Nyekyire 9:17 - AHYERƐLƐ KRONGRON

¹⁷ Na mbɔngɔ mɔ ne bɛ bɔ bɛtete bɛ so ne, kyɛbɔ nzi nwuni bɛ wɔ me nyekyire ne anu ne, ye ɛhe: Bele see ne afasebire ne sɔfe buralɛ bɔ ɔkata bɛ hue so ɔ, na mbɔngɔ nemɔ bɛ ti te kyɛ gyata ti, na see ne nwosina ne sɔfe fili bɛ noa nu wale.

Nyekyire 9:17 Iomraidhean Croise

Gyenesise 19:24

Na afei AWURADE tɔle sɔfe ne see fili anwuro guale Sodom ne Gomora so.

1 Aberɛso Dwirɛ 12:8

Gade abusua kure nu, koɛhonɛfoɛ ahoneserɛfoɛ bɔ babe wɔ koɛhonɛ nu ne, bɛɛbokale Dawide so wɔ anwoserɛ afealeɛ bɔ ɔwɔ ɛserɛ so ne anu. Né bɛkora bɛfa akokyɛm ne pealɛɛ bɛko paa. Bɛ nye yɛ se kyɛ gyata, yeɛ bɛ nwo koso yɛ nyera kyɛ bokaa so ɛwanzane.

Edwein 11:6

Ɔkɔtɔ see ne sɔfe kogua bɔnefoɛ so; mvrama hyerɛhyerɛ yeɛ ɔkɔfa kotua bɛ kerɛ ɔ.

Yesaya 30:33

Ofikyɛ, ofi tetetete yeɛ wasiesie kumaa bɔ bɛyera fofoɛ nu ɔ, wasiesie wama Asiria hene, nu te kuronn, ɔtrɛ, na see ne eyein pee wɔ nu. Na AWURADE nwomeɛ bɔ ɔte kyɛ sɔfe bɔ ɔtengyɛ kɔ ne yeɛ ɔmaa ɔsɔ ɔ.

Hesekiel 33:22

Na AWURADE tumi wale me so nɔsoa ne koraka yeɛ biaa bɔ wanwati ne ɔbaawa ɔ. Na anzana biaa ne ɔbaawa me berɛ ngyerɛmɔ nen, né AWURADE ate me noa ne, yiti ɔtele me noa ne, na mandɔ mumu ko.

Daniel 8:2

Na nyekyire ne anu, nwuni kyɛ né nwɔ Susa ahemvie bɔ ɔwɔ Elam mbɔtam. Na nwuni ye wɔ nyekyire ne anu kyɛ nwɔ asue Yulae noa.

Daniel 9:21

bɔ né ngu so mebɔ mbaeɛ nen, biaa Gabriel bɔ nnili moa nwuni ye wɔ nyekyire nu ne, otuli ndɛndɛ wale me nwo berɛ ɔɔfale ye sa hane me, wɔ nɔsoa afɔleɛbɔlɛ mmerɛ ne anu.

Nyekyire 11:5

Na sɛ ebie yɛ kyɛ ɔha bɛ a, see fi bɛ noa nu bayera bɛ pɔfoɛ mɔ; yeɛ sɛ ebie yɛ kyɛ ɔha bɛ a, sɔ ala yeɛ ɔsɛ kyɛ beku ye ɔ.

Nyekyire 14:10

sɔ sona ne koso kɔno Nyameɛ ahonehulɛ nzaa bɔ wahwie ye gyengɔgyengɔ wagua ye yaafɛlɛ kulie nu ne bie; na bɛkɔteetee ye wɔ see ne sɔfe nu wɔ abɔfo krongron mɔ nyunu ne Boaen Ba ne nyunu.

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 21:20

bɔ ɔtɔ so nnu ne te sadonike, bɔ ɔtɔ so nzia ne te kanelian, bɔ ɔtɔ so nzoo ne te krisolite, bɔ ɔtɔ so mmɔtwɛ ne te bɛrile, bɔ ɔtɔ so ngona ne te topase, bɔ ɔtɔ so buru ne te krisoprase, bɔ ɔtɔ so buru ne ko ne te yasinte, bɔ ɔtɔ so buru ne nyɔ ne te amɛtise.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 9:18

Na sɔ hawo nza hemɔ, bɔ bɛ ole see, nwosina ne sɔfe bɔ ofi bɛ noa nu ba ne, bɛfale so behuhuni adasa ngyɛmuɛ nza nu ko.

Nyekyire 9:9

Bɔ ɔkata bɛ hue so ne, ɔte kyɛ buralɛ bɔ ɔkata bɛ hue so ɔ; na dede bɔ bɛ ndaa nemɔ bɛyɔ ne, ɔte kyɛ mbɔngɔ pee bɔ teaseɛnam mɔ sosɔ bɛ, bɔ betu amirika bɛkɔ koɛ ɔ bɛ deɛ.