Rutu 1:13 - AHYERƐLƐ KRONGRON

¹³ aso ɛmɔkɔnwondɛ toonn maa bekonyi? Aso ɛmɔngogya biaa? Daabi, me mma mɔ, mali yealɛ matra ɛmɔ, ofikyɛ AWURADE ayakyi me nu amaa manwu amaneɛ.”

Rutu 1:13 Iomraidhean Croise

Gyenesise 38:11

Yiti Yuda sele ye sia brasua Tamar kyɛ, “Kɔtena wɔ kuna nu wɔ ɛse awuro kɔpem kyɛ mma Hyela konyi ɔ.” Ofikyɛ né osuro kyɛ annea a, ye koso okowu kyɛbɔ oliɛma nemɔ wuli ne. Yiti Tamar hɔle ɔɔtenane ɔse awuro.

YOB NWOMAA NE 19:21

Ao, me damvo mɔ, ɛ́mɔnwu me anwumvoin e, ɛ́mɔnwu me anwumvoin e, ofikyɛ Nyameɛ ate ye sa wapura me!

Edwein 32:4

Ofikyɛ wɔ sa gyi me nwo eyia ne kɔngɔen; m’anwoserɛ amukoraa yiele kyɛbɔ asue wewe wɔ wawa mmerɛ ɔ. Sela

Edwein 38:2

Ofikyɛ w’agyaen nemɔ basinasina me, na w’asohwenɛ awa me so.

Deuteronomi 2:15

Nahorɛ nu, AWURADE tuli ye nye siele bɛ so, kyɛ ɔkɔma bɛ boso konua kofi asikyeleɛ ne anu, kɔpem kyɛ ohuhuni bɛ mukoraati ɔ.

Maenbulɛfoɛ 2:15

Kyɛbɔ AWURADE bɔle bɛ kɔkɔ ná osa tale ye nwo ndaen hyirele bɛ ne, mmerɛ biala bɔ bɛhɔle koɛ ne, AWURADE yele ye sa fili bɛ bo maa musue tole bɛ, na bɛ nwo hyerele bɛ paa.

Rutu 1:12

Me mma mɔ, ɛ́mɔsa bɛhɔ, ofikyɛ nekaa bɔ manyi madwu ye, bienzua biala ngogya me. Na sɛ manya anyelasoɛ po, ná sɛ ɛnɛ kɔngɔen ye ala menya biaa megya mewo mmaa mmienzua po a,

Rutu 1:14

Yeɛ besa besuni hahii. Ɔpa tɔle ye sia brasua Naomi nu ɔne ye belili ngraa, nakoso Rutu de, ɔte matane ye.

Rutu 1:21

Me sa bum yeɛ mva ngɔle ɔ, nakoso AWURADE amaa masa mawa nzanza; nzu ati yeɛ ɛmɔfrɛ me Naomi, wɔ berɛ bɔ AWURADE ne me ali ye anyeborolɛ so, ná Ɛdangama amaa asane piri ato me ɔ?”

1 Samuel 5:11

Yeɛ bɛsomane maa bɛɛfrɛfrɛle Filisti ahemvo amukoraa maa beyiale, na besele bɛ kyɛ, “Ɛ́mɔye Yisrael Nyameɛ apam alaka ne béfi wa besa bɛɛfa besie ye boso, ná wangukũ yɛ ne yɛ kuro ama.” Ofikyɛ né ewue nwo ahunundetelɛ atɔ kuro ne aso amukoraa. Né Nyameɛ ama ɛhawo piri paa awa berɛ.