Rutu 1:16 - AHYERƐLƐ KRONGRON

¹⁶ Nakoso Rutu buale kyɛ, “Nnɛhyɛ me kyɛ nyakyi wɔ nu ngɔ, anaakyɛ nyakyi wɔ si lilɛ! Nekaa bɔ ɛkɔhɔ ne, berɛ yeɛ ngɔhɔ ɔ; yeɛ nekaa bɔ ɛkɔtena ne, berɛ yeɛ ngɔtena ɔ; wɔ maen kɔyɛ me maen, yeɛ wɔ Nyameɛ kɔyɛ me Nyameɛ.

Rutu 1:16 Iomraidhean Croise

2 Samuel 15:21

Nakoso Yitae buale Nana Dawide kyɛ, “Kyɛ AWURADE te ase ye, ɔne kyɛ Nana, me mene, wɔ koso ɛte ase ye, nekaa biala bɔ Nana, me mene, ɛkɔhɔ ne, ewue nu oo, ngoa nu oo, berɛ yeɛ wɔ somvoɛ me koso ngɔhɔ ɔ.”

Edwein 45:10

Ao mma brasua, tie bɔ mekã ye, ná dwene ye nwo; ma wɔ wora fi wɔ mmenia ne wɔ baba awuro ama,

Anyandera 17:17

Adamvoa kuro wɔ dwirɛ mmerɛ biala, yeɛ w’amaneɛnwunɛ nu ti yeɛ bɛwole eliɛma ɔ.

Yesaya 14:1

Amba, AWURADE konwu Yakob anwumvoin. Okosa kɔneanea nu kɔye Yisrael, na ɔkɔfa bɛ koolua bɛ bɔbɔ b’aseɛ so. Na amanvrafoɛ kɔɔboka bɛ so bɛkɔfa bɛ nwo bɛkɔbɔ Yakob boso ama.

Daniel 2:47

Afei ɛhene ne sele Daniel kyɛ, “Nahorɛ nu, ɛmɔ Nyameɛ ne, ɔte nyameɛ mɔ nu Nyameɛ ne ahemvo mɔ nu Meneɛ, ɔne Nyameɛ bɔ ɔda mvealeɛ nu dwirɛ ali ɔ, ofikyɛ ahora ala sɔ mvealeɛ nu dwirɛ he ali.”

Daniel 3:29

Yiti, méhyɛ mmeraa kyɛ, maen, mmenia anaa edwudwolɛ biala bɔ ɔkɔhã dwirɛ kotia Sadrake, Mesake ne Abedinego Nyameɛ ne nen, ngɔmaa bɛkɔtete ye nu pasapasa, na bɛkɔfa ye awuro bɛkɔkakyi fofoɛ; ofikyɛ nyameɛ biala nne berɛ bɔ ɔkora pepɛ de sona sɔaa ɔ.”

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Hosea 13:4

Nakoso ofi Misraim aseɛ so, me ole AWURADE wɔ Nyameɛ; onni kyɛ ɛso nyameɛ biala, sana me, na defoɛ biala nne berɛ, sana me.

Sakaria 8:23

Asafo AWURADE nwa nyoo: sɔ mmerɛ ne, edwudwolɛ biala nu mmenia buru bɔ befi maen maen mɔ nu ɔ bɛkɔsosɔ Yudaniɛ ko ataadeɛ noa, na bekose kyɛ, ‘Yɛne ɛmɔ kɔhɔ, ofikyɛ yate kyɛ Nyameɛ gyi ɛmɔ si.’ ”

Mateo 8:19

Na ahyerɛlɛniɛ bie wale oosele Yesu kyɛ, “Kyerɛkyerɛniɛ, nekaa biala bɔ ɛkɔhɔ ne, me ne wɔ yɛkɔhɔ.”

Yohane 13:37

Na Petro bisale ye kyɛ, “Awurade, nzu ati yeɛ mengɔhora mengoli wɔ si kekesaala ye ɔ? Ngɔfa me ngoa ngɔto berɛ ngɔma wɔ!”

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

1 Tɛsalonikafoɛ 1:9

Sɔ mmenia nemɔ bɔbɔ deinn bɛkã kyɛbɔ ɛmɔsi belele yɛ nyemene so, ɔne kyɛbɔ ɛmɔasi bahwe bɛ nwo bafi mmosoen nwo bawa Nyameɛ berɛ, kyɛ ɛmɔkɔso Nyameɛ teasefoɛ ne nahorɛniɛ ne,

Yosua 24:18

Na AWURADE foane maen maen amukoraa, yeɛ Amorifoɛ bɔ né bɛte aseɛ ne aso ne fili yɛ nyunu. Yiti yɛ koso yɛkɔso AWURADE, ofikyɛ ye yeɛ ɔte yɛ Nyameɛ ɔ.”

Nyekyire 14:4

Ɛhemɔ ole bɛ bɔ bamva mmrasua bangua bɛ nwo fiɛ, ofikyɛ basie bɛ nwo krongron. Bɛ yeɛ bedi Boaen Ba ne si bɛkɔ nekaa biala bɔ ɔkɔ ɔ. Bɛ yeɛ bale bɛ ngoa bafi adasa mmaa nu, ná bayɛ bɛ fieso aleɛ bɔ oli moa bama Nyameɛ ne Boaen Ba ne ɔ.

Rutu 1:15

Yeɛ Naomi sele kyɛ, “Nea kyɛ ɛhora Ɔpa wasa ye si wahɔ ye abusua ne ye nyameɛ mɔ dɔ ɔ; di ɛhora ne asi.”

Rutu 1:17

Nekaa bɔ ekowu ne, berɛ yeɛ ngowu ɔ, na berɛ yeɛ bekosie me ɔ. AWURADE ɔne me li ye pasaa maa ɔbo so, sana ewue yeɛ ɔkɔtete me ne wɔ y’afia ɔ!”

Rutu 2:6

Yeɛ somvoɛ bɔ ɔnea ayuotelɛfoɛ nemɔ aso ne buale kyɛ, “Moaboniɛ bɔ ɔne Naomi befili Moabo aseɛ so bɛwale ne, ye ɛne.

Rutu 4:15

Ɔkɔmaa ekonya wɔ boso ama, ná wama wɔ wɔ noa aleɛ wɔ wɔ nworowaa nu. Ofikyɛ wɔ sia bɔ okuro wɔ dwirɛ, bɔ yeɛ ɔtra mmaa mmienzua nzoo ma wɔ ne, ye yeɛ ɔwole ye ɔ.”