Obadia 1:19 - AHYERƐLƐ KRONGRON

¹⁹ Ngwaen dɔ ama kɔfa Yisɔ bokaa ne bɛkɔyɛ bɛ deɛ, na aseɛ pralaa ne aso ama kɔfa Filistifoɛ aseɛ bɛkɔyɛ bɛ deɛ; bɛkɔfa Efraim aseɛ ne Samaria aseɛ bɛkɔyɛ bɛ deɛ, na Benyamin kɔfa Gileade kɔyɛ ye deɛ.

Obadia 1:19 Iomraidhean Croise

2 Ahemvo 17:24

Asiria hene fale mmenia fili Babilɔn, Kuta, Awa, Hamate ne Sefawim, na ɔmaa bɛɛtenatenane Samaria nguro nemɔ aso besili Yisraelfoɛ mɔ agya nu. Bɛfale Samaria bɛyɛle bɛ deɛ, na bɛtenane ye nguro nemɔ aso.

1 Aberɛso Dwirɛ 5:26

Yiti Yisrael Nyameɛ kanyane Asiria hene Pulu bɔ besa bɛfrɛ ye Tilgate Pilnese ne, na Rubenfoɛ, Gadefoɛ ne Manase abusua kure ne bue ne, ɔhyele bɛ nnure fale bɛ ooguale Hala, Habo, Hara ne Gosan asue ne anoa, na batena berɛ maa waadwu ɛnɛ.

Ɛsra 4:17

Na Nana Atasɛsɛse maa bɛfale mmuayɛɛ he bɛɛmane bɛ, “Mefa mebrɛ Amrado Rehum ne ahyerɛlɛniɛ Simsae ne bɛ mmango mɔ bɔ bɛwɔ Samaria ne asue Yufreti si dɔ mbɔtam ne aso ne. Mebisa ɛmɔ oo.

Ɛsra 4:2

Yiti bɛhɔle Serubabɛl ne mmusua mbanyi nemɔ berɛ beesele bɛ kyɛ, “Yɛbaaboka ɛmɔ so maa yɛsi sua ne, ofikyɛ ɛmɔ Nyameɛ bɔ ɛmɔsɔne ye ne, ye yeɛ yɛ koso yɛsɔne ye ɔ. Na yabɔ afɔleɛ yama ye alaa, fite Asiria hene Esa Hadon bɔ ɔfale yɛ wale wa ne aberɛ so.”

Edwein 69:35

Ofikyɛ Nyameɛ kɔpepɛ kole Sion, na okosa kɔkyekye Yuda nguro nemɔ, na bɛkɔtena berɛ bɛkɔfa berɛ bɛkɔyɛ bɛ deɛ.

Yeremia 32:44

Benyamin aseɛ so, aseɛ bɔ wapɛ Yerusalem nwo wayia nemɔ aso, Yuda nguro nemɔ aso, bokaa maen nguro nemɔ aso, bɔnza nu nguro nemɔ aso, yeɛ ngwaen dɔ nguro nemɔ aso, mmenia kɔte esikaa bɛkɔtotɔ eboo, bɛkɔyɛ ye nwo ngrataa, bɛkɔfa nzɔanoɛ bɛkɔsɔ ye noa, ná bapena ye nwo adanzefoɛ; ofikyɛ ngɔfa bɛ ngofi nnurehyelɛ nu ngosa ngɔwa, AWURADE noa dwirɛ ɛne.”

Yeremia 49:1

Bɔ AWURADE kã fa Amonfoɛ nwo ole kyɛ, “Aso Yisrael olle mmaa mmienzua anaa? Olle sona bɔ okoli ye bia anaa? Ɔyɛle sɛɛ bɔ bɛ hene yeɛ odi Gade so, bɔ ye mmenia tete ye nguro mɔ so ye?

Hesekiel 25:16

yiti AWURADE Nyameɛ nwa nyoo: Tie, ngɔhwe Filistifoɛ bɛ so, ngonua Keretifoɛ bɛ boso, yeɛ ngohũhũ bɛ bɔ baha wɔ mboanoa ne.

Hesekiel 36:28

Ɛmɔkɔtena aseɛ bɔ mva mane ɛmɔ nana mɔ ne aso; ɛmɔkɔyɛ me maen, ná me wora mayɛ ɛmɔ Nyameɛ.

Amose 1:13

AWURADE nwa nyoo, “Ɔnate Amonfoɛ b’amumuyɛɛ nza, eh, ɔne nna ne ati, mengɔhwe bɛ so hwenɛ ne mengosa; ofikyɛ mmerɛ bɔ bɛko bɛtrɛtrɛ bɛ wɛen nu ne, bɛpakyepakyele Gileade pemvoɛ mɔ kunu.

Amose 1:8

Ngɔpɛ Asedɔdefoɛ asue ngofi berɛ, na bɔ otira hɔtɔ ne, ngɔpɛ ye asue ngofi Asekelɔn. Ngɔhwe Ekron so, na Filistifoɛ ngaa nemɔ kowuwu,” AWURADE Nyameɛ noa dwirɛ ɛne.

Amose 9:12

amaa ɔnate so bafa Edom ngaa ne bayɛ bɛ deɛ, ɔne maen maen amukoraa bɔ me dumaa la bɛ so ne bayɛ bɛ deɛ,” AWURADE bɔ ɔyɔ sɔ ne, ye noa dwirɛ ɛne.

Mika 7:14

Wɔ pɔmaa ne, fa nea wɔ maen so, mmoaen kure bɔ bɛte w’agyapadeɛ, bɔ bɛ ngome bɛte ɛhɔayeɛ ne anu, wɔ Kamɛl so ne; maa bedidi wɔ Basan ne Gileade, kyɛ daa tete ne ala.

Numeri 1:32

Yosef bosofoɛ ne, Efraim sasofoɛ bɔ bɛhale bɛ ngoko ngoko, kyɛbɔ b’aworɛ ndoatoasoɛ, bɛ mmusua mmusua ɔne bɛ nana mɔ sasofoɛ te ne, ɔne bɛ bɔ bali ofi afoɛ aburanyɔ bɔ ɔkɔ ɔ, bɔ bɛkora bɛkɔ koɛ ne, bɛ somaa ɛhe:

Yosua 13:25

B’aseɛ ne noa fa Yasere, Gileade nguro ne amukoraa, ɔne Amonfoɛ aseɛ ne bue, toonn bɔ ɔkwaadwu Aroye bɔ ɔwɔ Raba eyia afiteleɛ ne;

Yosua 13:31

Gileade bue, Astarote ne Yedrei, Ogo ahennie nu nguro bɔ bɛwɔ Basan. Mose fale sɔ aseɛ ne amukoraa mane Manase awa Makyiri ye bosofoɛ, kyɛbɔ bɛ mmusua mmusua nemɔ te ɔ; kyɛ ɔyɛ Makyirifoɛ bue nu ko deɛ.

Yosua 15:21

Yuda abusua kure ne anu ama, bɛ nguro mɔ bɔ bɛwɔ ngwaen dɔ paa, bɔ ɔkɔ Edom ɛwɛen so ne, bɛ ɛhe: Kabeseel, Edere, Yagure,

Yosua 15:33

Aseɛ frɛtɛɛ ne aso nguro nemɔ ɛhe: Esetao, Sora, Asena,