Rutu 1:15 - AHYERƐLƐ KRONGRON

¹⁵ Yeɛ Naomi sele kyɛ, “Nea kyɛ ɛhora Ɔpa wasa ye si wahɔ ye abusua ne ye nyameɛ mɔ dɔ ɔ; di ɛhora ne asi.”

Rutu 1:15 Iomraidhean Croise

2 Ahemvo 2:2

Na Elia sele Elisa kyɛ, “Mesrɛ wɔ, tena wa ofikyɛ AWURADE asoma me Betel.” Nakoso Elisa buale kyɛ, “Kyɛ AWURADE te ase ye, ɔne kyɛ wɔ koso ɛte ase ye, mengɔte me nwo mengofi wɔ nwo.” Yiti besili nu bɛhɔle Betel.

Edwein 125:5

Nakoso mmenia bɔ bedi makyebu bɛfa b’atee bɔ ɔndengyɛ so ne de, AWURADE kɔfa bɛ kɔfra amumuyɛɛfoɛ so kɔfoa bɛ kofi berɛ. Asomdwee ɔ́tena Yisrael!

Edwein 36:3

Ye noa nu dwirɛ te bɔne ne nnakannaka; na bra bɔ nworɛ wɔ nu ná ɔte paa de, wayakyi ye bɔlɛ.

Sefania 1:6

yeɛ bɛ bɔ bayakyi AWURADE sililɛ, bɛ bɔ bɛmbena AWURADE si atee bɔ bɛmva bɛ dwirɛ bɛndo ye nyunu ɔ.”

Numeri 10:30

Nakoso Hobabo buale ye kyɛ, “Mengɔhɔ, na mmom mesa mekɔ me bɔbɔ me maen nu ne m’abusuafoɛ dɔ.”

Luka 24:28

Na bepingyele akuraa bɔ bɛ́kɔ so nen, ɔyɛle kyɛ ɔpɛ nu kɔ moa,

Hebrifoɛ 10:38

Na teneneeniɛ de, ɔnate ye gyidie so yeɛ okonya ngoa ɔ; nakoso sɛ osa ye si de a, me kra nye ngɔgye ye nwo.”

Yosua 24:15

Na sɛ ɛmɔ kunu ndwo kyɛ ɛmɔkɔso AWURADE de a, nzaade ɛnɛ kyẽa ye ɛ́mɔhyire bɔ ɛmɔkɔso ye ɔ: sɛ mmosoen bɔ ɛmɔ nana mɔ sole bɛ wɔ asue ne asi dɔ ne ahɔ oo, anaakyɛ Amorifoɛ bɔ ɛmɔte b’aseɛ so ye bɛ mmosoen nemɔ ahɔ oo. Nakoso me ne m’awuro ama de, yɛ de yɛkɔso AWURADE.”

Yosua 24:19

Nakoso Yosua sele maen ne kyɛ, “Ɛmɔngɔhora ngɔso AWURADE, ofikyɛ ɔte Nyameɛ bɔ ɔte krongron ɔ. Ɔte nungunɛ Nyameɛ; na ɔngɔfa ɛmɔ mmeraatolɛ ne ɛmɔ bɔne ngɔhyɛ ɛmɔ.

1 Yohane 2:19

Befi yɛ nu yeɛ bɛhɔle ɔ, nakoso né bɛmmɔ yɛ fekue ne bie. Ofikyɛ sɛ bɛbɔ yɛ fekue ne bie a, ahaa bɛ ne yɛ hɔle so tenane. Na bafi yɛ nu maa wala ali kyɛ bɛ mukoraa bɛmmɔ yɛ fekue ne bie.

Maenbulɛfoɛ 11:24

Aso nna nikyee bɔ wɔ nyameɛ Kemose wafa wama wɔ ne yeɛ odi kyɛ ɛfa ɔ? Nikyee biala bɔ AWURADE yɛ Nyameɛ wali so ngonim wafa wama yɛ ne, aso nna yɛ yeɛ odi kyɛ yɛfa ɔ?

Rutu 1:14

Yeɛ besa besuni hahii. Ɔpa tɔle ye sia brasua Naomi nu ɔne ye belili ngraa, nakoso Rutu de, ɔte matane ye.

Rutu 1:16

Nakoso Rutu buale kyɛ, “Nnɛhyɛ me kyɛ nyakyi wɔ nu ngɔ, anaakyɛ nyakyi wɔ si lilɛ! Nekaa bɔ ɛkɔhɔ ne, berɛ yeɛ ngɔhɔ ɔ; yeɛ nekaa bɔ ɛkɔtena ne, berɛ yeɛ ngɔtena ɔ; wɔ maen kɔyɛ me maen, yeɛ wɔ Nyameɛ kɔyɛ me Nyameɛ.