Rutu 2:16 - AHYERƐLƐ KRONGRON

¹⁶ Afei koso, ɛ́mɔte bie begua berɛ bɛ́ma ɔsesa, na nnɛma ɛmɔteatea ye.”

Rutu 2:16 Iomraidhean Croise

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Romanfoɛ 12:13

Ɛ́mɔboka anwoteefoɛ wɔ bɔ ohia bɛ ɔ nwo, ná ɛ́mɔbɔ mmɔden wɔ ɛwɔfoɛsolɛ nwo.

Filemɔn 1:7

Aliɛmaa, ɔdɔ bɔ ele ye ne, wamaa yanya anigye ne nguraenhyɛlɛ pee, ofikyɛ ama anwoteefoɛ ne amukoraa bɛ wora akyekye.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Rutu 2:15

Rutu dwɔsole kyɛ ɔkwaasesa ayuo bɔ bate basesa maa waha berɛ ne bie nen, Boase sele ye mmerandeɛ nemɔ kyɛ, “Ɛ́mɔma ɔsesa bɔ baboaboa ye noa ne bie, na nnɛma ɛmɔsi ye ate.

Rutu 2:17

Yiti Rutu boaboale ayuo ne noa wɔ fie ne aso toonn maa aleɛ dwole. Yeɛ ɔborole bɔ waboaboa ye noa ne, na onyane kɔyɛ olonka buru.