Rutu 1:2 - AHYERƐLƐ KRONGRON

² Biaa ne li Elimɛlɛke, yeɛ ɔye ne koso li Naomi. Ye mma mmienzua nemɔ li Malon ne Kilion. Bɛte Efratefoɛ bɔ befi Betlehem bɔ ɔwɔ Yuda, na betu bɛɛtenane Moabo aseɛ so.

Rutu 1:2 Iomraidhean Croise

Gyenesise 35:19

Yiti Rahɛl wuli, na besiele ye wɔ Efrate (bɔ besa bɛfrɛ ye Betlehem) atee ne aso dɔ.

Mika 5:2

Nakoso wɔ, ao Betlehem Efrata, ɔwɔ nu kyɛ ɛte kãa wɔ Yuda nguro nemɔ anu de, nakoso bɔ ɔkɔyɛ Yisrael maenbulɛniɛ ne, bɔ ye ahyɛaseɛ fi tete, bɔ ofi mmerɛ bɔ olle ahyɛaseɛ ne, wɔ yeɛ okofi wɔ nu kɔwa kɔma me ɔ.

Maenbulɛfoɛ 17:7

Né aberandeɛ bie fi Betlehem bɔ ɔwɔ Yuda. Ofi Yuda abusua nu. Ɔte Lewiniɛ bɔ waatena berɛ ɔ.

Maenbulɛfoɛ 3:30

Yiti sɔ kyẽa ne, Moabo lili ngoguo wɔ Yisrael sa nu. Na asomdwee wale aseɛ ne aso afoɛ aburawɔtwɛ.

Rutu 1:3

Nakoso Naomi ohu Elimɛlɛke wuli, maa ɔhale ye ne ye mma mmienzua nyɔ ne.

Rutu 1:5

Malon ne Kilion bɛ munyɔ koso bewuli. Yiti braa ne mma mmienzua nyɔ ne ne ohu befili ye sa.

Rutu 2:1

Né biaa sikaniɛ titire bie wɔ berɛ bɔ oli Boase. Ɔte Naomi ahu Elimɛlɛke ye abusuaniɛ.

Rutu 4:9

Yeɛ Boase sele mbanyi nemɔ ne mmenia nemɔ amukoraa kyɛ, “Ɛnɛ ɛmɔdi adanzeɛ, kyɛ Elimɛlɛke, Kilion ne Malon b’agyapadeɛ biala, mapɔ mafi Naomi sa nu.

1 Samuel 1:1

Né biaa bie wɔ berɛ bɔ bɛfrɛ ye Ɛlkana. Ofi Ramatim Sofim bɔ ɔwɔ Efraim mmokaa aseɛ ne aso. Ɔse ole Yeroham bɔ ɔse ole Elihu bɔ ɔse ole Tohu bɔ ye koso ɔse ole Efraimniɛ Sufe ne.

1 Samuel 17:12

Dawide baba li Yese. Ɔte Efrateniɛ. Ofi Betlehem bɔ ɔwɔ Yudea. Né Yese le mmaa mmienzua mmɔtwɛ. Na Sɔɔlo aberɛ so ne, né sɔ biaa ne wanyi wayɛ aworowaa.

1 Samuel 17:21

Né Yisrael ne Filistifoɛ bate bagyina kyɛ bɛkɔho, bɔ ɛlɔen ko gyi bue ko, ná ko koso gyi bue ko ɔ.