Nyekyire 9:5 - AHYERƐLƐ KRONGRON

⁵ Bamma bɛ ate kyɛ behũhũ bɛ, na mmom kyɛ bɛkeka bɛ tonn bosome nnu. Na bɛ kekalɛ ne, ɔte kyɛ anyanyangyeleɛ bɔ ɔka sona ɔ ye deɛ.

Nyekyire 9:5 Iomraidhean Croise

2 Aberɛso Dwirɛ 10:11

Me baba maa ɛmɔyɔle adwuma bɔ ɔyɛ se paa ɔ, na me wora, ngɔfa bieku ngɔboka so. Me baba de, ole mbire yeɛ ɔhwene ɛmɔ so ɔ, nakoso me de ngɔfa anyanyangyeleɛ yeɛ ngɔhwe ɛmɔ so ɔ.’ ”

2 Aberɛso Dwirɛ 10:14

na ogyinane mmerandeɛ nemɔ foɛtulɛ so sele bɛ kyɛ, “Me baba maa ɛmɔyɔle adwuma bɔ ɔyɛ se paa ɔ, na me wora, ngɔfa bieku ngɔboka so. Me baba de, ole mbire yeɛ ɔhwene ɛmɔ so ɔ, nakoso me de ngɔfa anyanyangyeleɛ yeɛ ngɔhwe ɛmɔ so ɔ.”

YOB NWOMAA NE 2:6

Yeɛ AWURADE sele Satan kyɛ, “Nea, owura wɔ sa. Nakoso ye ngoa de, nnɛfa wɔ sa ka ye!”

Hesekiel 2:6

Na wɔ, Sona awa, nnɛsuro bɛ, yeɛ nnɛsuro bɛ noa dwirɛ. Ɔwɔ nu kyɛ ɛfone ne agurɛ nu yeɛ ɛla ɔ, yeɛ anyanyangyeleɛ mɔ nu yeɛ ɛte ɔ de, nakoso nnɛsuro bɛ noa dwirɛ, yeɛ nnɛsuro bɛ nyunu, ɔwɔ nu kyɛ bɛte abusua bɔ bayɛ lɔen ɔ de.

Daniel 7:6

Na ɛhe asi ne, nneane, na nwuni kaka foforɛ bɔ ɔte kyɛ aboa ɔ. Né ole anomaa ndaa nna wɔ ye si; né kaka ne ti te nna, na bɛmane ye tumi.

Yohane 19:11

Na Yesu buale ye kyɛ, “Sɛ bamva bamvi nyameɛso bamma wɔ a, ahaa elle tumi biala wɔ me so; yiti bɔ ɔyele me mane wɔ ne, ye yeɛ ye bɔne te piri ɔ.”

Nyekyire 11:7

Na sɛ beyie b’adanzeɛlilɛ ne a, kaka bɔ ofi aseɛ bo dɔ kumaa kuronguronn ne anu ɔfo ba ne, ɔkɔfa koɛ kɔɔteta bɛ, na okoli bɛ so ngonim ná wahũ bɛ.

Nyekyire 13:5

Na bɛmane kaka ne noa bɔ ɔfa kekã edwirɛ mbiri mbiri ne musue dwirɛ ɔ, na bɛmane ye ate maa olili tumi bosome aburanna ne nyɔ.

Nyekyire 13:7

Na bɛmane ye ate kyɛ ɔfa koɛ teta anwoteefoɛ, ná oli bɛ so ngonim. Na bɛmane ye tumi wɔ mmusua kure ne edwudwolɛ mɔ ne maen amukoraa so.

Nyekyire 9:10

Bele dua te kyɛ anyanyangyeleɛ, bɛka, na bɛ tumi bɔ bɛfa bɛha mmenia tonn bosome nnu ne, bɛ dua nu yeɛ ɔwɔ ɔ.

Nyekyire 9:3

Na mmɛbɛ mbiri fili nwosina ne anu wale aseɛ so, na bɛmane bɛ tumi bɔ ɔte kyɛ aseɛ so anyanyangyeleɛ mɔ tumi ɔ.