Nyekyire 8:11 - AHYERƐLƐ KRONGRON

¹¹ Nzramaa ne dumaa li Weewee. Na nzue mɔ ngyɛmuɛ nza nu ko yɛle weewee, na nzue ne mane mmenia pee wuwuli, ofikyɛ ɔte weewee.

Nyekyire 8:11 Iomraidhean Croise

Ɛksadɔso 15:23

Na beedwuli Mara nen, bangora Mara nzue ne no, ofikyɛ né ɔyɛ wee. Yiti bɛfrɛle berɛ Mara.

Anyandera 5:4

nakoso ɔkwaayie ye bo ne, ɔyɛ wee te kyɛ awɔwee, na ɔyɛ nna te kyɛ sɛpɔ.

Yeremia 23:15

Yiti bɔ Asafo AWURADE kã fa ngɔmhyɛlɛfoɛ nemɔ nwo ɛhe, “Tie, abɔwee yeɛ ngɔfa ngɔma bɛ maa bekoli ɔ; na ngɔma bɛ nzue bɔ ɛborɔ wɔ nu ɔ maa bɛkɔno, ofikyɛ Yerusalem ngɔmhyɛlɛfoɛ nemɔ, bɛ bra fiɛ ne, wato wapete aseɛ ne aso amukoraa.”

Yeremia 9:15

Yiti bɔ Asafo AWURADE Yisrael Nyameɛ kã ɛhe: Tie, abɔwee yeɛ ngɔfa ngɔma maen he koli ɔ, na nzue bɔ ɛborɔ wɔ nu yeɛ ngɔfa ngɔmaa bɛkɔno ɔ.

Awuye 3:19

Kaye m’amaneɛnwunɛ ne m’anwokyere, ɔte awɔwee ne abɔwee.

Awuye 3:5

Wafa abɔwee ne amaneɛnwunɛ wato me nwo fasue wabra wayia.

Amose 5:7

Ah, ɛmɔ bɔ ɛmɔkakyi ndɛenbualɛ turoloo maa ɔyɛ kyɛ abɔwee, ná ɛmɔgyi tenenee bɛto ase ɔ!

Amose 6:12

Aso mbɔngɔ betu amirika wɔ nyɔbotaen so anaa? Aso bɛfa nandwie befundam berɛ anaa? Nakoso ɛmɔama ndɛenbualɛ akakyi ɛborɔ, yeɛ tenenee mma bakakyi anafranaku.

Sakaria 13:8

Na ɔkɔwa kyɛ, aseɛ ne aso amukoraa, bekohũhũ nza nu ngyɛmuɛ nyɔ, nakoso nza nu ngyɛmuɛ ko ne de, bɛkɔyakyi bɛ wɔ so, AWURADE noa dwirɛ ɛne.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Deuteronomi 29:18

Ɛ́mɔnea yé ná ɛmɔ nu biala, bienzua oo, brasua oo, abusua oo, anaa abusua kure oo, wandwe ye nwo ɛnɛ kyẽa ye wamvi AWURADE yɛ Nyameɛ nwo, kyɛ ɔkwaaso sɔ maen maen nemɔ bɛ mmosoen nemɔ. Nnɛma ɛmɔ nu bie yɛ ye nwo bakaa weewee bɔ ye noa le ɛborɔ ɔ.

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 8:7

Abɔfo bɔ oli moa ne huli ye totorobɛndo ne, na asukɔtwea ne see bɔ bɛne mogya bali afra ɔ bɛwale, na bɛto beguale aseɛ so. Na aseɛ ngyɛmuɛ nza nu ko yerale, mmakaa ngyɛmuɛ nza nu ko yerale, yeɛ ndire monɛ amukoraa koso yerale.

Nyekyire 9:15

Yiti bɛsangyele abɔfo nna bɔ basiesie bɛ bama sɔ dɔnhwere ne, sɔ kyẽa ne, sɔ bosome ne, ɔne sɔ afoɛ ne, kyɛ behũhũ adasa mmaa ngyɛmuɛ nza nu ko.

Nyekyire 9:18

Na sɔ hawo nza hemɔ, bɔ bɛ ole see, nwosina ne sɔfe bɔ ofi bɛ noa nu ba ne, bɛfale so behuhuni adasa ngyɛmuɛ nza nu ko.

Rutu 1:20

Na Naomi sele bɛ kyɛ, “Nnɛma ɛmɔfrɛ me Naomi ko, ɛ́mɔfrɛ me Mara, ofikyɛ Ɛdangama ama me bra ayɛ weewee.