Nyekyire 8:10 - AHYERƐLƐ KRONGRON

¹⁰ Na abɔfo bɔ ɔtɔ so nza ne huli ye totorobɛndo ne, na nzramaa pirikua bie bɔ ogye kyɛ tɛen ɔ otu fili nyameɛso, na oofini asue mɔ ngyɛmuɛ nza nu ko nu, ɔne mbombonzue mɔ nu.

Nyekyire 8:10 Iomraidhean Croise

2 Aberɛso Dwirɛ 32:3

ɔne ye mbanyi mɔ ne ye koɛhonɛfoɛ bɛdwenene ye nwo kyɛ mbombonzue bɔ bɛwɔ kuro ne asi dɔ ne, bekotua bɛ. Na bɛbokale ye.

Yesaya 12:3

Ɛmɔkɔfa anigye yeɛ bɛkɔto nzue bekofi ngoalelɛ abura mɔ nu ɔ.

Yesaya 14:12

“O, Alehyeleɛ Nzramaa, Alebahyene ɔwa, ɛtetɔlɛ yeɛ efi nyameɛso ate atɔ ase sɔaa e! Wɔ bɔ elili maen maen mɔ so ngonim ne, aseɛnwo yeɛ bafindi wɔ bato sɔaa ye!

Sakaria 13:8

Na ɔkɔwa kyɛ, aseɛ ne aso amukoraa, bekohũhũ nza nu ngyɛmuɛ nyɔ, nakoso nza nu ngyɛmuɛ ko ne de, bɛkɔyakyi bɛ wɔ so, AWURADE noa dwirɛ ɛne.

Sakaria 13:9

Na ngyɛmuɛ nza nu ko ne, ngɔfa bɛ ngɔfa see nu, ngɔpɔ bɛ nwo kyɛbɔ bɛpɔ ɛdwetɛ nwo ɔ, na ngohwi bɛ nwo kyɛbɔ betwi sikaa kɔkorɛ nwo ɔ. Bekosu bɛkɔfrɛ me dumaa, na me wora ngotie bɛ. Ngɔhã kyɛ, ‘Bɛte me maen’ na bɛ wora bɛkɔhã kyɛ, ‘AWURADE yeɛ ɔte me Nyameɛ ɔ.’ ”

Mateo 25:1

“Afei nyameɛso ahennie ne, yɛkɔfa yɛkɔto mmabunu buru biemɔ bɔ bɛfale bɛ nganea besili nu bɛhɔle kyɛ bɛkwaayia atɔmvorɛ biaa ne nwo.

Luka 10:18

Na osele bɛ kyɛ, “Nwuni Satan kyɛ ofi nyameɛso waatɔ ase kyɛ agralaa ɔ.

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.

Nyekyire 1:20

Na nzramaa nzoo bɔ enwuni bɛ wɔ me sa famaa nu, ɔne sikaa kɔkorɛ kanea bakaa nzoo ne, bɛ nwo mvealeɛ nu dwirɛ ɛhe: Nzramaa nzoo ne bɛte asɔre nzoo nemɔ b’abɔfo mɔ, yeɛ kanea bakaa nzoo bɔ enwuni bɛ ne bɛte asɔre nzoo ne.

Nyekyire 12:4

Na ɔfale ye dua piane ewienu nzramaa ngyɛmuɛ nza nu ko, na ogyili bɛ guale aseɛ so. Na sasrabɔnzam ne oogyinane braa bɔ wafo aworɛ so ne nyunu berɛ, kyɛ ɔwo ala a ɔkye ɔwa ne di.

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 16:4

Na abɔfo bɔ ɔtɔ so nza ne hwiele bɔ ɔwɔ ye kulie ne anu guale asue mɔ ne asue ti mɔ nu, na bɛkakyili mogya.

Nyekyire 6:13

na ewienu nzramaa tutu guale ase te kyɛ borɔdoma bɔ mvrama piri woso ye ɔporo ye mma amui gua ɔ.

Nyekyire 8:7

Abɔfo bɔ oli moa ne huli ye totorobɛndo ne, na asukɔtwea ne see bɔ bɛne mogya bali afra ɔ bɛwale, na bɛto beguale aseɛ so. Na aseɛ ngyɛmuɛ nza nu ko yerale, mmakaa ngyɛmuɛ nza nu ko yerale, yeɛ ndire monɛ amukoraa koso yerale.

Nyekyire 9:1

Na abɔfo bɔ ɔtɔ so nnu ne huli ye totorobɛndo ne, na nwuni kyɛ nzramaa bie watu wafi nyameɛso waatɔ aseɛ so, na bɛfale aseɛ bo dɔ kumaa kuronguronn ne noa safoaa bɛmane ye.

Nyekyire 9:15

Yiti bɛsangyele abɔfo nna bɔ basiesie bɛ bama sɔ dɔnhwere ne, sɔ kyẽa ne, sɔ bosome ne, ɔne sɔ afoɛ ne, kyɛ behũhũ adasa mmaa ngyɛmuɛ nza nu ko.

Nyekyire 9:18

Na sɔ hawo nza hemɔ, bɔ bɛ ole see, nwosina ne sɔfe bɔ ofi bɛ noa nu ba ne, bɛfale so behuhuni adasa ngyɛmuɛ nza nu ko.

Maenbulɛfoɛ 15:11

Yeɛ Yuda koɛhonɛfoɛ apee nza sili nu bɛhɔle nyɔboɛ bɔ wasi sua, bɔ ɔwɔ Etam nyɔbotaen anu ne, na besele Samson kyɛ, “Ɛnze kyɛ Filistifoɛ, yɛ mene mɔ ole bɛ ɔ? Nzikyɛ dwirɛ yeɛ aahwe aberɛ yɛ ye?” Na obuale kyɛ, “Nikyee bɔ bɛfa bɛyɔle me ne, sɔ ala yeɛ mafa mayɔ bɛ ɔ.”