Obadia 1:10 - AHYERƐLƐ KRONGRON

¹⁰ Ɔnate atianuserɛ bɔ ɛbɔle eliɛma Yakob ne ati, animguaseɛ kobia wɔ, na wɔ boso konua afebɔɔ.

Obadia 1:10 Iomraidhean Croise

Gyenesise 27:11

Nakoso Yakob sele oni Rebɛka kyɛ, “Ɛse ye kyɛ nniɛma Yisɔ nwo le enwiaa paa, na me de me nwo te torometorome.

Gyenesise 27:41

Na ɔnate saleɛ bɔ ye baba fa yirale Yakob ne ati, Yisɔ pɔle Yakob. Na Yisɔ susuli ye nwo kyɛ, “Me baba ye wue ne ye sɛen ngyẽa apingye; na ɛhe asi ne, ngohũ nniɛma Yakob.”

2 Aberɛso Dwirɛ 28:17

Ofikyɛ né Edomfoɛ basa bafa koɛ baateta Yuda bali bɛ so ngonim bahye bɛ nnure bahɔ.

Edwein 109:29

Ma me pɔfoɛ mɔ bɛfa nyanzoen bɛhera, ma bɛ bɔbɔ b’animguaseɛ owura bɛ kyɛ ataadeɛ.

Edwein 132:18

Ngɔfa animguaseɛ ngɔhera ye pɔfoɛ mɔ, nakoso ye de, ye ahennie abotire bɔ ɔbɔ ye ne, ɔkɔta hyireinn.”

Edwein 137:7

Ao AWURADE, kaye bɔ Edomfoɛ bɛyɔle ye kyẽa bɔ Yerusalem bɔle ne, na tua bɛ so kerɛ; kyɛbɔ bɛhane kyɛ, Ɛ́mɔbubu ye bégua ase! ɛ́mɔbubu ye bégua ase! Ɛ́mɔbubu ye bégua ase maa ɔɔhã ye fapem!” ne.

Edwein 69:7

Ɔnate wɔ ti yeɛ male animguaseɛ ye, animguaseɛ bɔ ɔmata me ye.

Edwein 89:45

Apɛ ye animnyam mmerɛ so; yeɛ amaa animguaseɛ abia ye. Sela

Anyandera 10:6

Teneneeniɛ nya saleɛ, nakoso bɔnefoɛ de, ɔfa ye noa kata bɔne so.

Anyandera 17:5

Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Yeremia 12:14

Maen maen bɔnefoɛ bɔ me ne bɛ yɛbɔ wɛen, bɔ bɛte bɛ sa bɛkã agyapadeɛ bɔ mafa mama me maen Yisrael maa wayɛ ye deɛ ne, bɔ AWURADE kã fa bɛ nwo ole kyɛ, “Tie, ngotu bɛ bo ngofi b’aseɛ ne aso, na ngotu Yuda awuro ama bo ngofi bɛ nu.

Yeremia 3:25

Ɛ́mɔma yɛlela berɛ wɔ y’animguaseɛ nu, ná yɛ nwo nyanzoen ne ɔkata yɛ so, ofikyɛ ofi yɛ ngwadaa nu bɔ ɔbaadwu ɛnɛ ye, yɛ ne yɛ nana mɔ yayɔ bɔne yatia AWURADE yɛ Nyameɛ, na yanyɛ sotie yamma AWURADE yɛ Nyameɛ noa dwirɛ.”

Yeremia 49:13

Ofikyɛ mata me bɔbɔ me nwo ndaen kyɛ Bosra kɔyɛ kurofoen, ngorohoɛ nikye, kuro bɔ wabɔ ɔ, ɔne ɛnomalɛ nikye, na ye nwo nguro amukoraa kɔyɛ nguro bɔ babɔ ɔ afebɔɔ, AWURADE noa dwirɛ ɛne.”

Yeremia 51:51

‘Yɛ nyunu agua ase, ofikyɛ yate nzoaa pepɛlɛ, animguaseɛ abia yɛ, ofikyɛ ɛwɔfoɛ mɔ bawa AWURADE awuro berɛ nekaa krongron nemɔ anu.’

Awuye 4:21

Ao Edom awa brasua, wɔ bɔ ɛte Yuse aseɛ so ɔ, di ahurusi, ná ma wɔ nye gye. Nakoso, wɔ koso, kulie ne kɔpɛ nu kɔwa wɔ so, ɛkɔbo, na ɛkɔye wɔ nwo kɔto so.

Awuye 4:22

Ao Sion awa brasua, w’amumuyɛɛ ne nwo akatuaa wawa ayieleɛ, na ɔngɔfa wɔ ngɔhɔ nnurehyelɛ nu ko. Nakoso wɔ, Edom awa brasua de, okootua w’amumuyɛɛ so kerɛ, na ɔkɔma wɔ bɔne kɔla ali.

Hesekiel 35:9

Ngɔbɔ wɔ tɔɔ afebɔɔ, na ebiala ngɔtena wɔ nguro nemɔ aso; na afei ɛmɔkonwu kyɛ me ole AWURADE.

Hesekiel 7:18

Bɛkɔhera ɛsɛen tena, na ahunundetelɛ kɔtɔ bɛ so. Bɛ mukoraa bɛ nyunu kogua ase, na bɛ mukoraa bɛ ti so kɔpa.

Yoel 3:19

“Misraim kɔbɔ, na Edom kɔyɛ ɛserɛ pralaa, ɔnate akakabenzɛm bɔ bali ye wɔ Yudafoɛ so ne ati, ofikyɛ bahã mogya bɔ odi be ɔ bagua wɔ b’aseɛ ne aso.

Amose 1:11

AWURADE nwa nyoo, “Ɔnate Edom ye amumuyɛɛ nza, eh, ɔne nna ne ati, mengɔhwe ye so hwenɛ ne mengosa; ofikyɛ ɔfale ngrandɛ guli oliɛma so. Wanyɛ ye anwumvo, ɔmane ye ahone hɔle so huli, na ɔmane ye yaafɛlɛ piri ne hɔle so afebɔɔ.

Mika 7:10

Afei, me pɔfoɛ ne konwu ye, na animguaseɛ kɔhã ye, ye bɔ obisa me kyɛ, “AWURADE wɔ Nyameɛ ne, ɔwɔ ni?” ne. Ngɔfa me nye ngɔnea ye, na afei bekotiatia ye so kyɛ dwaaso asaa.

Deuteronomi 23:7

“Nnɛpɔ Edomniɛ, ofikyɛ ɔte eliɛma. Nnɛpɔ Misraimniɛ, ofikyɛ né ɛte ɛwɔfoɛ wɔ ye aseɛ so.

Deuteronomi 23:8

Ofi b’aworɛ ndoatoasoɛ bɔ ɔtɔ so nza ne aso de, bɛ bosofoɛ kora ba AWURADE badwa nu.