Rutu 2:3 - AHYERƐLƐ KRONGRON

³ Yiti Rutu sili nu hɔle. Oolili ayuotelɛfoɛ nemɔ si sesale bɔ waha ye si ne. Na ɔwale kyɛ eboo bɔ oofitele nu ne, né Elimɛlɛke abusuaniɛ Boase deɛ ɔ.

Rutu 2:3 Iomraidhean Croise

2 Samuel 1:6

Na aberandeɛ bɔ ɔɔbɔle amaneɛ ne buale kyɛ, “Ngɔ mvitele Gilboa bokaa ne aso, na mvum nu, nwuni kyɛ Sɔɔlo kisa ye pealɛɛ ne. Sɔ mmerɛ ne, né teaseɛnam mɔ ne pɔngɔhanɛfoɛ mɔ bafoa ye bapingye ye.

2 Samuel 20:1

Biaa bie bɔ bɛfrɛ ye Hyeba, bɔ onni dwirɛ ngɔ kuro so ɔ, né ɔwɔ (Gilgal) berɛ bie. Ɔse ole Benyaminniɛ Bikri. Ohuli totorobɛndo teane nu sele kyɛ, “Yɛ ne Dawide yɛlle hwee yɛnyɔ oo! Yese awa ne, yɛlle agyapadeɛ biala wɔ ye nu oo! Yisraelfoɛ ee, ebiala hɔ ye awuro!”

2 Ahemvo 8:5

Ogu so bɔ ɔbɔ Yisrael hene amaneɛ kyɛbɔ Elisa tingyele awufoɛ wale ngoa nu ne, braa bɔ Elisa tingyele ɔwa ne, ɔwale Yisrael hene berɛ ɔɔfale ye awuro ne ye aseɛ nwo dwirɛ tole ye nyunu. Na Gehasi sele kyɛ, “Nana, me mene, braa ne, ɔne ɔwa bɔ Elisa tingyele ye wale ngoa nu ne, bɛ ɛhe.”

Mateo 10:29

Aso bɛndɔne akatipire nyɔ pɛsaa? Nakoso bɛ nu ko po nde ndɔ ase bɔ ɛmɔ Baba ne ɔnze ye nwo bie ɔ.

Luka 10:31

Na ɔwale kyɛ, ɔsɔfo bie ɔɔfale atee ne aso; na onwuni ye nen, ɔfale atee ne bue dɔ hɔle.

2 Tɛsalonika 3:12

Sɔ mmenia nemɔ, yɛ́hyɛ bɛ wɔ y’Awurade Yesu Kristo dumaa nu, ná yɛtu bɛ foɛ kyɛ, odi kyɛ bɛyɔ b’adwuma konn bɛfa bɛpena bɛ noa aleɛ.

Rutu 2:2

Ɛlɛho bie, Moaboniɛ Rutu sele Naomi kyɛ, “Maa ngɔ ebie bɔ okonwu me anwumvoin ɔ ye fieso, ná nni ye si mbena ayuo bɔ bate basesa maa waha berɛ ne bie.” Na obuale ye kyɛ, “Mma, atee la ase.”

Rutu 2:4

Sɔ mmerɛ ne, Boase fili Betlehem wale. Ɔha hyirele ayuotelɛfoɛ nemɔ kyɛ, “AWURADE gyina ɛmɔ si oo.” Na bebuale ye kyɛ, “AWURADE yira wɔ oo.”