Nyekyire 9:7 - AHYERƐLƐ KRONGRON

⁷ Na mmɛbɛ mbiri nemɔ, bɛ sue te kyɛ mbɔngɔ bɔ basiesie bɛ bama koɛ ɔ; nikyee bie wɔ bɛ ti so bɔ ɔte kyɛ sikaa kɔkorɛ abotire ɔ, na bɛ nyunu soma sona nyunu;

Nyekyire 9:7 Iomraidhean Croise

Daniel 7:4

Né bɔ oli moa ne te kyɛ gyata, na né ole kɔleɛ ndaa. Na ngu so bɔ menea ne, betutuli ye ndaa nemɔ, bɛmane ye so befili aseɛnwo, bɛmaa ogyinane agyirɛ nyɔ so kyɛ sona, na bɛmane ye sona adwene.

Daniel 7:8

Na ngu so menea mmɛen nemɔ nen, yieee, nwuni kyɛ mmɛen kaaba foforɛ bie wafifi mmɛen nemɔ b’afia ɔ. Na mmɛen bɔ beli moa nemɔ, bɛ nu nza bo tutuli maa sɔ mmɛen ne ootuale berɛ. Na nwuni kyɛ sɔ mmɛen ne ole anyeɛ bɔ ɔte kyɛ sona deɛ ɔ, ɔne noa bɔ ɔkekã edwirɛ mbiri mbiri ɔ.

Nahum 3:17

W’atitire mɔ bɛte kyɛ mmɛbɛ, wɔ safohene mɔ bɛte kyɛ torɔka bɔ ɛyerɛ ba a, bɛtenatena ɛwaen so ɔ. Nakoso sɛ eyia pukye a, betu bɛkɔ, na ebiala nze nekaa bɔ bɛwɔ ɔ.

Nyekyire 6:2

Nneane, na nwuni pɔngɔ fufue bie. Na bɔ ɔte ye so ne, né otira agyaen; na bɛmane ye abotire, na ofili berɛ hɔle oolili ngonim, na ɔhɔle so lili ngonim.

Nyekyire 9:3

Na mmɛbɛ mbiri fili nwosina ne anu wale aseɛ so, na bɛmane bɛ tumi bɔ ɔte kyɛ aseɛ so anyanyangyeleɛ mɔ tumi ɔ.