Nyekyire 9:1 - AHYERƐLƐ KRONGRON

¹ Na abɔfo bɔ ɔtɔ so nnu ne huli ye totorobɛndo ne, na nwuni kyɛ nzramaa bie watu wafi nyameɛso waatɔ aseɛ so, na bɛfale aseɛ bo dɔ kumaa kuronguronn ne noa safoaa bɛmane ye.

Nyekyire 9:1 Iomraidhean Croise

Yesaya 14:12

“O, Alehyeleɛ Nzramaa, Alebahyene ɔwa, ɛtetɔlɛ yeɛ efi nyameɛso ate atɔ ase sɔaa e! Wɔ bɔ elili maen maen mɔ so ngonim ne, aseɛnwo yeɛ bafindi wɔ bato sɔaa ye!

Luka 10:18

Na osele bɛ kyɛ, “Nwuni Satan kyɛ ofi nyameɛso waatɔ ase kyɛ agralaa ɔ.

Luka 8:31

Na bɛsrɛle ye kyɛ nnɛmaa ɔhyɛ bɛ maa bekogua kumaa kuronguronn ne anu.

Romanfoɛ 10:7

anaakyɛ, “Nwa yeɛ okodwu kɔhɔ kumaa kuronguronn ne anu ɔ?” (Mekyire bɔ ɔkwaafa Kristo fi awufoɛ nu dɔ ba ɔ).

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 11:7

Na sɛ beyie b’adanzeɛlilɛ ne a, kaka bɔ ofi aseɛ bo dɔ kumaa kuronguronn ne anu ɔfo ba ne, ɔkɔfa koɛ kɔɔteta bɛ, na okoli bɛ so ngonim ná wahũ bɛ.

Nyekyire 17:8

Kaka bɔ enwuni ye ne, mmerɛ bie né ɔwɔ berɛ, nakoso afei de, ɔnne berɛ; na ɔbaafi aseɛ bo dɔ kumaa kuronguronn ne anu fite ba, ná wahɔ ɛsɛkyelɛ nu. Na bɛ bɔ bɛte aseɛ so bɔ bamvi wiase ahyɛaseɛ bangyerɛ bɛ dumaa wɔ ngoa nwomaa ne anu ne, sɛ benwu kaka ne a, ɔkɔyɛ bɛ nwanwa, kyɛ mmerɛ bie né ɔwɔ berɛ, ɔnne berɛ, nakoso ɔwɔ berɛ ɔ.

Nyekyire 20:1

Afei nwuni abɔfo bie kyɛ ofi nyameɛso odwu ba ase ɔ. Né otira aseɛ bo dɔ kumaa kuronguronn ne noa safoaa ne ngɔnzɔngɔnzɔ pirikua bie.

Nyekyire 20:10

Na abɔnzam bɔ ɔlakalakale bɛ ne de, befindini ye bɛtole see ne sɔfe abura ne anu, nekaa bɔ kaka ne ne ngɔmhyɛlɛniɛ ngondomboniɛ ne bɛwɔ ne, na bɛkɔfa bɛ bɛkɔfa yealɛ nu alehyeleɛ ne alesaleɛ nu afebɔɔ.

Nyekyire 6:13

na ewienu nzramaa tutu guale ase te kyɛ borɔdoma bɔ mvrama piri woso ye ɔporo ye mma amui gua ɔ.

Nyekyire 8:10

Na abɔfo bɔ ɔtɔ so nza ne huli ye totorobɛndo ne, na nzramaa pirikua bie bɔ ogye kyɛ tɛen ɔ otu fili nyameɛso, na oofini asue mɔ ngyɛmuɛ nza nu ko nu, ɔne mbombonzue mɔ nu.

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Nyekyire 8:2

Na nwuni abɔfo nzoo bɔ begyigyi Nyameɛ nyunu ne, na bɛmane bɛ totorobɛndo nzoo.

Nyekyire 9:2

Obukyele aseɛ bo dɔ kumaa kuronguronn ne noa, na nwosina bɔ ɔte kyɛ foonoo piri nu nwosina fili kumaa ne anu wale, na ɔnate nwosina ne ati, eyia ne ewienu yɛle kabii.