Filemɔn 1:14 - AHYERƐLƐ KRONGRON

¹⁴ nakoso menguro kyɛ ngɔfa wɔ si ngɔyɔ nikyee biala ɔ, ná wɔ paayɛlɛ ne anyɛ kyɛ mehyɛ wɔ ɔ, na mmom wafi w’ahone nu.

Filemɔn 1:14 Iomraidhean Croise

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

1 Korintofoɛ 9:17

Sɛ me bɔbɔ me pɛ yeɛ mefa mekã nzɛmba ne a, ye po mefata akatuaa, nakoso sɛ nna me bɔbɔ me pɛ yeɛ mefa mekã hɔ a, nzaade bɔ bafa bawura me sa ne ala yeɛ meyɔ ne.

1 Korintofoɛ 9:7

Nwa yeɛ ɔkɔ koɛ ná ye bɔbɔ yeɛ otua ye nwo kerɛ ɔ? Nwa yeɛ ɔyɔ mmakaammaa boo bɔ onni ye mma ne bie ɔ? Anaakyɛ nwa yeɛ ɔnea nandwie so ná ɔnno bɛ nyɔfonesue ne bie ɔ?

2 Korintofoɛ 1:24

Nna kyɛ yɛhyɛ ɛmɔ so wɔ ɛmɔ gyidie nwo ɔ, na mmom kyɛbɔ ɛmɔ nye kɔha ti yeɛ yɛ ne ɛmɔ yɔ adwuma yɛbɔ nu ɔ, ofikyɛ ɛmɔ gyidie gyi berɛ pindinn.

2 Korintofoɛ 8:12

Na sɛ ɛmɔaye bɛ kunu kyɛ ɛmɔkɔboka a, nikyee bɔ sona le ye fa ma ne yeɛ ɔsɔ anyeɛ ɔ, na nna nikyee bɔ olle bie ne ɔ.

2 Korintofoɛ 9:5

Yiti madwene ye nwo kyɛ, ohia kyɛ mesrɛ aliɛmaa hemɔ maa bedi yɛ nyunu moa bɛbapasa ɛmɔ nwo, na bɛboaboa akyɛdeɛ bɔ ɛmɔahyɛ ye nwo bɔ ne noa; amaa wanyɛ kyɛ nhyɛsoɛ akyɛdeɛ, na mmom wafi ɛmɔ ahone nu.

2 Korintofoɛ 9:7

Na kyɛbɔ ebiala asusu ye nwo wɔ ye adwene nu ne, maa ɔfa sɔ ma, na wanyɛ kyɛ ɔtwetwe ye gya ase anaakyɛ ɔyɛ ye nhyɛsoɛ nu; ofikyɛ bɔ ɔye ye kunu fitaa fa nikyee kyɛ ne yeɛ Nyameɛ kuro ye dwirɛ ɔ.