Nyekyire 7:9 - AHYERƐLƐ KRONGRON

⁹ Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.

Nyekyire 7:9 Iomraidhean Croise

Gyenesise 13:16

Ngɔma wɔ boso ama kɔta kyɛ aseɛ so mvuture. Na sɛ ebie kora ka aseɛ so mvuture a, ye de ɔkɔhora kɔha wɔ boso ama koso.

Gyenesise 49:10

Ɛhɔtɔ ngofi Yuda sa nu, yeɛ ahennie pɔmaa ngofi ye gya afia, kɔpem kyɛ mmenia kotua ndɔ bɛkɔma ye ɔ, kɔpem kyɛ maen maen kɔyɛ sotie bɛkɔma ye ɔ.

Edwein 2:8

Bisa me, na ngɔma maen maen mɔ kɔyɛ w’agyapadeɛ, ná ofi aseɛ ti bɔ ɔkwaahã ye ti ayɛ wɔ deɛ.

Edwein 22:27

Ofi aseɛ ti kɔka ye ti, bɛkɔkaye, ná basa bawa AWURADE berɛ; na maen maen mɔ so mmusua amukoraa, bɛkɔkoto wɔ ye nyunu.

Edwein 76:4

Ele animnyam, ele ahennie nu animnyam tra mmokaa bɔ betimu berɛ afebɔɔ ne.

Edwein 77:2

M’amaneɛnwunɛ mmerɛ nu, mepena AWURADE si atee; sɛ odwu kɔngɔen a, metrɛtrɛ me sa nu bɔ me sa onnya ɔ; me kra mbene so kyɛ bɛkɔkyekye ye wora ɔ.

Edwein 98:3

Wakaye ye ɔdɔ bɔ onni ngasi ne, ɔne ye nahorɛlilɛ bɔ wala ye ali wahyire Yisrael awuro ama ne. Aseɛ so nekaa amukoraa banwu yɛ Nyameɛ ye ngoalelɛ ne.

Yeremia 16:19

Ao AWURADE, m’anwoserɛ ne m’anwoserɛ afealeɛ, me nwo adwaabɔlɛ nekaa wɔ amaneɛnwunɛ kyẽa nu, wɔ berɛ yeɛ amaen maen bekofi aseɛ noa kɔkã ye noa bɛkɔwa bɛkɔɔhã kyɛ, “Amba, ngondombo yeɛ ɔte anwonyadeɛ bɔ yɛ nana mɔ benyane ye ɔ: ɔne nningyein mbaen mbaen bɔ mvasoɛ nne so ɔ.

Yeremia 3:17

Sɔ mmerɛ ne, bɛkɔfrɛ Yerusalem AWURADE ahennie bia, na maen maen amukoraa bekooyia berɛ, wɔ AWURADE dumaa nu wɔ Yerusalem, na bɛngɔyɛ asoserɛ bɛngɔyɔ b’apɛdeɛ tɛɛ nemɔ ko.

Hesekiel 47:5

Osa susuli agyirɛ apee ko, na ɔte asue bɔ mangora ye pɛ ɔ, ofikyɛ né nzue ne wayi bɔ bɛngora ye pɛ ɔ, sana ebia pɛ ye.

Daniel 4:1

Nana Nebukadenesa noa dwirɛ bɔ ɔfa kɔma maen maen amukoraa, mmenia mukoraa ne edwudwolɛ amukoraa bɔ bɛwɔ aseɛ so ne, ye ɛhe: Ngɔsoɛ pee ɔbra ɛmɔ asetena oo!

Daniel 6:25

Yeɛ Nana Dario hyerɛle krataa ɔɔmane maen maen, mmenia ne edwudwolɛ amukoraa bɔ bɛwɔ aseɛ so amukoraa ɔ kyɛ, “Ngɔsoɛ pee ɔbra ɛmɔ asetena oo!

Hosea 1:10

Nakoso Yisraelfoɛ bɛ somaa kɔyɛ kyɛ mboanoa anweaa, bɔ bɛngora ye susu anaa bɛngora ye ka ɔ. Na nekaa bɔ bɛhã behyirele bɛ kyɛ, “Nna me maen ole ɛmɔ” nen, berɛ yeɛ bɛkɔhã bekohyire bɛ kyɛ, “Nyameɛ teasefoɛ mma ole ɛmɔ” ɔ.

Lewitikɔso 23:40

Kyẽa bɔ oli moa ne, ɛ́mɔfa mmakaa paa bɛ mma, ɛberɛ, bakaa kusuu mmaen frɔmfrɔm, ɔne asuenoa mmakaa; ná ɛ́mɔli ahurusi AWURADE ɛmɔ Nyameɛ nyunu ɛlɛsoo.

Sakaria 10:8

“Ngɔbɔ mvrɛma ngɔfrɛ bɛ ngɔboaboa bɛ noa, ofikyɛ mapɔ bɛ male bɛ, na bɛkɔta pee kyɛbɔ bɛtale pee ne.

Sakaria 2:11

Na sɔ kyẽa ne, maen maen pee bɛkɔfa bɛ nwo kɔɔbɔ AWURADE, na bɛkɔyɛ me maen. Ngɔtena wɔ nu, amaa ɔnate so anwu ye kyɛ Asafo AWURADE yeɛ wasoma me wɔ berɛ ɔ.

