Rutu 2:12 - AHYERƐLƐ KRONGRON

¹² Bɔ ayɔ ye, mesrɛ kyɛ AWURADE ɔma wɔ ye nwo akatuaa. AWURADE Yisrael Nyameɛ, bɔ aabɔ wɔ nwo adwaa wɔ ye ndaa bo ne, mesrɛ kyɛ ɔma wɔ akatuaa mmorosoɛ.”

Rutu 2:12 Iomraidhean Croise

Edwein 17:8

Bɔ me nwo waen kyɛ sona nye kyiremvua; fa me fea wɔ ndaa ne abo fɔnwoo ne anu.

Edwein 19:11

Afei koso, ɔnate so yeɛ ɛbɔ wɔ somvoɛ kɔkɔ ɔ; na sona di so a, onya akatuaa piri.

Edwein 36:7

Ao Nyameɛ, wɔ ɔdɔ bɔ onni ngasi ne, kyɛbɔ ye nwo osi le mvasoɛ ɔ! Na adasa mmaa bɛnwati bɛbafea wɔ ndaa ne abo fɔnwoo ne anu.

Edwein 57:1

Nwu me anwumvoin, ao Nyameɛ, nwu me anwumvoin, ofikyɛ wɔ nu yeɛ me kra nwati bafea ɔ; wɔ ndaa ne abo fɔnwoo ne anu yeɛ menwati mebafea ɔ, kɔpem kyɛ asetena nu mvrama piri ne abo kɔpɛ nu kɔhɔ ɔ.

Edwein 58:11

Mmenia kɔhã kyɛ, “Amba, akatuaa wɔ berɛ ma teneneefoɛ; amba, Nyameɛ bɔ obua ndɛen wɔ aseɛ ye aso ne, ɔwɔ berɛ.”

Edwein 61:4

Ngɔtena wɔ tena sua ne anu afebɔɔ, ná manya afealeɛ wɔ wɔ ndaa bo fɔnwoo ne abo. Sela

Edwein 63:7

ofikyɛ wɔ yeɛ ɛte me bokafoɛ ɔ, na wɔ ndaa ne abo fɔnwoo ne anu yeɛ medi ahurusi ɔ.

Edwein 91:4

Ɔkɔfa ye ndɛkra kɔkata wɔ so, na ye ndaa ne abo yeɛ ekonya afealeɛ ɔ; ye nahorɛlilɛ ne te akokyɛm ne buralɛ ataadeɛ.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Anyandera 23:18

Nahorɛ nu, mmerɛ bie kɔwa, na w’anyelasoɛ ngɔyɛ mbaen.

Yeremia 31:16

Bɔ AWURADE kã ɛhe: Mua wɔ noa ná yakyi suɛ; nnɛma wɔ nye poro moen, ofikyɛ ekonya w’adwuma nwo akatuaa, AWURADE noa dwirɛ ɛne, na bekofi pɔfoɛ ne aseɛ so bekosa bɛkɔwa.

Mateo 23:37

“O, Yerusalem, Yerusalem, wɔ bɔ eku ngɔmhyɛlɛfoɛ ná ɛboro bɛ bɔ basoma bɛ wɔ berɛ nyɔboɛ ɔ! Mmerɛ pee yeɛ mbenane kyɛ ahaa meboaboa wɔ mma noa, kyɛbɔ akɔtaen boaboa ye mma noa wura ye ndaa bo ɔ, nakoso ɛmɔambene so!

Mateo 5:12

Ɛ́mɔma ɛmɔ nye gye ná ɛ́mɔli ahurusi, ofikyɛ ɛmɔ akatuaa sone wɔ nyameɛso. Ofikyɛ sɔ ala yeɛ bɛtanene ngɔmhyɛlɛfoɛ bɔ belili ɛmɔ nyunu moa nemɔ nye ɔ.

Mateo 6:1

“Ɛ́mɔnea yé ná ɛmɔanyɔ ɛmɔ tenenee yɔleɛ wɔ mmenia nyunu, kyɛbɔ ɔkɔyɛ bɔ bekonwu ɛmɔ ɔ. Ɔba ye sɔ a, ɛmɔngonya akatuaa biala ngofi ɛmɔ Baba bɔ ɔwɔ nyameɛso ne berɛ.

