Rutu 2:2 - AHYERƐLƐ KRONGRON

² Ɛlɛho bie, Moaboniɛ Rutu sele Naomi kyɛ, “Maa ngɔ ebie bɔ okonwu me anwumvoin ɔ ye fieso, ná nni ye si mbena ayuo bɔ bate basesa maa waha berɛ ne bie.” Na obuale ye kyɛ, “Mma, atee la ase.”

Rutu 2:2 Iomraidhean Croise

Gyenesise 32:6

Ɛbɔfoɛ nemɔ sá wale Yakob berɛ, na beesele ye kyɛ, “Yɛhɔle yɛɛtole eliɛma Yisɔ, na ɔbaayia wɔ; mmienzua ɛyaa nna boka ye so.”

Lewitikɔso 19:10

Wɔ bobe boo koso, nnɛporo so mmaa ne amukoraa, yeɛ bɔ waporo wagua ye bo ne koso, nnɛsesa. Yakyi ye berɛ ma ehiafoɛ ne ɛwɔfoɛ mɔ. Me ole AWURADE ɛmɔ Nyameɛ.

Lewitikɔso 19:16

Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

Lewitikɔso 19:9

“Sɛ ɛmɔfa ɛmɔ fieso aleɛ a, nnɛma ɛmɔbu maa okodwu eboo ne noa, yeɛ nnɛsesa ye bo nwɔngyerɛmma ne.

Lewitikɔso 23:22

“Sɛ ɛmɔfa ɛmɔ fieso aleɛ a, nnɛbu maa okodwu fie ne noa, yeɛ nnɛsesa ye bo nwɔngyerɛmma ne; yakyi ɛhene mɔ ma ehiafoɛ ne ɛwɔfoɛ mɔ: Me ole AWURADE ɛmɔ Nyameɛ.”

Rutu 2:3

Yiti Rutu sili nu hɔle. Oolili ayuotelɛfoɛ nemɔ si sesale bɔ waha ye si ne. Na ɔwale kyɛ eboo bɔ oofitele nu ne, né Elimɛlɛke abusuaniɛ Boase deɛ ɔ.

Rutu 2:7

Ɔsrɛle me kyɛ, ‘Maa nni ayuotelɛfoɛ nemɔ si ná nzesa bɔ basesa bahɔ maa waha berɛ ne bie.’ Na ɔwale ye, wagyina ye gya so fi ngyerɛmɔ maa waadwu bekye, bɔ ollele ye nwome koraa ɔ.”

1 Samuel 1:18

Na Hana sele kyɛ, “Mesrɛ wɔ, w’adaworoma, do w’afaneɛ sɔ ala.” Afei Hana fili berɛ hɔle, odidili, na aworabɔlɛ andira ye ko.