Rutu 2:11 - AHYERƐLƐ KRONGRON

¹¹ Nakoso Boase buale ye kyɛ, “Ofi mmerɛ bɔ ehu wuli ɔ, bɔ ayɔ ama wɔ sia brasua ne amukoraa, babɔ me amaneɛ: kyɛbɔ ɛyakyili wɔ baba ne wɔ maame ne wɔ bɔbɔ wɔ maen berɛ, ná ɛɛtoale mmenia bɔ né ɛnze bɛ ɔ ne.

Rutu 2:11 Iomraidhean Croise

2 Samuel 21:11

Aya awa brasua Risipa bɔ né ɔte Sɔɔlo sómaa ne, bɛfale nikyee bɔ wayɔ ne nwo amaneɛ bɛbɔle Dawide.

Edwein 45:10

Ao mma brasua, tie bɔ mekã ye, ná dwene ye nwo; ma wɔ wora fi wɔ mmenia ne wɔ baba awuro ama,

Luka 14:33

Na sɔ ala yeɛ ɛmɔ nu biala bɔ ɔnyakyi bɔ ole ye amukoraa berɛ ne, ɔngɔhora ngɔyɛ me suaniɛ ɔ.

Luka 5:11

Na bɛhwene b’ɛlɛen nemɔ bɛwale etii so ne, bɛyakyili nikyee biala berɛ beelili Yesu si.

Luka 5:23

Nu beni yeɛ ɔyɛ mmerɛ ɔ, kyɛ ɛkɔhã kyɛ, ‘Bafa wɔ bɔne bahyɛ wɔ,’ anaakyɛ ɛkɔhã kyɛ, ‘Dwɔso ná nate’?

Rutu 1:11

Nakoso Naomi sele kyɛ, “Me mma mɔ, ɛ́mɔsa, nzu ati yeɛ ɛmɔpena kyɛ ɛmɔ ne me bɛkɔ ɔ? Aso ngɔhora ngosa ngɔwo mmaa mmienzua maa bekogya ɛmɔ anaa?

Rutu 2:10

Yeɛ Rutu kotole aseɛnwo berɛ, ɔfale ye nye butuli berɛ, na obisale Boase kyɛ, “Ɔwale ye sɛ bɔ alo me sɔa ye, bɔ ayɛ me paa sɔaa ye, wɔ aberɛ bɔ nde ɛwɔfoɛ ɔ?”

Rutu 2:12

Bɔ ayɔ ye, mesrɛ kyɛ AWURADE ɔma wɔ ye nwo akatuaa. AWURADE Yisrael Nyameɛ, bɔ aabɔ wɔ nwo adwaa wɔ ye ndaa bo ne, mesrɛ kyɛ ɔma wɔ akatuaa mmorosoɛ.”

Rutu 3:10

Na Boase sele ye kyɛ, “Mma, AWURADE yira wɔ. Nahorɛ bɔ ali ye kekesaala ye ne, ɔtra nahorɛ bɔ ali moa ali ama wɔ sia ne. Ofikyɛ angɔanni mmerandeɛ mɔ si: kyɛ ehianiɛ oo, kyɛ sikaniɛ oo.

Rutu 4:15

Ɔkɔmaa ekonya wɔ boso ama, ná wama wɔ wɔ noa aleɛ wɔ wɔ nworowaa nu. Ofikyɛ wɔ sia bɔ okuro wɔ dwirɛ, bɔ yeɛ ɔtra mmaa mmienzua nzoo ma wɔ ne, ye yeɛ ɔwole ye ɔ.”