.

YOB NWOMAA NE 19:21

Ao, me damvo mɔ, ɛ́mɔnwu me anwumvoin e, ɛ́mɔnwu me anwumvoin e, ofikyɛ Nyameɛ ate ye sa wapura me!

Edwein 105:15

Ɔhane kyɛ, “Me mmenia bɔ mapopa bɛ ngoo ne, nnɛma ɛmɔfa ɛmɔ sa bɛkã bɛ; yeɛ me ngɔmhyɛlɛfoɛ koso, nnɛma ɛmɔyɔ bɛ bɔne biala!”

Anyandera 6:29

Sɔ ala yeɛ ɔkɔto ebiala bɔ ɔkɔ ebie aye nwo ɔ, na ebiala bɔ ɔkɔ sɔ braa ne nwo ne, ɔngɔfa ye nwo ngoli tɔtorɔtɔɔ.

Mateo 10:42

Na ebiala bɔ ɔkɔma mmaa mmaa hemɔ anu ko nzue frɔlɔɔ kwangoa ko, ɔnate kyɛ onwu ye kyɛ ɔte suaniɛ ne ati nen, nahorɛ nu mekã mekyire ɛmɔ kyɛ, ye akatuaa ngɔbɔ ye.”

1 Korintofoɛ 7:1

Afei, ɔfa nningyein bɔ ɛmɔhyerɛle bɛbrɛle me nemɔ nwo de, ahaa ɔte paa kyɛ bienzua mva ye nwo nga brasua ɔ.

1 Yohane 5:18

Yɛse kyɛ ebiala bɔ Nyameɛ awo ye ne, ɔnyɔ bɔne; na mmom bɔ Nyameɛ awo ye ne, ɔnea ye nwo so, na bɔnefoɛ ne mva ye sa nga ye.

Rutu 2:10

Yeɛ Rutu kotole aseɛnwo berɛ, ɔfale ye nye butuli berɛ, na obisale Boase kyɛ, “Ɔwale ye sɛ bɔ alo me sɔa ye, bɔ ayɛ me paa sɔaa ye, wɔ aberɛ bɔ nde ɛwɔfoɛ ɔ?”

Rutu 2:8

Yeɛ Boase sele Rutu kyɛ, “Mma, tie, nnɛfi fie he aso, yeɛ nnɛkɔ foforɛ so kɔsesa ayuo si bɔ bate maa waha berɛ ne bie, na mmom fa wɔ nwo bɔ me ndaluwa nemɔ.