Nyekyire 8:7 - AHYERƐLƐ KRONGRON

⁷ Abɔfo bɔ oli moa ne huli ye totorobɛndo ne, na asukɔtwea ne see bɔ bɛne mogya bali afra ɔ bɛwale, na bɛto beguale aseɛ so. Na aseɛ ngyɛmuɛ nza nu ko yerale, mmakaa ngyɛmuɛ nza nu ko yerale, yeɛ ndire monɛ amukoraa koso yerale.

Nyekyire 8:7 Iomraidhean Croise

Edwein 105:32

Ɔmane asukɔtwea tɔle kyɛ esue guale bɛ so, na agralaa tetele wɔ bɛ maen ne anu amukoraa.

Ɛksadɔso 9:33

Mose fili Faro awuro berɛ, ofili kuro ne anu, ɔtrɛle ye sa nu srɛle AWURADE, na agralaa ne asukɔtwea nyɔboɛ ne yakyili, na esue ne andɔ angua aseɛ ne aso ko.

Yesaya 28:2

Ɛ́mɔtie, AWURADE le ebie bɔ ɔte anwoserɛniɛ ne katakyie ɔ; ɔte kyɛ asukɔtwea bɔ ɔtɔ gua ɔ, mvrama piri bɔ ɔsɛkye nikye ɔ, ɔte kyɛ asue bɔ wayi bɔ opia nningyein kɔ ɔ, na ɔkɔfa ye sa kogyi ye kɔto aseɛ so.

Yesaya 29:6

Asafo AWURADE kɔɔpasa wɔ nwo: Ɔkɔfa agralaa, aseɛwosolɛ ne dededede kandinga, mvrama bɔ ɔpɛ ye nwo, mvrama piri ne see wuronyiwuronyi yeɛ ɔkɔwa ɔ.

Yesaya 30:30

AWURADE kɔmaa bɛkɔte ye komvi totohyia ne, na ɔkɔmaa bekonwu ye tumi asaa bɔ odwu ba ase ne, wɔ ɛyaafɛlɛ pirikua ne see bɔ ogye wuronyiwuronyi nu, wɔ esue titititi ne mvrama piri ne asukɔtwea kungumaboɔ nu.

Yesaya 32:19

Na sɛ asukɔtwea tɔ gua ɛhɔayeɛ ne aso maa ɔsɛkye, ná bedwiri kuro ne begua a,

Hesekiel 38:22

Ngɔfa ewue anwonyerɛ ne mogya yeɛ ngɔtea ye ɔ; na ngɔtɔ esue kandinga paa, asukɔtwea kungumaboɔ, see ne sɔfe yeɛ ngogua ye ne ye lɔen ɔne ye maen worawora bɔ bɛboka ye so ne aso ɔ.

Yoel 2:30

Ngɔyɔ anwanwadeɛ wɔ anwuro ne aseɛ so, mogya ne see ne nwosina ningɔnn.

Yakobo 1:11

Ofikyɛ eyia pukye bɔ gyireingyirein, na ɔyera ndire ne; ye nyerɛen ne poro gua, na ye nyemene sɛkye. Na sɔ ala yeɛ sikaniɛ koso kɔpɛ nu kɔhɔ wɔ bɔ ɔyɔ nu ɔ.

Yosua 10:11

Na mmerɛ bɔ bɛ́nwati béfi Yisraelfoɛ nyunu, ná beedwuli Bete Horon ndoroleɛ nu ne, AWURADE yakyili asukɔtwea kungumaboɔ fili nyameɛso guale bɛ so toonn maa beedwuli Aseka, na bewuwuli. Na mmenia bɔ asukɔtwea ne huni bɛ ne, bɛsone bɛtra mmenia bɔ bɛtotɔle Yisraelfoɛ ngrandɛ noa ɔ.

1 Petro 1:24

Ofikyɛ “Anwoɔnaen amukoraa te kyɛ ndire, na sona animnyam amukoraa te kyɛ ndire bɔ wabɔ nyerɛen ɔ. Ndire kese, na ye nyerɛen poro gua;

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 16:2

Yiti abɔfo bɔ oli moa ne hɔle oohwiele bɔ ɔwɔ ye kulie ne anu guale aseɛ so, na kena bɔ ɔbo mvamva ná otutu ɔ tutuli mmenia bɔ bele kaka ne nzorɛhyɛlɛ ne, ɔne bɛ bɔ bɛkotole ye honi ne.

Nyekyire 16:21

Na afei asukɔtwea mbiri mbiri bɔ ebiala nu nonɛ kɔyɛ kilo aburanna ne nnu ɔ, befili nyameɛso bɛtɔ beguale mmenia so; na ɛhawo bɔ asukɔtwea ne maa ɔwale ne ati, mmenia kekane musue dwirɛ betiale Nyameɛ, ofikyɛ né ɛhawo ne te piri paa.

Nyekyire 6:8

Nneane, na nwuni pɔngɔ hoyaa bie; na bɔ ɔte ye so ne dumaa li Ewue, na Ɛborɔ li ye si. Na bɛmane bɛ tumi wɔ aseɛ ngyɛmuɛ nna nu ko so, kyɛ bɛfa ngrandɛ, ɛhɔen, anwonyerɛ ne aseɛ so ngaka aboyaa behũhũ bɛ.

Nyekyire 7:1

Na ɛhemɔ asi ne, nwuni abɔfo nna kyɛ begyigyi aseɛ ndweasoɛ nna ne aso, bɔ né basi aseɛ so mvrama nna nemɔ ate, kyɛbɔ ɔkɔyɛ bɔ mvrama biala ngotu ngɔfa aseɛ anaa ɛpo anaa bakaa biala so ɔ.

Nyekyire 9:15

Yiti bɛsangyele abɔfo nna bɔ basiesie bɛ bama sɔ dɔnhwere ne, sɔ kyẽa ne, sɔ bosome ne, ɔne sɔ afoɛ ne, kyɛ behũhũ adasa mmaa ngyɛmuɛ nza nu ko.

Nyekyire 9:18

Na sɔ hawo nza hemɔ, bɔ bɛ ole see, nwosina ne sɔfe bɔ ofi bɛ noa nu ba ne, bɛfale so behuhuni adasa ngyɛmuɛ nza nu ko.

Nyekyire 9:4

Na bɛhã behyirele bɛ kyɛ, nnɛmaa bɛkeka aseɛ so ndire, anaa nyaa monɛ biala, anaa bakaa biala; sana mmenia bɔ Nyameɛ nzɔanoɛ ne ɔnne bɛ nwoma so nemɔ ngome.