Rutu 1:19 - AHYERƐLƐ KRONGRON

¹⁹ Yiti bɛ munyɔ besili nu bɛhɔle beedwuli Betlehem. Na beedwuli Betlehem nen, ɔnate bɛ ti, kurotue ne amukoraa bɔle twi, na mmrasua nemɔ bisale kyɛ, “Yiti Naomi ɛhe?”

Rutu 1:19 Iomraidhean Croise

1 Aberɛso Dwirɛ 2:51

Salma bɔ osuli Betlehemfoɛ ne, yeɛ Harefe bɔ ɔkyekyele Bete Gadere ne.

Yesaya 23:7

Ɛmɔ kuro bɔ anigye wɔ nu, bɔ ɔwɔ berɛ fi daa tetetete, bɔ ye gya fale ye hɔle dedeede maa ɔɔtenane dɔ ne, aso ye ayieleɛ ɛne?

Awuye 2:15

Bɛ bɔ bɛpɛ nu amukoraa bɛbɔ bɛ sa nu bɛgoro wɔ nwo. Besobi bɛ noa bɛwoso bɛ ti begua Yerusalem awa brasua ne aso kyɛ, “Kuro bɔ bɛfrɛ ye: Kuro bɔ ye anwonyemene di mu, aseɛ amukoraa anika ne, aso ye ɛhe?”

Mateo 21:10

Na odwuli Yerusalem nen, kurotue ne amukoraa bɛbɔle twi bebisale kyɛ, “Na nwa ɛhe?”

Rutu 1:20

Na Naomi sele bɛ kyɛ, “Nnɛma ɛmɔfrɛ me Naomi ko, ɛ́mɔfrɛ me Mara, ofikyɛ Ɛdangama ama me bra ayɛ weewee.

Rutu 2:6

Yeɛ somvoɛ bɔ ɔnea ayuotelɛfoɛ nemɔ aso ne buale kyɛ, “Moaboniɛ bɔ ɔne Naomi befili Moabo aseɛ so bɛwale ne, ye ɛne.