Obadia 1:18 - AHYERƐLƐ KRONGRON

¹⁸ Yakob boso ama kɔyɛ see, Yosef boso ama kɔyɛ see bɔ ogye ɔ, na Yisɔ boso ama de, bɛkɔyɛ ngyɛngyɛma, na bɛkɔsɔ wɔ bɛ nu bɛkɔyera bɛ. Yisɔ boso ama biala ngɔha, ofikyɛ bɔ AWURADE ahã hɔ ɛne.

Obadia 1:18 Iomraidhean Croise

2 Samuel 19:20

W’akoaa, mese kyɛ mayɔ bɔne. Yiti Nana, me mene, mesrɛ wɔ, Yosef awuro ama amukoraa, me yeɛ mali moa mawa kyɛ mebaayia wɔ ɔ.”

Ɛksadɔso 5:12

Yiti mmenia ne tele bɛ nwo guale Misraim aseɛ so amukoraa bɛɛboaboale atokoɔ mmakaa wuruwaa noa bɛfa bɛkakyili ɛserɛ.

Yesaya 10:17

Yisrael kanea ne kɔkakyi see, ye Krongronniɛ ne kɔkakyi see wuronyiwuronyi; na okogye kɔyera ye agurɛ ne ye mmowue nemɔ ɛlɛhomapɛ.

Yesaya 31:9

Ɛserɛ kɔmaa ɔkɔnwati kofi ye anwoserɛ afealeɛ nu, yeɛ ahunundetelɛ kɔma ye safohene mɔ bɛkɔnwati bɛkɔyakyi bɛ frangaa berɛ.” AWURADE bɔ ye see wɔ Sion, bɔ ye foonoo wɔ Yerusalem ne, ye noa dwirɛ ɛne.

Yesaya 47:14

Tie, bɛte kyɛ ɛserɛ worowaa, see kɔyera bɛ, bɛngɔhora ngole bɛ nwo ngofi see wuronyiwuronyi ne sa nu, na ɛhe de, nna see bɔ otu sona nwo ɛyerɛ ɛne, yeɛ nna see bɔ bɛtena ye nwo bɛto hɔ ɛne!

Yesaya 5:24

Yiti kyɛbɔ see osi yera ngyɛngyɛma motoo, ɔne kyɛbɔ see wuronyiwuronyi osi yera ndire worowaa ne, sɔ ala yeɛ sɔ mmenia nemɔ bɛ ndii kɔporɔ ɔ, na mvrama kɔporo bɛ nyerɛen kogua kyɛ mvuture, ofikyɛ bapo Asafo AWURADE mmeraa ne, na babu Yisrael Krongronniɛ ne dwirɛ animtia.

Yesaya 9:18

Nahorɛ nu, amumuyɛɛ ogye kyɛ see, ɔyera agurɛ ne mmowue, ɔyera ɛhɔayeɛ too, na bɛyɛ nwosina ningɔnn bɛkɔ anwuro.

Yesaya 9:19

Asafo AWURADE ɛyaafɛlɛ piri ne, wama aseɛ ne ayera, na mmenia ne ayɛ kyɛ eyein bɔ bɛfa bɛsɔ see ɔ, na ebiala wannwu obiɛngo anwumvoin.

Yeremia 11:23

na bɛ nu biala ngɔha. Ofikyɛ ngɔprapra musue ngogua Anatotefoɛ so, wɔ b’asohwenɛ afoɛ ne anu.

Hesekiel 37:16

“Sona awa, fa bakaa ná kyerɛ so kyɛ, ‘Ogyi berɛ ma Yuda, ɔne Yisraelfoɛ bɔ bɛboka ye so ne.’ Afei fa bakaa bieku, ná kyerɛ so kyɛ, ‘Ogyi berɛ ma Yosef bɔ ɔte Efraim bakaa ne, ɔne Yisraelfoɛ amukoraa bɔ bɛboka ye so ne.’

