Rutu 2:10 - AHYERƐLƐ KRONGRON

¹⁰ Yeɛ Rutu kotole aseɛnwo berɛ, ɔfale ye nye butuli berɛ, na obisale Boase kyɛ, “Ɔwale ye sɛ bɔ alo me sɔa ye, bɔ ayɛ me paa sɔaa ye, wɔ aberɛ bɔ nde ɛwɔfoɛ ɔ?”

Rutu 2:10 Iomraidhean Croise

Gyenesise 18:2

Ɔmane ye nye so, na onwuni kyɛ mmienzua nza bie gyigyi ye nyunu moa dɔ. Onwuni bɛ nen, ofili ɛtena sua ne anoa nu berɛ otuli amirika ooyiale bɛ, na ɔkotole bɛ,

2 Samuel 19:28

Nana, me mene, ahaa me baba abusuafoɛ mukoraa, ehunɛ yeɛ yɛfata kyɛ eku yɛ ɔ. Nakoso amaa me, wɔ somvoɛ, maboka mmenia bɔ bedidi wɔ poen so ne aso. Nana, nzikyɛ bieku yeɛ ngɔhora ngobisa ngofi wɔ berɛ ɔ?”

2 Samuel 7:18

Afei Nana Dawide ɔɔtenane AWURADE nyunu, na ɔhane kyɛ, “Ao, AWURADE Nyameɛ, me ole nwa, yeɛ m’abusua gyi ye sɛ, bɔ apagya me amaa manya dibea sɔa ye?

2 Samuel 9:8

Yeɛ Mefibosɛte fale ye nyunu butuli berɛ sele kyɛ, “W’akoaa, kyea fuin bɔ ɔte kyɛ me ɔ, nde nzu bɔ alo me sɔa ɔ?”

Lewitikɔso 19:34

Ɛwɔfoɛ bɔ waatena ɛmɔ nu ne, ɛ́mɔfa ye kyɛ ɔte kuromani; ná kuro ɛwɔfoɛ ne dwirɛ kyɛ wɔ bɔbɔ wɔ nwo, ofikyɛ né ɛmɔte ɛwɔfoɛ wɔ Misraim aseɛ so: Me ole AWURADE wɔ Nyameɛ.

Mateo 25:35

Ofikyɛ ɛhɔen huni me, na ɛmɔmane me nikyee maa nnili; nzuhɔen huni me, na ɛmɔmane me nzue maa nnone; nyɛle wɔfoɛ, na ɛmɔsikyele me ɛmɔ awuro;

Luka 1:43

Yieee, ɔwale ye sɛ bɔ m’Awurade ani ɔba bapasa me nwo ɔ?

Luka 1:48

ofikyɛ wakaye ye afaneɛ awiɛmvoɛ! Yieee, ofikyɛ ofi ɛnɛ bɔ ɔkɔ ɔ, aworɛ ndoatoasoɛ amukoraa bɛkɔfrɛ me bɔ wanya saleɛ ɔ;

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

Rutu 2:11

Nakoso Boase buale ye kyɛ, “Ofi mmerɛ bɔ ehu wuli ɔ, bɔ ayɔ ama wɔ sia brasua ne amukoraa, babɔ me amaneɛ: kyɛbɔ ɛyakyili wɔ baba ne wɔ maame ne wɔ bɔbɔ wɔ maen berɛ, ná ɛɛtoale mmenia bɔ né ɛnze bɛ ɔ ne.

Rutu 2:13

Yeɛ Rutu sele kyɛ, “Me mene, kɔ so do me sɔ ala, ofikyɛ akyekye me wora. Ɔwɔ nu kyɛ nna w’afaneɛ nemɔ bie ole me, nakoso ɛne w’afaneɛ adwudwo nyemene so.”

Rutu 2:19

Yeɛ ye sia bisale ye kyɛ, “Nisua yeɛ ɛnɛ ɛɛsesale ayuo ye? Fie beni aso yeɛ ɛhɔle ɔ? Nyameɛ yira sona bɔ wayɛ wɔ paa sɔaa ye.” Yeɛ Rutu hane sona bɔ ɔhɔle ye fieso adwuma ne nwo dwirɛ hyirele ye sia ne kyɛ, “Biaa bɔ ngɔnyɔle adwuma wɔ ye fieso ne, bɛfrɛ ye Boase.”

Rutu 2:2

Ɛlɛho bie, Moaboniɛ Rutu sele Naomi kyɛ, “Maa ngɔ ebie bɔ okonwu me anwumvoin ɔ ye fieso, ná nni ye si mbena ayuo bɔ bate basesa maa waha berɛ ne bie.” Na obuale ye kyɛ, “Mma, atee la ase.”

Rutu 2:9

Ma wɔ nye sra nekaa bɔ bɛte ayuo ne, ná di bɛ si. Mahã mahyire mmerandeɛ nemɔ kyɛ nnɛmaa bɛha w’adwene. Sɛ nzuhɔen ku wɔ a, kɔ bua nemɔ anwo dɔ kɔno nzue bɔ mmerandeɛ nemɔ basa ne bie.”

1 Samuel 25:23

Mmerɛ bɔ Abigail nwuni Dawide nen, ofili afunum ne aso dwuli ase ndɛndɛ, ɔbɔle ye nu ase, na ɔfale ye nyunu butuli ase wɔ Dawide nyunu.