Nyekyire 8:9 - AHYERƐLƐ KRONGRON

⁹ na ɛpo nu abɔdeɛ bɔ bele ngoa ɔ, ngyɛmuɛ nza nu ko wuwuli, yeɛ ɛlɛen mɔ ngyɛmuɛ nza nu ko sɛkyesɛkyele.

Nyekyire 8:9 Iomraidhean Croise

Edwein 48:7

Ɛfale eyia afiteleɛ mvrama ebubuli Tasise ɛlɛen nemɔ.

Ɛksadɔso 7:21

Nzue ne anu naen wuwuli, na Naele nzue bone mvamvamvamva bɔ Misraimfoɛ angora bie no ɔ. Na Misraim aseɛ ne aso amukoraa yɛle mogya.

Yesaya 2:16

ɔkɔwa Tasise ɛlɛen amukoraa so, ɔne nu nningyein bɔ bali adwii bayɔ ye nyemene amukoraa so.

Yesaya 23:1

Tiro nwo nyekyire ɛhe: O, Tasise ɛlɛen mɔ, ɛ́mɔbɔ awuye, ofikyɛ Tiro abɔ, bɔ sua ko po wanga ɔ, yeɛ ɛlɛen agyinaleɛ koso wanga. Ngraa ne fi Kitim aseɛ so yeɛ waadwu bɛ berɛ ɔ.

Sakaria 13:8

Na ɔkɔwa kyɛ, aseɛ ne aso amukoraa, bekohũhũ nza nu ngyɛmuɛ nyɔ, nakoso nza nu ngyɛmuɛ ko ne de, bɛkɔyakyi bɛ wɔ so, AWURADE noa dwirɛ ɛne.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 16:3

Na abɔfo bɔ ɔtɔ so nyɔ ne hwiele bɔ ɔwɔ ye kulie ne anu guale ɛpo nu, na ɔkakyili kyɛ efuin mogya, na ɛpo ne anu ngaka amukoraa wuwuli.

Nyekyire 8:10

Na abɔfo bɔ ɔtɔ so nza ne huli ye totorobɛndo ne, na nzramaa pirikua bie bɔ ogye kyɛ tɛen ɔ otu fili nyameɛso, na oofini asue mɔ ngyɛmuɛ nza nu ko nu, ɔne mbombonzue mɔ nu.

Nyekyire 8:12

Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Nyekyire 8:7

Abɔfo bɔ oli moa ne huli ye totorobɛndo ne, na asukɔtwea ne see bɔ bɛne mogya bali afra ɔ bɛwale, na bɛto beguale aseɛ so. Na aseɛ ngyɛmuɛ nza nu ko yerale, mmakaa ngyɛmuɛ nza nu ko yerale, yeɛ ndire monɛ amukoraa koso yerale.

Nyekyire 9:15

Yiti bɛsangyele abɔfo nna bɔ basiesie bɛ bama sɔ dɔnhwere ne, sɔ kyẽa ne, sɔ bosome ne, ɔne sɔ afoɛ ne, kyɛ behũhũ adasa mmaa ngyɛmuɛ nza nu ko.

Nyekyire 9:18

Na sɔ hawo nza hemɔ, bɔ bɛ ole see, nwosina ne sɔfe bɔ ofi bɛ noa nu ba ne, bɛfale so behuhuni adasa ngyɛmuɛ nza nu ko.