Rutu 1:11 - AHYERƐLƐ KRONGRON

¹¹ Nakoso Naomi sele kyɛ, “Me mma mɔ, ɛ́mɔsa, nzu ati yeɛ ɛmɔpena kyɛ ɛmɔ ne me bɛkɔ ɔ? Aso ngɔhora ngosa ngɔwo mmaa mmienzua maa bekogya ɛmɔ anaa?

Rutu 1:11 Iomraidhean Croise

Gyenesise 38:11

Yiti Yuda sele ye sia brasua Tamar kyɛ, “Kɔtena wɔ kuna nu wɔ ɛse awuro kɔpem kyɛ mma Hyela konyi ɔ.” Ofikyɛ né osuro kyɛ annea a, ye koso okowu kyɛbɔ oliɛma nemɔ wuli ne. Yiti Tamar hɔle ɔɔtenane ɔse awuro.

Gyenesise 38:9

Nakoso né Onan se kyɛ mmaa nemɔ ngɔyɛ ye deɛ. Yiti ɔne oliɛma n’aye ne lale ne, ɔmane ye nwo nzue guale ase, kyɛbɔ ɔkɔyɛ na ɔngɔwo ngɔma oliɛma ne ɔ.

Deuteronomi 25:5

“Sɛ aliɛmaa mmienzua nyɔ bɛte neka horɛ, ná bɛ nu ko wu bɔ wannwo ba ne, ɔnzɛ kyɛ bɔ wawu n’aye kogya ɛwɔfoɛ bɔ ɔnne abusua ne anu ɔ. Ɔsɛ kyɛ ohu n’aliɛma fa ye gya, ná ɔyɔ huɛ aliɛmaa asɛdeɛ ma braa ne.

Rutu 1:10

Bebuale ye kyɛ, “Daabi, yɛne wɔ kosa kɔhɔ w’abusua nu.”

Rutu 1:12

Me mma mɔ, ɛ́mɔsa bɛhɔ, ofikyɛ nekaa bɔ manyi madwu ye, bienzua biala ngogya me. Na sɛ manya anyelasoɛ po, ná sɛ ɛnɛ kɔngɔen ye ala menya biaa megya mewo mmaa mmienzua po a,