Nyekyire 9:2 - AHYERƐLƐ KRONGRON

² Obukyele aseɛ bo dɔ kumaa kuronguronn ne noa, na nwosina bɔ ɔte kyɛ foonoo piri nu nwosina fili kumaa ne anu wale, na ɔnate nwosina ne ati, eyia ne ewienu yɛle kabii.

Nyekyire 9:2 Iomraidhean Croise

Gyenesise 15:17

Mmerɛ bɔ eyia tɔle ná awosii wale nen, mvum nu, foonoo bɔ otu nwosina, ɔne see bɔ ogye wuronyiwuronyi wale bɛɛfale naen bue bue nemɔ afia.

Gyenesise 19:28

Ɔtole ye nye neane Sodom ne Gomora, ɔne aseɛ frɛtɛɛ ne amukoraa, na onwuni kyɛ aseɛ ne aso nwosina ótu kɔ anwuro kyɛ foonoo nu nwosina.

Ɛksadɔso 19:18

Nwosina katale Sinai bokaa ne aso amukoraati, ofikyɛ AWURADE natele see nu dwu wale so. So nwosina ne tu hɔle anwuro kyɛ foonoo nu nwosina, na bokaa ne amukoraa wosole kikikikikiki.

Yesaya 14:31

O pambim, bɔ awuye; kuro piri, sũ serɛserɛ, O Filistia amukoraa, ma wɔ kunu tete wɔ! Ofikyɛ nwosina fi sorɔ dɔ ótu ba, na ye lɔen ne, ebiala ngɔte ye nwo ngɔha nziɛ.

Daniel 3:6

Na ebiala bɔ wammutu berɛ wanzɔne ye ne, sɔ mmerɛ ne ala odi kyɛ befindi ye bɛto see bɔ ogye wuronyiwuronyi wɔ foonoo nu ne anu.”

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 2:2

Ɔte awosii ne (ewienu) kusuuyɛlɛ kyẽa, munungum ne awosii kabii kyẽa; koɛhonɛfoɛ anwoserɛfoɛ pee bɛkɔwa, bɔ ɔte kyɛ awosii bɔ wakata mmokaa nemɔ aso ɔ; bɛ sɛso ɔwwale le, ná bɛ si koso, ebie ngɔwa ko, wɔ aworɛ ndoatoasoɛ pee bɛ mmerɛ so.

Yoel 2:30

Ngɔyɔ anwanwadeɛ wɔ anwuro ne aseɛ so, mogya ne see ne nwosina ningɔnn.

Asomafoɛ 2:19

Na ngɔma anwanwadeɛ kɔwa nyameɛso wɔ anwuro, yeɛ nzɛngyerɛnneɛ wɔ aseɛ so wɔ ase; mogya, see ne nwosina munguu kɔwa;

Nyekyire 14:11

Na nwosina bɔ ofi bɛ teeteelɛ nu ne, ɔkɔ anwuro afebɔɔ. Na bɛ bɔ bɛkoto kaka ne ne ye honi ne, yeɛ ebiala bɔ ode ye nzorɛhyɛlɛ dumaa nen, bengonya bɛ nwome biala bengole wɔ alehyeleɛ nu ne alesaleɛ nu.

Nyekyire 16:10

Na abɔfo bɔ ɔtɔ so nnu ne hwiele bɔ ɔwɔ ye kulie ne anu guale kaka n’ahennie bia ne aso, na ye ahennie ne kakyili awosii; na mmenia fale yealɛ bɛpesale bɛ temverema.

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Nyekyire 9:1

Na abɔfo bɔ ɔtɔ so nnu ne huli ye totorobɛndo ne, na nwuni kyɛ nzramaa bie watu wafi nyameɛso waatɔ aseɛ so, na bɛfale aseɛ bo dɔ kumaa kuronguronn ne noa safoaa bɛmane ye.

Nyekyire 9:11

Bele bɔ odi bɛ so hene, bɔ ye ole aseɛ bo dɔ kumaa kuronguronn nu abɔfo ne, bɔ ye dumaa li Abadɔn wɔ Hebri dwudwolɛ nu, yeɛ Hela dwudwolɛ nu koso oli Apolɔn.

Nyekyire 9:17

Na mbɔngɔ mɔ ne bɛ bɔ bɛtete bɛ so ne, kyɛbɔ nzi nwuni bɛ wɔ me nyekyire ne anu ne, ye ɛhe: Bele see ne afasebire ne sɔfe buralɛ bɔ ɔkata bɛ hue so ɔ, na mbɔngɔ nemɔ bɛ ti te kyɛ gyata ti, na see ne nwosina ne sɔfe fili bɛ noa nu wale.