Luka 12:1

Sɔ mmerɛ ne, né mmenia apee apee bahyere so bɔ betiatia bɛ nwo so ɔ. Na Yesu hyɛle ye bo lili moa sele ye asuafoɛ nemɔ kyɛ, “Ɛ́mɔnea ɛmɔ nwo yé wɔ Farasiifoɛ mɔle harewaa bɔ ye ole nyaatwomyɛlɛ ne anwo.

Luka 21:36

Yiti ɛmɔwɛne ná ɛ́mɔbɔ mbaeɛ daa, amaa ɛmɔanya anwoserɛ bafa banwati bafi bɔ ɔbaasisi ne amukoraati nu, ná ɛmɔahora bagyina Sona Awa ne nyunu.”

Yohane 12:13

Yiti bɛfale ɛberɛ, na bɛhɔle kyɛ bɛkwaayia ye, na bɛbɔle ese kyɛ, “Hosana! Saleɛ ole bɔ ɔnate Awurade dumaa nu ɔ́ba ye, Yisrael Hene ne!”

Romanfoɛ 11:25

Aliɛmaa mɔ, mvealeɛ nu dwirɛ he yeɛ mekuro kyɛ ɛmɔnwu ye ɔ, amaa ɔnate so ɛmɔammu ɛmɔ nwo nworɛfoɛ bandra so. Ye ole kyɛ, Yisrael ye bue bie bayɛ asoserɛ, maa okoodwu kyɛ Amaenmaensofoɛ somaa bɛkɔwa Nyameɛ berɛ ɔ.

Ɛfesofoɛ 6:13

Yiti ɛ́mɔfa Nyameɛ akodeɛ ne amukoraa bewura, amaa ɛmɔahora bagyina wɔ kyẽa tɛɛ ne anu; na sɛ ɛmɔyɔ ɛhe amukoraa beyie a, né ɛmɔagyina pirim.

Hebrifoɛ 11:12

Yiti ɔnate biaa komapɛ he, bɔ né wayɛ aworowaa na wapingye ewue ne aso yeɛ bɛwole ye bosofoɛ, bɔ bɛ somaa te kyɛ ewienu nzramaa ne mboanoa anweaa bɔ bɛka a bennwu bɛ noa ɔ.

Hebrifoɛ 12:22

Na mmom ɛmɔawa Sion bokaa ne anwo, ɔne Nyameɛ teasefoɛ ne kuro, bɔ ɔte nyameɛso Yerusalem ne anu, yeɛ abɔfo kure kure bɔ bɛka a bennwu bɛ noa, bɔ bɛyɛ anigye nyianu ɔ bɛ berɛ.

Nyekyire 11:15

Na abɔfo bɔ ɔtɔ so nzoo ne huli ye totorobɛndo ne, na komviɛ mbiri mbiri bobɔle nu wɔ nyameɛso kyɛ, “Ewiase ahennie wayɛ yɛ Awurade ne ye Kristo ne deɛ, na okoli hene afebɔɔ.”

Nyekyire 22:3

Musue nikyee biala nne berɛ ko, na mmom Nyameɛ ne Boaen Ba ne, b’ahennie bia ne yeɛ ɔwɔ berɛ ɔ, na ye ngoaa kɔsɔne ye;

Nyekyire 3:18

Yiti metu wɔ foɛ kyɛ, tɔ nningyein hemɔ fi me berɛ: sikaa kɔkorɛ bɔ bafa see bate ye nwo ɔ, amaa ɔnate so anya sikaa; ataadeɛ fufue bɔ ekowura bɔ ɔngɔma w’animguaseɛ adagya ne nwo ngɔla berɛ ɔ, yeɛ anyeɛ ayire bɔ ɛkɔfa kogua wɔ nye so, bɔ ɔkɔmaa ekonwu nikye ɔ.

Nyekyire 4:4

Né ahennie bia aburanyɔ ne nna bapɛ ahennie bia ne anwo bayia, na nwuni mbanyi aburanyɔ ne nna bɔ bewurawura ndaadeɛ fufue, bɔ sikaa kɔkorɛ abotire bobɔ bɛ ɔ kyɛ bɛtete ahennie bia nemɔ so.

Nyekyire 5:11

Afei ndole me nye, na ndele abɔfo pembepembe bɔ bapɛ ahennie bia ne ne abɔdeɛ ateasefoɛ nemɔ ne mbanyi nemɔ nwo bayia ɔ bɛ komvi; na né bɛ somaa te apee buru apee buru ahoroɔ ne apee apee.

Nyekyire 5:9

Na bɛtole dwein foforɛ bie kyɛ, “Ɛfata kyɛ ede nwomaa bɔ babobɔ ne ná ebukye ye nzɔanoɛ nemɔ ɔ; ofikyɛ behuni wɔ, na afa wɔ mogya atɔ adasa mmaa ama Nyameɛ afi mmusua kure ne edwudwolɛ ne mmenia ne maen biala nu,

Nyekyire 6:11

Yeɛ bɛmane bɛ nu ko biala ataadeɛ fufue, na besele bɛ kyɛ bɛnwondɛ mmerɛ kãa bie bieku, ma oodwu kyɛ bɛ mmango asomvoɛ ne b’eliɛma mɔ bɔ bekohũhũ bɛ kyɛ bɛ koso ala ne bɛ somaa ɔkɔsõ ɔ.

Nyekyire 7:8

Sebulɔn abusua kure nu, apee buru ne nyɔ; Yosef abusua kure nu, apee buru ne nyɔ; yeɛ Benyamin abusua kure nu, apee buru ne nyɔ.