Rutu 1:22 - AHYERƐLƐ KRONGRON

²² Yiti Naomi ne ye sia brasua Moaboniɛ Rutu, bɔ ɔne ye befili Moabo aseɛ so besa bɛwale ne, bɛwale Betlehem mmerɛ bɔ né bɛ́hyɛ ye bo bɛte ayuo ɔ.

Rutu 1:22 Iomraidhean Croise

2 Samuel 21:9

na ɔfale bɛ wurale Gibeonfoɛ sa. Na Gibeonfoɛ bɔle mmenia nzoo ne bɛ kɔme wɔ bokaa ne aso wɔ AWURADE nyunu. Mmenia nzoo ne amukoraa, bewu bɛbɔle nu. Ayuo telɛ dwuli ne, bɛhyɛle ye bo kyɛ bɛte ne ala yeɛ behuni bɛ ɔ.

Lewitikɔso 23:10

“Ka kyire Yisraelfoɛ kyɛ, Sɛ ɛmɔbadwu aseɛ bɔ méfa méma ɛmɔ ne aso, ná ɛmɔfa so aleɛ a, ɛ́mɔfa ɛmɔ aleɛ bɔ oli moa ne taperɛ ko bɛbrɛ ɔsɔfo.

Lewitikɔso 23:11

Odi kyɛ ɔsɔfo ne nwaha taperɛ ne wɔ AWURADE nyunu, amaa ɔnate so AWURADE ale ɛmɔ ato nu. Sɛ afofikyẽa ne pɛ nu a, kyẽa bɔ ɔtoa so ne yeɛ odi kyɛ ɔsɔfo ne nwaha taperɛ ne ɔ.

Rutu 2:23

Yiti ɔfale ye nwo bɔle Boase ndaluwa nemɔ, na ɔsesale ayuo alaa kɔpem kyɛ ayuo ne atokoɔ telɛ pɛle nu ɔ. Na Rutu hɔle so ne ye sia bɛtenane.

Rutu 2:6

Yeɛ somvoɛ bɔ ɔnea ayuotelɛfoɛ nemɔ aso ne buale kyɛ, “Moaboniɛ bɔ ɔne Naomi befili Moabo aseɛ so bɛwale ne, ye ɛne.