Rutu 2:7 - AHYERƐLƐ KRONGRON

⁷ Ɔsrɛle me kyɛ, ‘Maa nni ayuotelɛfoɛ nemɔ si ná nzesa bɔ basesa bahɔ maa waha berɛ ne bie.’ Na ɔwale ye, wagyina ye gya so fi ngyerɛmɔ maa waadwu bekye, bɔ ollele ye nwome koraa ɔ.”

Rutu 2:7 Iomraidhean Croise

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 15:33

AWURADE surolɛ te nworɛ bɔ ɔtengyɛtengyɛ sona ɔ, na anwobrɛaseɛ ne animnyam yeɛ bɛnate ɔ.

Anyandera 18:23

Ehianiɛ noa dwirɛ te kyerɛpalɛ, nakoso sikaniɛ de, ɔma mmuayɛɛ fumfum.

Anyandera 22:29

Aso anwu sona bɔ ɔyɛ ye adwuma ferengyemm ɔ? Ahemvo mɔ yeɛ okonya atee kɔso bɛ ɔ, ɔngɔso kwahweabaa mɔ.

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Mateo 5:3

“Sunzum nu ehiafoɛ banya saleɛ, ofikyɛ bɛ yeɛ nyameɛso ahennie ne te bɛ deɛ ɔ.

Romanfoɛ 12:11

Nnɛmɔma ɛmɔ mmɔdenbɔlɛ ɔkɔ ase, ɛ́mɔyɛ hye wɔ sunzum nu, ná ɛ́mɔso Awurade.

Galatiafoɛ 6:9

Yiti nnɛmɔma yɛfɛ paayɛlɛ nwo; ofikyɛ sɛ yamba aba a, yɛkonya ye nwo saleɛ wɔ mmerɛ bɔ ɔsɛ ɔ nu.

Ɛfesofoɛ 5:21

Na ɔsɛ kyɛ ɛmɔfa Kristo nu esurolɛ nu bɛbrɛ ɛmɔ nwo ase bɛmoma bɛ nwo.

Rutu 2:2

Ɛlɛho bie, Moaboniɛ Rutu sele Naomi kyɛ, “Maa ngɔ ebie bɔ okonwu me anwumvoin ɔ ye fieso, ná nni ye si mbena ayuo bɔ bate basesa maa waha berɛ ne bie.” Na obuale ye kyɛ, “Mma, atee la ase.”

Rutu 2:21

Yeɛ Moaboniɛ Rutu hane kyɛ, “Ye po ɔha hyirele me kyɛ, Fa wɔ nwo bɔ m’adwumayɔlɛfoɛ nemɔ, kɔpem kyɛ bɛkɔte m’ayuo ne amukoraa bekoyie ɔ.”

Rutu 2:6

Yeɛ somvoɛ bɔ ɔnea ayuotelɛfoɛ nemɔ aso ne buale kyɛ, “Moaboniɛ bɔ ɔne Naomi befili Moabo aseɛ so bɛwale ne, ye ɛne.

Rutu 2:8

Yeɛ Boase sele Rutu kyɛ, “Mma, tie, nnɛfi fie he aso, yeɛ nnɛkɔ foforɛ so kɔsesa ayuo si bɔ bate maa waha berɛ ne bie, na mmom fa wɔ nwo bɔ me ndaluwa nemɔ.