Nyekyire 8:1 - AHYERƐLƐ KRONGRON

¹ Na Boaen Ba ne tele nzɔanoɛ bɔ ɔtɔ so nzoo ne noa nen, nyameɛso yɛle dinn kɔyɛ dɔnhwere bue.

Nyekyire 8:1 Iomraidhean Croise

YOB NWOMAA NE 4:16

Ogyinane berɛ konn, nakoso mannwu kyɛbɔ ye sue osi te ɔ. Nikyee bie ye sue gyinagyinane me nye so, berɛ yɛle dinn, na ndele komviɛ bie kyɛ,

Edwein 37:7

Yɛ konn wɔ AWURADE nyunu, ná to wɔ bo ase nwondɛ ye. Sona bɔ ɔnate ye bɔbɔ ye atee so onya ye nwo, yeɛ sona bɔ ɔdwene nikyee tɛɛ nwo, ná ɔyɔ ne, nnɛma ye nwo adwenedwene tɔ wɔ so.

Edwein 62:1

Nyameɛ ngome yeɛ me kra ayɛ konn bɔ ye nye la ye so ɔ, na ye berɛ yeɛ me ngoalelɛ fi ba ɔ.

Habakuku 2:20

Nakoso AWURADE wɔ ye asɔneyɛɛ sua krongron ne anu, na odi kyɛ aseɛ amukoraa yɛ konn wɔ ye nyunu.

Sakaria 2:13

Adasa mukoraa, ɛ́mɔyɛ konn wɔ AWURADE nyunu; ofikyɛ wawoso ye nwo wɔ ye atenaleɛ krongron berɛ.

Mateo 27:66

Yiti bɛhɔle bɛɛfale nikyee bɛtale nyɔboɛ ne noa, na bɛmane wɛmvoɛ mɔ wɛnene asieleɛ ne.

Nyekyire 5:1

Na bɔ ɔte ahennie bia ne aso ne, ye sa famaa nu, nwuni nwomaa bie bɔ babobɔ ɔ, bɔ bahyerɛ ye nyunu ne ye si, bɔ bafa nzɔanoɛ nzoo basɔ ye noa ɔ.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 6:1

Na nwuni kyɛ Boaen Ba ne wate nzɔanoɛ nemɔ anu ko noa, yeɛ ndele kyɛ abɔdeɛ ateasefoɛ nna nemɔ anu ko ole komviɛ bɔ ɔte kyɛ esue bɔ ɔbɔ nu kurudududu ɔ ɔkã, “Baanea!”

Nyekyire 6:12

Na ɔtele nzɔanoɛ bɔ ɔtɔ so nzia ne noa ne, nneane, na yieee, aseɛ wosole serɛserɛ; na eyia yɛle tunn kyɛ brisie, na ɛsraen yɛle kyɛ mogya;

Nyekyire 6:3

Na ɔtele nzɔanoɛ bɔ ɔtɔ so nyɔ ne noa nen, ndele kyɛ abɔdeɛ teasefoɛ bɔ ɔtɔ so nyɔ ne ɔkã kyɛ, “Baanea!”

Nyekyire 6:5

Na ɔtele nzɔanoɛ bɔ ɔtɔ so nza ne noa nen, ndele kyɛ abɔdeɛ teasefoɛ bɔ ɔtɔ so nza ne ɔkã kyɛ, “Baanea!” Nneane, yieee, pɔngɔ bire bie, na né bɔ ɔte ye so ne otira tonyi.

Nyekyire 6:7

Na ɔtele nzɔanoɛ bɔ ɔtɔ so nna ne noa nen, ndele kyɛ abɔdeɛ teasefoɛ bɔ ɔtɔ so nna ne ɔkã kyɛ, “Baanea!”

Nyekyire 6:9

Na ɔtele nzɔanoɛ bɔ ɔtɔ so nnu ne noa ne, bɛ bɔ ɔnate Nyameɛ dwirɛ ne ne b’adanzeɛ bɔ belili ti behuni bɛ ne, nwuni bɛ kra mɔ wɔ afɔleɛ bokyea ne abo.