Obadia 1:16 - AHYERƐLƐ KRONGRON

¹⁶ Ofikyɛ kyɛbɔ ɛmɔano nzaa wɔ me bokaa krongron ne aso ne, sɔ ala yeɛ Amaenmaensofoɛ amukoraa bɛkɔhɔ so bɛkɔno ɔ; amba, bɛkɔno, bɛkɔbo sram, na bɛ boso konua bɔkɔɔ.

Obadia 1:16 Iomraidhean Croise

Yesaya 42:14

Ngane me noa ndole nu ɔ wahyɛ, mayɛ konn, na mafa me yaafɛlɛ ne makongɔm berɛ, nakoso kekesaala ye de, ngɔtea nu kyɛ brasua bɔ wafo aworɛ so ɔ, ngɔtee so, ná male nwomeɛ ngoko ngoko.

Yeremia 49:12

Na AWURADE nwa nyoo, “Tie, sɛ bɛ bɔ ahaa onni kyɛ bɛno sɔ kwangoa ne (anoa) po bano amba a, né aso wɔ de ɛkɔfa wɔ nwo koli anaa? Ɛngɔfa wɔ nwo ngoli, na mmom amba, ɛkɔno kwangoa ne (anoa).

Awuye 4:21

Ao Edom awa brasua, wɔ bɔ ɛte Yuse aseɛ so ɔ, di ahurusi, ná ma wɔ nye gye. Nakoso, wɔ koso, kulie ne kɔpɛ nu kɔwa wɔ so, ɛkɔbo, na ɛkɔye wɔ nwo kɔto so.

Yoel 3:17

“Ɔnate so ɛmɔkonwu kyɛ me ole AWURADE ɛmɔ Nyameɛ, bɔ nde Sion, me bokaa krongron ne aso ne. Afei, Yerusalem kɔyɛ nekaa krongron, na ɛwɔfoɛ mɔ ngɔpɛ nu berɛ ko.

Habakuku 1:9

Bɛ mukoraa bɛba ye atianuserɛ so, bɛ nyunu ogye kyɛ eyia afiteleɛ mvrama, na bɛboaboa bɛ bɔ bahye bɛ nnure nemɔ noa kyɛ anweaa.

1 Petro 4:17

Ofikyɛ mmerɛ ne adwu kyɛ ndɛenbualɛ hyɛ ye bo wɔ Nyameɛ awuro ɔ. Na sɛ bɛfa yɛ bɛhyɛ ye bo a, nzaade bɛ bɔ bɛyɛ Nyameɛ nzɛmba ne nwo asoserɛ ne de, okoyie bɛ sɛ?