Hesekiel 37:19

bua bɛ kyɛ, ‘AWURADE Nyameɛ nwa nyoo: Ɛ́mɔtie, mebaafa Yosef bakaa ne bɔ otira Efraim sa nu ne, yeɛ afei Yisrael mmusua kure bɔ bɛboka ye so ne. Ngɔfa bɛ ngɔboka ye so, mekyire Yuda bakaa ne, maa bɛkɔyɛ bakaa ko, na bɛkɔyɛ ko wɔ me sa nu.’

Yoel 2:5

Behuruhuru kyɛ teaseɛnam mɔ bɔ bɛyɛ dede wɔ mmokaa so ɔ, kyɛ see bɔ ɔyera ngyɛngyɛma bɔ ɔyɛ tetɛtetɛ ɔ, kyɛ koɛhonɛfoɛ anwoserɛfoɛ bɔ begyi koɛ noa ɔ.

Amose 1:8

Ngɔpɛ Asedɔdefoɛ asue ngofi berɛ, na bɔ otira hɔtɔ ne, ngɔpɛ ye asue ngofi Asekelɔn. Ngɔhwe Ekron so, na Filistifoɛ ngaa nemɔ kowuwu,” AWURADE Nyameɛ noa dwirɛ ɛne.

Amose 5:15

Ɛmɔhyi bɔne ná ɛmɔhuro bɔ ɔte paa ɔ. Ɛ́mɔbua ndɛen turoloo wɔ nekaa bɔ bedi dwirɛ ne. Ebiaa AWURADE Asafo Nyameɛ, okonwu Yosef boso ama ngaa nemɔ anwumvoin.

Amose 6:6

ɛmɔ bɔ ɛmɔno nzaa awaa bɔ wayi to, bɔ ɛmɔfa sakyeɛfona paa bɛpopa, nakoso ɔmva ɛmɔ nwo kyɛ Yosef ɔbɔ ɔ!

Obadia 1:16

Ofikyɛ kyɛbɔ ɛmɔano nzaa wɔ me bokaa krongron ne aso ne, sɔ ala yeɛ Amaenmaensofoɛ amukoraa bɛkɔhɔ so bɛkɔno ɔ; amba, bɛkɔno, bɛkɔbo sram, na bɛ boso konua bɔkɔɔ.

Mika 5:8

Na Yakob boso ama ngaa ne, bɛkɔtena amaenmaensofoɛ nu wɔ maen maen pee bɛ nu, kyɛ gyata bɔ ɔwɔ ɛhɔayeɛ nu ngaka mɔ nu ɔ, kyɛ gyata ba bɔ ɔwɔ mmoaen kure mɔ nu ɔ, bɔ sɛ ɔbaasẽ kɔ a, otiatia bɛ so, ná ɔtete bɛ nu pasapasa bɔ ebiala nne berɛ bɔ ɔkɔpepɛ kole bɛ ɔ.

Nahum 1:10

Mmerɛ bɔ batoatoa nu kyɛ mmowue, ná babobo kyɛ akɔnomnzafoɛ nen, ɔkɔyera bɛ kyɛ ɛserɛ worowaa.

Sakaria 12:6

“Sɔ kyẽa ne, ngɔfa Yuda mbanyi ngɔyɛ kyɛ see bɔ ogye wɔ eyein mɔ b’afia ɔ, kyɛ ɛtɛen bɔ ogye wɔ aburoo nyaa b’afia ɔ. Bɛkɔyera maen maen amukoraa bɔ bapɛ bɛ nwo bayia ɔ, wɔ famaa so ne bɛen so, na mmenia kosa kɔtena Yerusalem wɔ ye boso, wɔ Yerusalem.

Malaki 4:1

Tie, kyẽa ne ɔ́ba bɔ ɔkɔyera kyɛ foonoo ɔ; na amba, ahandaenfoɛ amukoraa, bɛ ne bɔnefoɛ biala bɛkɔyɛ ngyɛngyɛma. Na kyẽa bɔ ɔbaawa ne, ɔkɔyera bɛ, bɔ ɔngɔyakyi bɛ ndii anaa bɛ mmaen ɔ, AWURADE noa dwirɛ ɛne.

1 Korintofoɛ 3:12

Na sɛ ebie fa sikaa kɔkorɛ, ɛdwetɛ, nyɔbosanyene, bakaa, ndondonyi anaa ɛserɛ toa fapem ne aso a,