Obadia 1:1 - AHYERƐLƐ KRONGRON

¹ Nyekyire bɔ Obadia nyane ye ne, ye ɛhe: Bɔ AWURADE Nyameɛ kã fa Edom nwo ole kyɛ, Yate ngunga bie yafi AWURADE dɔ, na wasoma ɛbɔfoɛ mɔ wɔ maen maen mɔ berɛ kyɛ, “Ɛ́mɔdwɔso, ɛ́mɔma yɛdwɔso yɛɛfa koɛ yɛteta ye.”

Obadia 1:1 Iomraidhean Croise

Gyenesise 25:30

Na Yisɔ sele Yakob kyɛ, “Mesrɛ wɔ, ɛhɔen apɛ me, yiti ma me abomu bɔ ye nye kɔkorɛ ne bie ma nni.” Ɛhe ati yeɛ ɔmaa bɛfrɛ ye Edom, bɔ ye bo kyire Kɔkorɛ ɔ.

Gyenesise 36:8

Yiti Yisɔ (bɔ besa bɛfrɛ ye Edom ne) ɔɔtenane Sɛre mmokaa aseɛ ne aso dɔ.

Gyenesise 36:9

Yisɔ bɔ ɔte Edomfoɛ bɔ bɛtete Sɛre mmokaa aseɛ ne aso dɔ bɛ nana ne, ye bosofoɛ ɛhe:

Edwein 137:7

Ao AWURADE, kaye bɔ Edomfoɛ bɛyɔle ye kyẽa bɔ Yerusalem bɔle ne, na tua bɛ so kerɛ; kyɛbɔ bɛhane kyɛ, Ɛ́mɔbubu ye bégua ase! ɛ́mɔbubu ye bégua ase! Ɛ́mɔbubu ye bégua ase maa ɔɔhã ye fapem!” ne.

Yesaya 21:11

Duma nwo nyekyire ɛhe: Ebie to me huuu fi Sɛre ose me kyɛ, “Wɛmvoɛ ee, kɔngɔen ne anu dwirɛ te sɛɛ? Wɛmvoɛ ee, kɔngɔen ne anu dwirɛ te sɛɛ?”

Yesaya 21:12

Yeɛ wɛmvoɛ ne buale kyɛ, “Aleɛ kye ngyerɛmɔ, né alesaleɛ koso awa. Sɛ ɛmɔkobisa a, ɛ́mɔbisa; ɛ́mɔsa bɛbra, ɛmɔbra.”

Yesaya 30:4

Yuda hene safohene mɔ baadwu Soan, yeɛ ye somafoɛ mɔ koso baadwu Hanese de,

Yeremia 25:17

Yiti nnele kwangoa ne wɔ AWURADE sa nu, na mmane maen maen amukoraa bɔ AWURADE somane me bɛ berɛ ne bɛnone.

Yeremia 25:21

Edom, Moabo ne Amonfoɛ;

Yeremia 51:46

Nnɛmɔma ɛmɔ kunu tete ɛmɔ, yeɛ nnɛma ɛmɔsuro wɔ edwirɛ mɔ bɔ ɛmɔtete ye wɔ aseɛ ne aso ne anwo, sɛ afoɛ ko ɛmɔtete edwirɛ a, ye si ye afoɛ bieku ɛmɔsa bɛtete dwirɛ; basabasayɔlɛ kɔ so wɔ aseɛ ne aso, na bɔ ole tumi ɔ dwɔso tia ebie bɔ ole tumi ɔ.

Hesekiel 35:1

Yeɛ AWURADE lale ye dwirɛ ali hyirele me bieku kyɛ,

Yoel 3:19

“Misraim kɔbɔ, na Edom kɔyɛ ɛserɛ pralaa, ɔnate akakabenzɛm bɔ bali ye wɔ Yudafoɛ so ne ati, ofikyɛ bahã mogya bɔ odi be ɔ bagua wɔ b’aseɛ ne aso.

Mika 2:13

Bɔ odwiri ɛwaen gua ne, ɔkɔfo koli bɛ nyunu moa; bele amirika yiridididi bɛkɔfa pambim ne anu, bɛkɔfa nu bekofite bɛkɔhɔ. Bɛ hene ne, ɔkɔsẽ koli bɛ nyunu, na AWURADE yeɛ okotua bɛ noa ɔ.

Mateo 24:6

Ɛmɔkɔte koɛ mɔ ne koɛ mɔ nwo ngunga. Nakoso nnɛma ɛmɔ kunu tete ɛmɔ, ofikyɛ odi kyɛ ɛhemɔ besi, nakoso né ayieleɛ ne onnya oddwuli.

Marko 13:7

Na sɛ ɛmɔte koɛ mɔ ne koɛ mɔ nwo ngunga a, nnɛmɔma ɛmɔ kunu tete ɛmɔ; ofikyɛ odi kyɛ ɛhemɔ sisi, nakoso né ayieleɛ ne onnya oddwuli.