Filemɔn 1:5 - AHYERƐLƐ KRONGRON

⁵ ofikyɛ ɔdɔ bɔ ele ye ma anwoteefoɛ amukoraa ɔne wɔ gyidie wɔ Awurade Yesu nu ne, mete ye nga.

Filemɔn 1:5 Iomraidhean Croise

Edwein 16:3

Krongronfoɛ bɔ bɛwɔ aseɛ ne aso ne, bɛ yeɛ bele animnyam ɔ, ná bɛ nu yeɛ m’anigye amukoraa wɔ ɔ.

Asomafoɛ 20:21

na nnili adanzeɛ ngyirele Yudafoɛ ne Amaenmaensofoɛ kyɛ benya Nyameɛ nyunu adwenesakyera ne y’Awurade Yesu Kristo nu gyidie.

Romanfoɛ 12:13

Ɛ́mɔboka anwoteefoɛ wɔ bɔ ohia bɛ ɔ nwo, ná ɛ́mɔbɔ mmɔden wɔ ɛwɔfoɛsolɛ nwo.

1 Korintofoɛ 16:1

Ɔfa ndoboa bɔ bedide bɛkɔma anwoteefoɛ nwo nen, nhyehyɛleɛ bɔ mayɛ mama Galatia asɔre nemɔ ala yeɛ ɛmɔ koso ɛmɔli so ɔ.

Galatiafoɛ 5:6

Ofikyɛ sɛ yɛne Kristo Yesu yɛ ko de a, bienzuapɛlɛ oo, nna bienzuapɛlɛ oo, ye nwo nhia, na mmom gyidie bɔ ɔnate ɔdɔ so yɔ adwuma yeɛ ohia ɔ.

Ɛfesofoɛ 1:15

Yiti me koso, ofi mmerɛ bɔ ndele ɛmɔ gyidie wɔ Awurade Yesu nu ɔne anwoteefoɛ amukoraa nwo dɔ bɔ ɛmɔle ye ne,

Kolosefoɛ 1:4

Ofikyɛ yate ɛmɔ gyidie bɔ ɔwɔ Kristo Yesu nu ne, ɔne ehurolɛ bɔ ɛmɔkuro anwoteefoɛ amukoraa bɛ dwirɛ ne nga;

1 Tɛsalonikafoɛ 3:6

Nakoso afei de, Timoteo afi ɛmɔ berɛ wasa wawa yɛ wa, na wafa ɛmɔ gyidie ne ɔdɔ nwo dwirɛ fɛɛ waabɔ yɛ amaneɛ kyɛ daa ɛmɔkaye yɛ paa, na ɛmɔ wora dɔ yɛ, kyɛbɔ yɛ koso yɛ wora dɔ ɛmɔ ne ala.

Filemɔn 1:7

Aliɛmaa, ɔdɔ bɔ ele ye ne, wamaa yanya anigye ne nguraenhyɛlɛ pee, ofikyɛ ama anwoteefoɛ ne amukoraa bɛ wora akyekye.

1 Yohane 3:23

Na ye ahyɛdeɛ ne kyire kyɛ yɛle ɔwa Yesu Kristo dumaa ne yɛli, ná yɛhurohuro yɛ nwo dwirɛ kyɛbɔ wafa ahyɛdeɛ wama yɛ ne.