Rutu 2:14 - AHYERƐLƐ KRONGRON

¹⁴ Adidie mmerɛ sone ne, Boase sele ye kyɛ, “Bra baali aleɛ ye bie, ná fa wɔ paanoo ne bɔ nzaa kekarekekare ye anu bie.” Yiti Rutu tenane ayuotelɛfoɛ nemɔ anwo berɛ, na Boase mane ye ayuo bɔ bahye ne bie. Rutu lili mane ye ko yili maa ebie hale.

Rutu 2:14 Iomraidhean Croise

2 Samuel 17:28

bɛfale mba ne ayaa mɔ, ngukue; yeɛ afei ayuo, atokoɔ, esam, ngyeweɛ, aluaa, ngongo,

Edwein 23:5

Ɛto me poen wɔ me pɔfoɛ mɔ nyunu; ɛfa ngoo popa me ti so; me kulie yi bu fa so.

Yesaya 32:8

Nakoso sona bɔ odi mu ne de, ɔdwene nningyein bɔ bedi mu ɔ nwo, na bɔ ɔyɔ amukoraa te paa.

Yesaya 58:7

Sona bɔ ɛhɔen ku ye ne, aso onni kyɛ ɛma ye w’aleɛ ne bie anaa? Aso onni kyɛ ɛfa ehianiɛ anwumvoinniɛ ɛkɔ w’awuro anaa? Yeɛ, sɛ enwu bɔ ye nwo la so a, aso onni kyɛ ɛma ye tena maa ɔkera anaa? Yeɛ afei, onni kyɛ ɛbɔ wɔ nwoniɛ bɔ ohia mmokalɛ ɔ atianuserɛ.

Mateo 14:20

Bɛ mukoraa bedidili bɛmane bɛ ko yili; na ye bo mboporoka ne, asuafoɛ nemɔ boaboa guale ngɛndɛen buru ne nyɔ nu maa beyili fokyefokyee.

Deuteronomi 11:15

Ɔkɔma ɛserɛ kofifi w’aseɛ so kɔma wɔ nyɛmmoa, na ekodidi kɔma wɔ ko koyi.

Deuteronomi 8:10

Na sɛ edidi ma wɔ ko yi a, ye AWURADE wɔ Nyameɛ ayɛ, ɔnate aseɛ paa bɔ wafa wama wɔ ne ati.

Rutu 2:13

Yeɛ Rutu sele kyɛ, “Me mene, kɔ so do me sɔ ala, ofikyɛ akyekye me wora. Ɔwɔ nu kyɛ nna w’afaneɛ nemɔ bie ole me, nakoso ɛne w’afaneɛ adwudwo nyemene so.”

Rutu 2:15

Rutu dwɔsole kyɛ ɔkwaasesa ayuo bɔ bate basesa maa waha berɛ ne bie nen, Boase sele ye mmerandeɛ nemɔ kyɛ, “Ɛ́mɔma ɔsesa bɔ baboaboa ye noa ne bie, na nnɛma ɛmɔsi ye ate.

Rutu 2:18

Rutu soa wale kuro, na ye sia ne nwuni ayuo bɔ waasesa wawa ne. Afei aleɛ bɔ Rutu lili mane ye ko yili ne, ɔfale ye ngaa mane ye sia ne.

1 Samuel 17:17

Ɛlɛho bie, Yese sele ɔwa Dawide kyɛ, “Ngyeweɛ graa ko he, ɔne paanoo buru he, fa kɔma eliɛma nemɔ. Ma wɔ nwo yɛ nyera ná kɔ asikyeleɛ ne anu fa kɔma eliɛma nemɔ.

1 Samuel 25:18

Abigail yɛle ndɛndɛ fale paanoo ɛyaa nyɔ, nzaa ngomvo nyɔ, mmoaen nnu bɔ batoto bɛ nwo ɔ, ngyeweɛ graa nnu, bobe bɔ babobɔ ye kunguma ɛyaa ko, ɔne borɔdoma bɔ babobɔ ye kunguma ɛyaa nyɔ. Ɔfa soale afunum nemɔ.