Obadia 1:11 - AHYERƐLƐ KRONGRON

¹¹ Sɔ kyẽa ne, egyinane nekaa bie yele wɔ nye, sɔ kyẽa bɔ ɛwɔfoɛ mɔ sesale ye anwonyadeɛ bɛhɔle ne, bɔ amanvrafoɛ bewurale ye pambim mɔ nu, ná beguale serewa bɛhyɛle Yerusalem bɛfale ne, wɔ koso eli tole bɛ so.

Obadia 1:11 Iomraidhean Croise

2 Ahemvo 25:11

Mmenia ngaa bɔ baha kuro ne aso ne, ɔne Yuda koɛhonɛfoɛ bɔ né banwati bafa bɛ nwo baabɔ Babilɔn hene ne, yeɛ mmenia ne amukoraa, Nebusaradan bɔ ɔte awɛmvoɛ nemɔ aso safohene ne, ɔhyele bɛ nnure fale bɛ hɔle.

Edwein 137:7

Ao AWURADE, kaye bɔ Edomfoɛ bɛyɔle ye kyẽa bɔ Yerusalem bɔle ne, na tua bɛ so kerɛ; kyɛbɔ bɛhane kyɛ, Ɛ́mɔbubu ye bégua ase! ɛ́mɔbubu ye bégua ase! Ɛ́mɔbubu ye bégua ase maa ɔɔhã ye fapem!” ne.

Edwein 50:18

Sɛ enwu awueniɛ a, ɛne ye betira abiɛngoɛ, na ɛne agyaasɛkyelɛfoɛ yeɛ betu nu ɔ.

Edwein 83:5

Bɛyɛ adwene ko bɛbɔ porɛ; bɛyɛ apam betia wɔ:

Edwein 83:6

Edomfoɛ ne Yismaelfoɛ, Moabo ne Hagritefoɛ,

Hesekiel 35:10

“Na ɔnate kyɛ ɛhane kyɛ, ‘Maen nyɔ hemɔ ne aseɛ nyɔ hemɔ kɔyɛ me deɛ, na yɛkɔfa yɛkoli so,’ wɔ aberɛ bɔ né AWURADE wɔ berɛ ɔ,

Yoel 3:3

Bagua serewa bahyɛ me maen, bafa abɛɛmaa bale gyanderaniɛ, yeɛ batɔne abaayaa bale nzaa bano.

Amose 1:6

AWURADE nwa nyoo, “Ɔnate Gasa ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛsoale mmenia bɔ bahye bɛ nnure ne amukoraa bɛfale bɛ beewurale Edom sa.

Amose 1:9

AWURADE nwa nyoo, “Ɔnate Tiro ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ bɛfale mmenia bɔ bahye bɛ nnure ne amukoraa beewurale Edom sa, na bangaye aliɛmaa apam ne.

Nahum 3:10

Nakoso bɛhyele ye nnure bɛhɔle, na ɔhɔle ngoaasolɛ nu; ye ngwadaa mɔ koso, bɛtele bɛ ti bɛbɔle mane bɛ nu tetele nzɔkanzɔka wɔ borɔnoɛ biala ngwandaa; beguale serewa bɛfa bɛhyɛle ye animnyamfoɛ nemɔ bɛfale, na beguale ye atitirefoɛ nemɔ amukoraa ngɔnzɔngɔnzɔ.

Sefania 2:10

B’anwomasoɛ ne, ye nwo akatuaa ɛne, ɔnate alapaa bɔ babɔ, ɔne anwomasoɛ bɔ bayɛ ye wɔ Asafo AWURADE maen ne aso ne ati.