Obadia 1:7 - AHYERƐLƐ KRONGRON

⁷ Bɛ bɔ bɛ ne wɔ ayɛ apam ne amukoraa, baye wɔ bama, bafoa wɔ baadwu ɛwɛen ne aso; bɛ bɔ bɛ ne wɔ tu nu ne, bali wɔ so ngonim; wɔ mmango bɔ bedi wɔ aleɛ ne, basua wɔ ngaen, nakoso annya ye nwo adwene biala.

Obadia 1:7 Iomraidhean Croise

Edwein 41:10

Nakoso, ao AWURADE, nwu me anwumvoin, maa nde apɔ, ná ngora ndua bɛ so kerɛ!

Edwein 41:9

Mmiɛngo bɔ mede ye medi paa, bɔ yeɛ me ne ye yɛto asaa yɛdidi ne, ye yeɛ waye me wama ɔ.

Yesaya 27:11

Sɛ ye mmaen frɔmfrɔm nemɔ bewu a, bebubu begua, na mmrasua basesa bɛfa bɛyɛ eyein. Ofikyɛ bɛte maen bɔ ndeaseɛ abɔ bɛ ɔ; ye sɔ ne ati, bɔ ɔbɔle bɛ ne ngonwu bɛ anwumvoin, bɔ ɔnwone bɛ ne ɔngɔlo bɛ.

Yeremia 20:10

Mate kyɛ mmeni pee bɛ́yɛ nwuhunwuhu kyɛ, “Anwunanwuna apɛ yɛ nwo ayia, Ɛmɔhã dwirɛ betia ye! Ɛ́mɔma yɛhã dwirɛ yɛtia ye!” Mmenia amukoraa bɔ me ne bɛ yɛnnyane edwirɛ biala ne, bɛpena m’asefinɛ, na bɛnwa: “Ebiaa ɔkɔmaa yɛkɔlakalaka ye, yɛkoli ye so ngonim, ná yatɔ ye so wereɛ.”

Yeremia 30:14

Wɔ dɔfo amukoraa bɛ wora afi wɔ; bɛmbena wɔ si atee, ofikyɛ mapura wɔ kyɛbɔ pɔfoɛ kopura wɔ ɔ; yeɛ mahwe wɔ so kyɛbɔ atianuserɛniɛ kɔhwe wɔ so ɔ, ofikyɛ w’amumuyɛɛ sone pee, yeɛ wɔ bɔne ayɛ buburugyaa.

Yeremia 38:22

Tie, mmrasua amukoraa bɔ baha wɔ Yuda hene ahemvie ne, bɛkɔfa bɛ bekofite bɛkɔɔma Babilɔn hene mbanyi mɔ, na mmrasua nemɔ kɔhã kyɛ, ‘Wɔ mmango mɔ balakalaka wɔ bali wɔ so ngonim; afei bɔ wɔ gya atimu asaa nu ye, bakakyi bɛ si bama wɔ.’

Yeremia 4:30

Na afei, wɔ bɔ akakyi kurofoen ɔ, sɛ ɛkera kende a, né ɛpena kyire sɛɛ, bɔ afa esikaa kɔkorɛ mbembenanneɛ asiesie wɔ nwo, bɔ atoto wɔ nye asi ye? Asiesie wɔ nwo nyemene mbaen. W’adɔfo mɔ bɛmva wɔ bɛnyɛ huu; ehunɛ yeɛ bɛpena wɔ beku wɔ ɔ.

Yeremia 49:7

Bɔ Asafo AWURADE kã fa Edom nwo ole kyɛ, “Aso nworɛ nne Teman ko? Aso nworɛfoɛ bendu foɛ ko anaa? Aso bɛ nworɛ atu amini anaa?

Awuye 1:19

“Mvrɛfrɛle bɛ bɔ mekuro bɛ nemɔ, nakoso bɛlakalakale me. M’asɔfo ne me mbanyi mɔ, bɛtotɔle wɔ kuro ne anu, mmerɛ bɔ né bɛpena bɛ noa aleɛ ma bɛ kra mɔ nwo tɔ bɛ ne.

Hosea 13:13

Yealɛ bɔ brasua fo aworɛ so a onwu ye ne, ebie kɔto ye, nakoso ɔte baa bienzua bɔ ɔnze nworɛ ɔ; ofikyɛ odwu mmerɛ bɔ odi kyɛ bɛwo ye a, ɔmva ye ti ndua awodeɛ ne anoa.

Hosea 7:11

Efraim te kyɛ abubure kwaseaa bɔ olle adwene ɔ; bɛpena mmokalɛ befi Misraim berɛ, yeɛ bɛkɔ Asiria berɛ.

Yohane 13:18

“Nna ɛmɔ amukoraa bɛ nwo dwirɛ yeɛ mekã ɔ, na me de, mese bɛ bɔ maneanea nu maye bɛ ɔ. Na ɛhe yeɛ ɔkɔma Ahyerɛlɛ ne kɔwa nu kyɛ, ‘Sona bɔ ɔne me to asaa didi ne, ye yeɛ waye me wama ɔ.’