Filemɔn 1:6 - AHYERƐLƐ KRONGRON

⁶ Na me mbaeɛ ole kyɛ, nningyein paa amukoraa bɔ ɔnate Kristo so ɔwɔ wɔ nu ne, bɛ nwo nimdeɛ kɔma wɔ gyidie nnwumaa ne kɔla ali piri paa.

Filemɔn 1:6 Iomraidhean Croise

Mateo 25:16

Na berɛ ne ala, ko bɔ onyane talɛnde nnu ne, ɔfale ye sikaa ne ɔɔyɔle adwuma, na onyane mvasoɛ talɛnde nnu.

Mateo 5:16

Yiti ɛ́mɔma ɛmɔ kanea ɔta ma mmenia nwu ye, amaa ɔnate so banwu ɛmɔ yɔleɛ paa ne, ná bakamvo ɛmɔ Baba bɔ ɔwɔ nyameɛso ne.

1 Korintofoɛ 14:25

Ye ti anu mvealeɛ nu dwirɛ kɔla ali, ɔkɔfa ye nyunu kobutu berɛ kɔsɔne Nyameɛ, ná wahã kyɛ Nyameɛ wɔ ɛmɔ nu amba.

1 Korintofoɛ 16:9

Atee piri bie bɔ ngɔfa so ngɔyɔ adwuma, bɔ ye nwo kɔwa mvasoɛ abukye ama me wɔ wa, nakoso me pɔfoɛ sone.

Filipifoɛ 4:8

Afei aliɛmaa mɔ, medwura edwirɛ ne kyɛ, nikyee biala bɔ ɔte nahorɛ, bɔ ɔte animnyam, bɔ ɔtengyɛ, bɔ ye nwo te, bɔ ɔyɛ nyemene, bɔ ole dumaa paa; sɛ bra paa bie wɔ berɛ a, sɛ ayɛyelɛ bie wɔ berɛ a, sɔ nningyein nemɔ yeɛ ɔsɛ kyɛ ɛmɔdwenedwene bɛ nwo ɔ.

Kolosefoɛ 1:9

Ɔnate ɛhe ati, ofi kyẽa bɔ yɛtele sɔ dwirɛ ne ɔ, yɛyyakyili ɛmɔ nwo mbaeɛbɔlɛ le. Na yɛsrɛ kyɛ ɔma ɛmɔnya ye apɛdeɛ nwo nimdeɛ mmorosoɛ wɔ sunzum nu nworɛ ne ndeaseɛ amukoraa nu.

Kolosefoɛ 3:10

na ɛmɔanya sona sue foforɛ, na ye bɔ ɔbɔle yɛ ne, ogu so ɔyɛ yɛ foforɛ ba nimdeɛ nu maa ye sɛso yɛ kyɛ ye bɔbɔ ne ala.

Tito 3:14

Ma yɛ mmenia besua nnwumaa paa nwo mmɔdenbɔlɛ, ná bɛ́fa bɛ́boka bɛ bɔ behia mmokalɛ paa ɔ; na mmom ɔnzɛ kyɛ bɛyɛ foen bɔ mvasoɛ nne bɛ so ɔ.

Hebrifoɛ 6:10

Ofikyɛ Nyameɛ de, ɔtte asisie bɔ ɔkobu ye nye kogua ɛmɔ mmɔdenbɔlɛ, ɔne ɔdɔ bɔ ɔnate ye dumaa ti ɛmɔaye ye ali bahyire anwoteefoɛ, ná ɛmɔtɛyɔ ɔ.

Yakobo 2:14

Nniɛma mɔ, sɛ ebie kã kyɛ ole gyidie, nakoso olle nnwumaa a, né mvasoɛ beni yeɛ ɔwɔ so ɔ? Sɔ gyidie ne, ɔkɔhora kole ye ngoa anaa?

Yakobo 2:17

Sɔ ala yeɛ gyidie ngome koso ɔte ɔ. Sɛ nnwumaa nne nu a, ɔte wuruwaa.

1 Petro 2:12

Ɔwɔ nu kyɛ Amaenmaensofoɛ nemɔ bɛkekã ɛmɔ nwo dwirɛ kyɛ ɛmɔte bɔnefoɛ de, nakoso ɛ́mɔma ɛmɔ bra yɛ sannwuu wɔ bɛ nu, amaa banwu ɛmɔ bra paa ne, ná bahyɛ Nyameɛ animnyam wɔ kyẽa bɔ ɔkɔwa ne.

1 Petro 3:1

Yeɛ mɔ, sɔ ala yeɛ ɛ́mɔbrɛ ɛmɔ nwo ase bɛ́ma ɛmɔ bɔbɔ bɛ hu mɔ ɔ; na sɛ ɔba kyɛ bɛ nu biemɔ benne edwirɛ ne benni a, bafa bɛ ye mɔ suban so, bɔ nna bɛ noa dwirɛ ahɔ ɔ basakyera;

1 Petro 3:16

Ɛ́mɔma ɛmɔ tiboa obua ɛmɔ be, amaa sɛ bɛto ɛmɔ soen a, bɛ bɔ bɛkekã ɛmɔ Kristo nu bra paa ne nwo dwirɛ tɛɛ ne, bɛ nyunu agua ase.

2 Petro 1:8

Na sɛ ɛmɔle sɔ suban paa hemɔ mmorosoɛ a, bɛngɔma ɛmɔngɔtena berɛ mbaen anaa ɛmɔngɔyɛ mmenia bɔ benzu mmaa wɔ y’Awurade Yesu Kristo nwo nimdeɛ nu ɔ.