Rutu 1:17 - AHYERƐLƐ KRONGRON

¹⁷ Nekaa bɔ ekowu ne, berɛ yeɛ ngowu ɔ, na berɛ yeɛ bekosie me ɔ. AWURADE ɔne me li ye pasaa maa ɔbo so, sana ewue yeɛ ɔkɔtete me ne wɔ y’afia ɔ!”

Rutu 1:17 Iomraidhean Croise

2 Samuel 15:21

Nakoso Yitae buale Nana Dawide kyɛ, “Kyɛ AWURADE te ase ye, ɔne kyɛ Nana, me mene, wɔ koso ɛte ase ye, nekaa biala bɔ Nana, me mene, ɛkɔhɔ ne, ewue nu oo, ngoa nu oo, berɛ yeɛ wɔ somvoɛ me koso ngɔhɔ ɔ.”

2 Samuel 19:13

Ɛ́mɔsa bɛha behyire Amasa koso kyɛ, ‘Ɛte me dehyeɛ kaenn. Ofi ɛnɛ bɔ ɔkɔ ɔ, sɛ mamva wɔ manzi Yoabo gya nu mammɔ wɔ safohene wɔ me koɛhonɛfoɛ nemɔ aso a, Nyameɛ tua me kerɛ piri paa.’ ”

2 Samuel 3:35

Afei mmenia ne amukoraa bɛwale Dawide berɛ bɛɛsrɛle ye kyɛ ɔpena nikyee kãa li, wɔ mmerɛ bɔ né eyia gyi so ɔ. Nakoso Dawide tale ndaen kyɛ, “Sɛ mefa aleɛ anaa nikyee biala meka me noa koraka né eyia atɔ a, Nyameɛ otua me so kerɛ piri paa!”

2 Samuel 3:9

Nea, ndaen bɔ AWURADE ta hyirele Dawide nen, sɛ manyɔ sɔ ala mamma Dawide a, Nyameɛ otua me Abenɛ so kerɛ piri paa!

1 Ahemvo 13:31

Osiele ye yiele ne, osele ye mma mmienzua nemɔ kyɛ, “Sɛ mewu a, asieleɛ bɔ masie Nyameɛ sona ne wɔ nu ne, nu yeɛ ɛ́mɔsie me ɔ. Ɛ́mɔfa me mmowue begua ye deɛ ne anwo.

1 Ahemvo 19:2

Yeɛ Yesebɛl tuli ɛbɔfoɛ maa oosele Elia kyɛ, “Kyɛ odwu ɛhema bekye sɔa, sɛ mangu wɔ kyɛ mmenia bɔ ahũhũ bɛ ne anu ko a, me koso mmosoen nemɔ behũ me bie.”

1 Ahemvo 2:23

Yeɛ Nana Solomon fale AWURADE tale ndaen kyɛ, “Sɔ nikyee he bɔ Adoniya abisa ye, sɛ wamva ye ngoa wambɛ so a, ye de Nyameɛ otua me so kerɛ piri paa!

1 Ahemvo 20:10

Ben Hadade sa somane maa beesele Ahabo kyɛ, “Me koɛhonɛfoɛ pee bɔ bɛ somaa ti, sɛ bɛ nu biala sa Samaria mvuture ye sa bum ko po a, ɔngɔso bɛ so ne, sɛ mamma baammanzɛkye kuro ye a, ye de nyameɛ nemɔ betua me kerɛ behũ me.”

2 Ahemvo 6:31

Na ɔhane kyɛ, “Safate awa Elisa, sɛ ɛnɛ mande ye ti mamvi so a, Nyameɛ otua me kerɛ maa ɔbo so.”

Edwein 45:10

Ao mma brasua, tie bɔ mekã ye, ná dwene ye nwo; ma wɔ wora fi wɔ mmenia ne wɔ baba awuro ama,

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 20:24

Nakoso me de, memva he menyɛ hwee, yeɛ me ngoa koso memva menyɛ hwee; amaa ɔnate so mahora mafa anigye mayie me natelɛ ne Awurade Yesu asɛmbatrɛ adwuma bɔ ɔfa mane me kyɛ nni Nyameɛ adom nzɛmba ne nwo adanzeɛ ne.

Rutu 1:16

Nakoso Rutu buale kyɛ, “Nnɛhyɛ me kyɛ nyakyi wɔ nu ngɔ, anaakyɛ nyakyi wɔ si lilɛ! Nekaa bɔ ɛkɔhɔ ne, berɛ yeɛ ngɔhɔ ɔ; yeɛ nekaa bɔ ɛkɔtena ne, berɛ yeɛ ngɔtena ɔ; wɔ maen kɔyɛ me maen, yeɛ wɔ Nyameɛ kɔyɛ me Nyameɛ.

Rutu 4:15

Ɔkɔmaa ekonya wɔ boso ama, ná wama wɔ wɔ noa aleɛ wɔ wɔ nworowaa nu. Ofikyɛ wɔ sia bɔ okuro wɔ dwirɛ, bɔ yeɛ ɔtra mmaa mmienzua nzoo ma wɔ ne, ye yeɛ ɔwole ye ɔ.”

1 Samuel 14:44

Na Sɔɔlo sele kyɛ, “Yonatan, Nyameɛ tua me kerɛ maa ɔbo so, sɛ mamma bangu wɔ a!”

1 Samuel 20:13

Nakoso sɛ me baba anya adwene kyɛ okoli wɔ awue, ná sɛ manna ye ali mangyire wɔ ma angɔ asomdwee nu a, ye de AWURADE otua me Yonatan so kerɛ piri paa. Mesrɛ kyɛ AWURADE ogyina wɔ si, kyɛbɔ ogyi me baba si ne.

1 Samuel 25:22

Kyɛ odwu ɛhema ngyerɛmɔ ne, sɛ mema ye nwo ama bienzua ko po nya ye ti didi nu a, Nyameɛ tua me Dawide kerɛ maa ɔbo so.”

1 Samuel 3:17

Na Eli bisale ye kyɛ, “Nzikyɛ dwirɛ yeɛ ɔha hyirele wɔ ne? Nnɛfa fea me. Edwirɛ amukoraa bɔ ɔha hyirele wɔ ne, sɛ ɛfa nu bie fea me a, Nyameɛ tua wɔ kerɛ maa ɔbo so!”