Obadia 1:9 - AHYERƐLƐ KRONGRON

⁹ Ao Teman, w’anwoserɛfoɛ nemɔ, ahunundetelɛ kɔtɔ bɛ so, amaa ɔnate so sona biala bɔ ofi Yisɔ bokaa so ne, ɔkɔtɔ wɔ ngrandɛ noa.

Obadia 1:9 Iomraidhean Croise

Gyenesise 36:11

Elifase mma mmienzua mɔ ole Teman, Omare, Sefo, Gatam ne Kenase.

1 Aberɛso Dwirɛ 1:45

Yobabo wuli ne, Husam bɔ ofi Temanfoɛ aseɛ so ne, olili ye bia.

YOB NWOMAA NE 2:11

Né Yob le ye mmango nza biemɔ. Bɛ ole Temanniɛ Elifase, Suhiniɛ Bildade, yeɛ Naamaniɛ Sofa. Bɛtele amaneɛ amukoraa bɔ wato ye nen, bɛ nu biala fili ye kuro wale, na beeyiale bɛfale adwene kyɛ bɛkɔ Yob berɛ bɛkɔyɛ ye yaakɔ ná bɛkyekye ye wora.

Yeremia 49:20

Yiti ɛ́mɔtie AWURADE nhyehyɛleɛ bɔ wayɛ wafa Edom nwo ɔ, ɔne adwene bɔ wadwene wafa Temanfoɛ nwo ɔ. Amba, bɛkɔhwe bɛ bɛkɔhɔ kyɛ mmoaen nemɔ anu mmaa mmaa paa nemɔ. Amba, ɔnate bɔ wato bɛ ne ati, b’atenaleɛ nwo kodwiri bɛ.

Yeremia 49:22

Tie, ɔkɔfo ná watu kyɛ kɔleɛ, na ɔkɔtrɛtrɛ ye ndaa nu wɔ Bosra so. Na sɔ kyẽa ne, Edom anwoserɛfoɛ bɛ kra kɔnwati kofi bɛ nwo, kyɛ brasua bɔ wafo aworɛ so ɔ ye deɛ.

Yeremia 49:7

Bɔ Asafo AWURADE kã fa Edom nwo ole kyɛ, “Aso nworɛ nne Teman ko? Aso nworɛfoɛ bendu foɛ ko anaa? Aso bɛ nworɛ atu amini anaa?

Hesekiel 25:13

yiti AWURADE Nyameɛ nwa nyoo: Ngɔhwe Edom so, na ngohũhũ so mmenia ne ngaka. Ngɔbɔ maen ne, na bɛkɔtotɔ ngrandɛ noa bekofi Teman maa okoodwu Dedan.

Amose 1:12

Yiti ngɔto Teman nu see maa ɔkɔyera Bosra anwoserɛ afealeɛ nemɔ.”

Amose 2:16

Na sɔ kyẽa ne, anwoserɛfoɛ nu ahoneserɛniɛ ne, ɔkɔnwati bɔ ye nwo la so ɔ,” AWURADE noa dwirɛ ɛne.

Obadia 1:21

Na defoɛ mɔ kɔfo kɔhɔ Sion bokaa so bɛkɔɔyɛ Yisɔ bokaa ne aso maenbulɛfoɛ, na ahennie ne kɔyɛ AWURADE deɛ.

Obadia 1:5

Sɛ awuefoɛ bɛba wɔ so, sɛ awerɔm awuefoɛ bɛba wɔ so kɔngɔen a, (nea kyɛbɔ basi bayɛ wɔ pasaa ɔ!) aso bengowua alaa bɔ bɛ kunu kuro ɔ? Sɛ bobe telɛfoɛ nemɔ bɛba wɔ bobe boo nu a, aso ahaa bɛngɔyakyi bobe si ne bie wɔ so?

Nahum 3:13

Nea! Wɔ koɛhonɛfoɛ nemɔ bɔ bɛwɔ wɔ nu ne, bakakyi mmrasua. W’aseɛ ne aso pambim nemɔ, bɛlela berɛ hambonnwu ma wɔ pɔfoɛ mɔ, na see ayera mmuralɛ bɔ bɛbrambram wɔ pambim mɔ asi ne.

Habakuku 3:3

Nyameɛ fi Teman wale, amba, Krongronniɛ ne fi bokaa Paran so wale. Sela Ye animnyam katale nyameɛso, yeɛ ye nwo ayɛyelɛ yili aseɛ so tɛkyɛ.

Deuteronomi 2:5

ná ɛmɔ ne bɛ annya ngondii, ofikyɛ mengɔfa b’aseɛ ne agyirɛ ko po mengɔma ɛmɔ, ɔnate kyɛ mafa Sɛre mmokaa aseɛ ne mama Yisɔ kyɛ ɔ́fa.