Luka 6:35

Yiti ɛ́mɔhuro ɛmɔ pɔfoɛ mɔ dwirɛ, ná ɛmɔyɛ paa, ɛ́mɔfa bɛ́fɛmo bɔ ɛmɔ nye ngoli ye si kyɛ ɛmɔkosa bekole ɔ; na ɛmɔkonya akatuaa piri, ná ɛmɔayɛ Anwuro Anwuroniɛ ne mma; ofikyɛ ye de, ɔte paa ma boniayɛfoɛ ne bɔnefoɛ.

Kolosefoɛ 2:18

Nnɛmɔma sona biala bɔ ɔpati brɛ ye nwo ase, bɔ ɔsɔne abɔfo mɔ, bɔ ɔnwa wanya nyekyire, bua ɛmɔ foɛ; ofikyɛ ye adwene mbaen yeɛ ɔfa tu ye nwo yɔ sɔ ɔ.

2 Timoteo 1:18

Mesrɛ Awurade kyɛ ɔma Awurade nwu ye anwumvoin wɔ Kyẽa ne. Na wɔ bɔbɔ ɛse ɛsolɛ worawora bɔ ɔsole me wɔ Ɛfeso ɔ.

2 Timoteo 4:8

Na bɔ waha bɔ ɔla berɛ ma me ole tenenee abotire bɔ Awurade, ndɛenbualɛniɛ tenenee ne ɔkɔfa kɔbɔ m’aba so sɔ Kyẽa ne ɔ; bɔ nna me ngome, na mmom bɛ bɔ bekuro ye nwo aliyelɛ ne amukoraa koso ɔkɔbɔ b’aba so bie.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

Hebrifoɛ 11:6

Ebiala bɔ olle gyidie ne, ɔngora nzɔ Nyameɛ nye, ofikyɛ odi kyɛ ebiala bɔ ɔba Nyameɛ berɛ ne onya gyidie kyɛ Nyameɛ wɔ berɛ, na oyira bɛ bɔ bɛ nye aboro bɛpena ye boso ɔ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Rutu 1:16

Nakoso Rutu buale kyɛ, “Nnɛhyɛ me kyɛ nyakyi wɔ nu ngɔ, anaakyɛ nyakyi wɔ si lilɛ! Nekaa bɔ ɛkɔhɔ ne, berɛ yeɛ ngɔhɔ ɔ; yeɛ nekaa bɔ ɛkɔtena ne, berɛ yeɛ ngɔtena ɔ; wɔ maen kɔyɛ me maen, yeɛ wɔ Nyameɛ kɔyɛ me Nyameɛ.

Rutu 2:11

Nakoso Boase buale ye kyɛ, “Ofi mmerɛ bɔ ehu wuli ɔ, bɔ ayɔ ama wɔ sia brasua ne amukoraa, babɔ me amaneɛ: kyɛbɔ ɛyakyili wɔ baba ne wɔ maame ne wɔ bɔbɔ wɔ maen berɛ, ná ɛɛtoale mmenia bɔ né ɛnze bɛ ɔ ne.

Rutu 2:13

Yeɛ Rutu sele kyɛ, “Me mene, kɔ so do me sɔ ala, ofikyɛ akyekye me wora. Ɔwɔ nu kyɛ nna w’afaneɛ nemɔ bie ole me, nakoso ɛne w’afaneɛ adwudwo nyemene so.”

Rutu 4:15

Ɔkɔmaa ekonya wɔ boso ama, ná wama wɔ wɔ noa aleɛ wɔ wɔ nworowaa nu. Ofikyɛ wɔ sia bɔ okuro wɔ dwirɛ, bɔ yeɛ ɔtra mmaa mmienzua nzoo ma wɔ ne, ye yeɛ ɔwole ye ɔ.”

1 Samuel 24:19

Nwa yeɛ ɔkɔto ye pɔfoɛ a, ɔmaa ɔfa ye nwo di tɔtorɔtɔɔ ɔkɔ ɔ? Paa bɔ afa ayɛ me ɛnɛ ye, mesrɛ kyɛ AWURADE ɔma wɔ ye nwo akatuaa paa.

1 Samuel 24:20

Afei de, mese kyɛ ekoli hene amba, na Yisrael ahennie ne, wɔ sa nu yeɛ ye bo kotimu ɔ.