Obadia 1:12 - AHYERƐLƐ KRONGRON

¹² Nakoso ahaa onni kyɛ wɔ nye gye wɔ eliɛma n’amaneɛnwunɛ kyẽa ne anwo, yeɛ ahaa onni kyɛ edi ahurusi wɔ Yuda mma bɔ né bekũkũ bɛ ne anwo. Afei ahaa onni kyɛ ɛkekã anwomasoɛ dwirɛ, wɔ b’aworabɔlɛ kyẽa ne anwo.

Obadia 1:12 Iomraidhean Croise

YOB NWOMAA NE 18:20

Edwirɛ bɔ ɔkɔto ye ne, ɔkɔma eyia atɔleɛfoɛ bɛ nwo kodwiri bɛ, na ɛserɛ kɔha eyia afiteleɛfoɛ.

YOB NWOMAA NE 31:29

“Sɛ me nye agye kyɛ me pɔfoɛ onwu amaneɛ, anaa wayɛ me fɛ kyɛ musue ato ye a,

Edwein 22:17

Mekora meka me mmowue amukoraa. Mmenia bɛnea me haa, na bɛkã me anyinga.

Edwein 31:18

Ma ngondombofoɛ bɛtɔ mumu, bɛ bɔ bɛfa anwomasoɛ ne dwɛɛ bɛkekã edwirɛ tɛɛ betia teneneefoɛ ne.

Edwein 35:15

Nakoso ngɔle anwokyere nu ne, bɛ nye gyele, bɛyɛle ko bedwɔsole betiale me; asanzafoɛ bie bɔ menze bɛ ɔ, bɛhɔle so bɛsɛkyele me dumaa;

Edwein 37:13

Nakoso bɔnefoɛ nwo yɛ AWURADE sere, ofikyɛ ɔse kyɛ ye kyẽa ne wapingye.

Edwein 54:7

Ofikyɛ wapepɛ wale me wafi amaneɛ amukoraa nu, na mafa me nye manwu me pɔfoɛ mɔ bɛ ngoguo.

Edwein 59:10

Ɔnate me Nyameɛ ɔdɔ bɔ onni ngasi ne ati, ɔkɔɔboka me; me Nyameɛ koli me pɔfoɛ mɔ so ngonim maa ngonwu ye.

Edwein 92:11

Me nye anwu me pɔfoɛ mɔ b’asefinɛ; bɛ bɔ bɛpena me bepura me ne, me so ate b’ayieleɛ bɔ wayie bɛ ɔ.

Anyandera 17:5

Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Yesaya 37:24

Ɛnate wɔ somvoɛ mɔ so agoro AWURADE nwo, na ahã kyɛ, Mafa me teaseɛnam pee nemɔ mafo mahɔ mmokaa nemɔ bɛ ti afia, mahɔ Lebanon ɛhɔayeɛ ne anu dɔ paa. Ye sida ndendenn paa nemɔ, ɔne ye ɛframmire nyemenenyemene nemɔ, mabubu bɛ magua. Mahɔ bokaa ne ti afia dɔ paa, ɔne ye ɛhɔayeɛ too ne anu.

Awuye 2:16

Wɔ pɔfoɛ mɔ amukoraa, batu bɛ noa bagua wɔ so. Besobi bɛ noa bɛnwose bɛ gye. Na bɛnwa, “Yasɛkye ye bɔkɔɔ. Amba, kyẽa bɔ yɛnea ye ate ne, ye ɛne; yɛ sa ahã ye, na yanwu ye!”

Awuye 4:21

Ao Edom awa brasua, wɔ bɔ ɛte Yuse aseɛ so ɔ, di ahurusi, ná ma wɔ nye gye. Nakoso, wɔ koso, kulie ne kɔpɛ nu kɔwa wɔ so, ɛkɔbo, na ɛkɔye wɔ nwo kɔto so.

Hesekiel 35:12

Na afei ekonwu kyɛ me, AWURADE, mate musue dwirɛ amukoraa bɔ akekã atia Yisrael mmokaa mɔ ɔ. Ɛnwa: ‘Basɛkye bɔkɔɔ, bafa bɛ bawura yɛ sa kyɛ yɛli bɛ so.’

Hesekiel 35:15

Mmerɛ bɔ Yisrael awuro ama b’agyapadeɛ yɛle kurofoen ne, wɔ nye gyele, yiti me koso sɔ ala yeɛ ngɔfa ngɔyɛ wɔ ɔ. Ɛkɔkakyi kurofoen, wɔ, Sɛre bokaa, ɛne Edom amukoraa. Na afei bekonwu kyɛ me ole AWURADE.”

Hesekiel 36:5

Yiti AWURADE Nyameɛ nwa nyoo: Nahorɛ nu, nungunɛ piri paa nu yeɛ mefa medwudwo metia maen maen ngaa nemɔ ɔ, ɔne Edom amukoraa; ofikyɛ bele anigye amukoraa ne animtia piri paa bɛfale m’aseɛ bɛyɛle bɛ deɛ, kyɛbɔ ɔkɔyɛ bɔ bɛkɔfẽ so nningyein bɛkɔfa ɔ.

Mika 4:11

Na afei koso, maen maen pee baboa bɛ noa badwɔso batia wɔ. Bɛnwa, “Yɛpena kyɛ ye nwo gua fiɛ, ná yɛbɔ yɛ nye afɔleɛ wɔ Sion amaneɛnwunɛ ne anwo.”

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Yakobo 3:5

Sɔ ala yeɛ temverema koso ɔte nipadua akwaa kaaba bie ɔ, nakoso ɔkekã edwirɛ mbiri mbiri hoahoa ye nwo. Ɛ́mɔtie, see kaaba bie yeɛ ɔyera ɛhɔayeɛ too ɔ!

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

Nyekyire 13:5

Na bɛmane kaka ne noa bɔ ɔfa kekã edwirɛ mbiri mbiri ne musue dwirɛ ɔ, na bɛmane ye ate maa olili tumi bosome aburanna ne nyɔ.

1 Samuel 2:3

Nnɛma ɛmɔka nduhoɛ dwirɛ mbiri mbiri ko, nnɛmɔma anwomasoɛ dwirɛ fi ɛmɔ noa nu ba; ofikyɛ AWURADE te Nyameɛ bɔ onwu nikyee biala ɔ, na ye yeɛ obua ebiala yɔleɛ nwo ndɛen ɔ.