Nyekyire 8:12 - AHYERƐLƐ KRONGRON

¹² Na abɔfo bɔ ɔtɔ so nna ne huli ye totorobɛndo ne, na ɛhe wosole eyia ngyɛmuɛ nza nu ko, ɛsraen ngyɛmuɛ nza nu ko, yeɛ nzramaa mɔ ngyɛmuɛ nza nu ko, yiti bɛ ngyɛmuɛ nza nu ko kakyili awosii; na alehyeleɛ nu ngyɛmuɛ nza nu ko annya kanea, na alesaleɛ nu koso sɔ ala yeɛ osili ɔ.

Nyekyire 8:12 Iomraidhean Croise

Yesaya 13:10

Ofikyɛ ewienu nzramaa ne nzramaa kure kure mɔ bɛngɔta, eyia pukye a, ɔkɔyɛ tunn, yeɛ ɛsraen koso ngɔta.

Yesaya 24:23

Na afei ɛsraen kɔfɛre, yeɛ eyia nyunu kogua ase, ofikyɛ Asafo AWURADE koli hene wɔ Sion bokaa ne aso ne Yerusalem, na ɔkɔye ye animnyam ali wɔ ye mbanyi mɔ nyunu.

Yeremia 4:23

Ndole me nye nneane aseɛ so, na yieee, né ɔte sesakaa, bɔ nikye fee nne so ɔ; nneane ewienu, na né kanea nne berɛ.

Yoel 2:10

Aseɛ woso wɔ bɛ nyunu, anwuro kekã; eyia ne ɛsraen yɛ tunn, na nzramaa yakyi talɛ.

Yoel 2:31

Eyia kɔkakyi awosii, na ɛsraen kɔkakyi mogya koraka né AWURADE kyẽa kandinga bɔ ɔyɛ suro ne wawa.

Yoel 3:15

Eyia ne ɛsraen bakakyi awosii, ná nzramaa nemɔ bayakyi talɛ.

Amose 8:9

Na AWURADE nwa nyoo, “Ɔkɔwa kyɛ, sɔ kyẽa ne, ngɔma eyia kɔɔtɔ eyiagyina, na ngɔma awosii kɔwa aseɛ so eyia petee.

Mateo 24:29

“Na sɔ mmerɛ ne anu amaneɛnwunɛ ne asi ne, berɛ ne ala, eyia kɔkakyi awosii, na ɛsraen ngɔta, na nzramaa mɔ kotutu kofi anwuro kogua ase, na anwuro tumi mɔ kɔwoso;

Mateo 27:45

Na ofi eyia duabien mmerɛ ne, awosii katale aseɛ so amukoraa maa ɔɔbɔle eyia nnɔnmmiɛnza.

Marko 13:24

“Na sɔ mmerɛ ne anu amaneɛnwunɛ ne asi ne, eyia kɔkakyi awosii, na ɛsraen ngɔta,

Marko 15:33

Na ɔbɔle eyia duabien ne, awosii katale aseɛ ne amukoraa so maa ɔɔbɔle eyia nnɔnmmiɛnza.

Luka 21:25

“Na nzɛngyerɛnneɛ kɔwa eyia ne ɛsraen ne nzramaa mɔ nu; na kyɛbɔ ɛpo ne asorɔkye bekosi bekobu bɛkɔfa so ne, ɔkɔfa aworabɔlɛ ne ahunundetelɛ kɔto maen maen mɔ so wɔ aseɛ so.

Asomafoɛ 2:20

Eyia kɔkakyi awosii, na ɛsraen kɔyɛ kyɛ mogya koraka ná Awurade animnyam kyẽa piri ne awa.

2 Korintofoɛ 4:4

Bɛ yeɛ ewiase wa nyameɛ ama bɛ bɔ benne benni ne, b’adwene ali naakye, amaa Kristo bɔ ole Nyameɛ sue n’animnyam nzɛmba kanea ne, wanda bɛ so.

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 16:10

Na abɔfo bɔ ɔtɔ so nnu ne hwiele bɔ ɔwɔ ye kulie ne anu guale kaka n’ahennie bia ne aso, na ye ahennie ne kakyili awosii; na mmenia fale yealɛ bɛpesale bɛ temverema.

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;

Nyekyire 9:15

Yiti bɛsangyele abɔfo nna bɔ basiesie bɛ bama sɔ dɔnhwere ne, sɔ kyẽa ne, sɔ bosome ne, ɔne sɔ afoɛ ne, kyɛ behũhũ adasa mmaa ngyɛmuɛ nza nu ko.

Nyekyire 9:18

Na sɔ hawo nza hemɔ, bɔ bɛ ole see, nwosina ne sɔfe bɔ ofi bɛ noa nu ba ne, bɛfale so behuhuni adasa ngyɛmuɛ nza nu ko.