Obadia 1:5 - AHYERƐLƐ KRONGRON

⁵ Sɛ awuefoɛ bɛba wɔ so, sɛ awerɔm awuefoɛ bɛba wɔ so kɔngɔen a, (nea kyɛbɔ basi bayɛ wɔ pasaa ɔ!) aso bengowua alaa bɔ bɛ kunu kuro ɔ? Sɛ bobe telɛfoɛ nemɔ bɛba wɔ bobe boo nu a, aso ahaa bɛngɔyakyi bobe si ne bie wɔ so?

Obadia 1:5 Iomraidhean Croise

2 Samuel 1:19

“O Yisrael, w’animnyam mɔ yeɛ bahu bɛ bagua asɔneyɛɛ mɔ so dɔ ye! Yieee, katakyie mɔ baho batɔ!

Yesaya 14:12

“O, Alehyeleɛ Nzramaa, Alebahyene ɔwa, ɛtetɔlɛ yeɛ efi nyameɛso ate atɔ ase sɔaa e! Wɔ bɔ elili maen maen mɔ so ngonim ne, aseɛnwo yeɛ bafindi wɔ bato sɔaa ye!

Yesaya 17:6

Nakoso ɛte bobe a ebie ka nu, kyɛbɔ bɛwoso olive bakaa a ebie ka so ne, mmaa nyɔ anaa nza ka bakaa mmaen frɔmfrɔm ne aso anwuro, bɔ nna anaa nnu ka ye mmaen bɔ wasu dɔsɔɔ ne aso ɔ, AWURADE Yisrael Nyameɛ noa dwirɛ ɛne.

Yesaya 24:13

Sɔ ala yeɛ okosi aseɛ so wɔ maen maen mɔ nu ɔ. Ɔkɔyɛ kyɛ olive bakaa bɔ baporo ye mma bagua ɔ, anaakyɛ bobe bɔ bate ye mma maa waha ye si kãa bie ɔ.

Yeremia 49:9

Sɛ bobetelɛfoɛ bɛba wɔ berɛ a, aso bɛngɔyakyi bobe mmaa ne kãa wɔ so? Sɛ awuefoɛ bɛba kɔngɔen a, aso nna bɔ bekuro ɔ yeɛ bekowua ɔ?

Yeremia 50:23

Aseɛ ye amukoraa so bɔsobaka ne, nea kyɛbɔ basi bapepɛ nu babubu nu ɔ! Nea kyɛbɔ Babilɔn wayɛ maen maen mɔ nu kurofoen ɔ!

Yeremia 6:9

Bɔ Asafo AWURADE kã hɔ ɛhe: “Bɛkɔyeye Yisraelfoɛ bɔ baha nemɔ anu, kyɛ bobe mmaa bɔ bɛyeye nu ɔ, kyɛbɔ ebie bɔ ɔtete bobe ne, osa fa ye sa tete bɔ waha mmaen ne aso ne gua kɛndɛen nu ɔ.”

Awuye 1:1

Ao, kuro bɔ né mmenia ayɛ nu mitimiti ne, ye yeɛ afei waha ye ngome e! Kuro bɔ né odi mu wɔ maen maen mɔ nu ne, ye yeɛ afei wakakyi kyɛ kunaniɛ ye! Kuro bɔ né odi maen maen mɔ so hemmaa ne, ye yeɛ afei de bede ye ndɔ e!

Obadia 1:9

Ao Teman, w’anwoserɛfoɛ nemɔ, ahunundetelɛ kɔtɔ bɛ so, amaa ɔnate so sona biala bɔ ofi Yisɔ bokaa so ne, ɔkɔtɔ wɔ ngrandɛ noa.

Mika 7:1

Edwirɛ ato me oo! Ofikyɛ mayɛ kyɛ ebie bɔ bate borɔdoma bayie, bɔ bate bobe si ne bayie, bɔ bennya ye mma biribiraa ne bie benni ɔ. Borɔdoma mma bɔ wali moa wasu, bɔ me komvi wɔ so ne, ebie nne berɛ.

Sefania 2:15

Anwomasoɛ kuro bɔ né ye so anu atɔ ye ne, ye ɛne oo, ye bɔ osele ye nwo kyɛ, “Me ɛne, ebiala nne berɛ ko bɔ ɔte kyɛ me ɔ” ne. Nea kyɛbɔ wasi wakakyi kurofoen ɔ, kyɛbɔ wakakyi ngaka dabea ɔ! Ebiala bɔ ɔkɔpɛ nu berɛ ne, ɔkɔwoso ye ti kosobi ye noa.

Deuteronomi 24:21

Sɛ ɛte wɔ bobe boo nu mmaa a, nnesa kɔtete ngoko ngoko bɔ waha so ne. Yakyi ye so ma ɛwɔfoɛ, ayisiaa ne kunafoɛ.

Nyekyire 18:10

Na ye amaneɛnwunɛ ne bɔ besuro ne ati, bekogyinagyina dedeede bɛkɔhã kyɛ, “Yaakɔ oo, yaakɔ oo! Wɔ, kuro piri Babilɔn, kuro bɔ wɔ nwo yɛ se, dɔnhwere komapɛ nu yeɛ wɔ ndɛenbualɛ awa ye!”