Obadia 1:4 - AHYERƐLƐ KRONGRON

⁴ Sɛ etu kɔ anwuro kyɛ kɔleɛ po, ná ɛkyekye wɔ saen wɔ nzramaa mɔ anu po a, berɛ yeɛ ngɔhwe wɔ ngofi ngɔto ase ɔ, AWURADE noa dwirɛ ɛne.

Obadia 1:4 Iomraidhean Croise

Yesaya 10:14

Me sa ahã maen maen mɔ b’agyapadeɛ mɔ, kyɛbɔ sona ye sa kã anomaa saen ɔ. Na kyɛbɔ sona sesa saen nu ngyiremvua bɔ anomaa atu ayakyi ye berɛ ne, sɔ ala yeɛ masesa aseɛ amukoraa mabɔ so ɔ; ebiala angora ye ndaa nu bɔ, wangora ye noa nu bukye, anaa wangora sũ kyee kyee.”

Yeremia 49:16

Wɔ nwo suronyi ne w’ahone nu anwomasoɛ ne, balakalaka wɔ. Wɔ bɔ ɛte nyɔbotaen bɔen mɔ nu, ɔne bokaa ti afia paa ɔ, ɔwɔ nu kyɛ ɛnwo wɔ saen anwuro anwuro kyɛ kɔleɛ deɛ de, nakoso ngɔhwe wɔ ngofi dɔ ngɔto ase, AWURADE noa dwirɛ ɛne.

Yeremia 51:53

Sɛ Babilɔn fo kɔ anwuro anwuro, ná omiamia ye anwoserɛ abandenden ne anu po a, sɛkyefoɛ kofi me berɛ kɔhɔ ye so, AWURADE noa dwirɛ ɛne.

Amose 9:2

“Sɛ betu bɔen bekodwu ɛborɔ po a, dɔ yeɛ me sa kɔye bɛ kofi ɔ. Sɛ bɛfo bɛkɔ nyameɛso po a, dɔ yeɛ ngɔye bɛ ngofi ngɔwa ase ɔ.

Habakuku 2:9

“Sona bɔ ɔnate atee tɛɛ so ɔpena anwonyadeɛ ma ye awuro, kyɛ ɔfa nwo ye saen wɔ anwuro, kyɛbɔ musue biala ngɔto ye ne, ye yaakɔ!”