Nyekyire 7:4 - AHYERƐLƐ KRONGRON

⁴ Na bɛ bɔ bafa nzɔanoɛ bahyɛ bɛ nzorɛ ne, ndele bɛ somaa: Apee sɔ alaa ɛyaa ko aburanna ne nna yeɛ bɛfale nzɔanoɛ bɛhyɛle bɛ nzorɛ befili Yisrael mma mmusua kure amukoraa nu ɔ.

Nyekyire 7:4 Iomraidhean Croise

Gyenesise 15:5

Afei Nyameɛ fale ye fitele, na osele kyɛ, “To wɔ nye anwuro na ka nzramaa nemɔ, na nea sɛ ɛkɔhora kɔha bɛ a.” Na osele ye kyɛ, “Sɔ ala yeɛ wɔ boso ama kɔyɛ ɔ.”

Ɛksadɔso 28:21

Ɔsɛ kyɛ nyɔboɛ nemɔ yɛ buru ne nyɔ. Yisrael mma mmienzua nemɔ, ko biala dumaa kogua ko aso. Maa beli adwii bekolikoli ko biala so kyɛbɔ nzɔanoɛ so kolikolilɛ te ɔ. Abusua buru ne nyɔ ne, ko biala dumaa kogua ko aso.

Hesekiel 47:13

AWURADE Nyameɛ nwa nyoo, “Aseɛ ne bɔ ɛmɔkɔhyɛ bɛkɔma Yisrael mmusua kure buru ne nyɔ ne maa ɔkɔyɛ b’agyapadeɛ ne, bɛ wɛen mɔ ɛhe: Odi kyɛ Yosef nya bue nyɔ.

Hesekiel 48:19

Na kuro berɛ adwumayɔlɛfoɛ, bɔ befi Yisrael mmusua kure amukoraa nu yeɛ bɛkɔyɔ adwuma ɔ.

Hesekiel 48:31

Yisrael mmusua kure nemɔ dumaa yeɛ ɔkɔla anoa mbiri nemɔ aso ɔ. Sorɔ dɔ anoa mbiri nemɔ bɛte nza: Ruben anoa piri ko, Yuda anoa piri ko, yeɛ Lewi anoa piri ko.

Sakaria 9:1

AWURADE dwirɛ ne ɔko tia Hadrake aseɛ, na ɔkɔho kotia Damasko koso. Na adasa mmaa bɛ nye kɔkakyi kɔwa AWURADE berɛ, kyɛbɔ Yisrael mmusua kure amukoraa bɛ nye kɔkakyi kɔwa ye berɛ ne.

Mateo 19:28

Na Yesu sele bɛ kyɛ, “Nahorɛ nu, mekã mekyire ɛmɔ kyɛ, ewiase foforɛ ne anu, mmerɛ bɔ Sona Awa ne kɔtena ye animnyam ahennie bia so ne, ɛmɔ bɔ ɛmɔaali me si ne, ɛmɔ koso ɛmɔkɔtena ahennie bia buru ne nyɔ so bekobua Yisrael mmusua kure buru ne nyɔ ne ndɛen.

Luka 14:22

Yeɛ somvoɛ ne hane kyɛ, ‘Me mene, mayɔ bɔ ɛhyɛle ne, nakoso nekaa bieku tɛwɔ berɛ.’

Luka 22:30

amaa ɔnate so ɛmɔadidi ná ɛmɔano wɔ me poen so wɔ m’ahennie nu, ná ɛmɔatenatena ahennie bia so babua Yisrael mmusua kure buru ne nyɔ ne ndɛen.”

Asomafoɛ 26:7

Na sɔ bɔhyɛ komapɛ ne ala yeɛ yɛ mmusua kure buru ne nyɔ ne bɛ nye la so kyɛ bekonya ɔ, na bɛsɔne Nyameɛ alehyeleɛ ne alesaleɛ biala. Nana Agripa, ɔnate anyelasoɛ he ati yeɛ Yudafoɛ afa edwirɛ ato me so ye.

Romanfoɛ 9:27

Yesaya koso pakyele nu ha fale Yisraelfoɛ nwo serɛserɛ kyɛ, “Yisraelfoɛ sone pee kyɛ mboanoa anweaa de, nakoso bɛ nu kãa bie yeɛ bekole bɛ ngoa ɔ;

Yakobo 1:1

Yakobo bɔ nde Nyameɛ ne Awurade Yesu Kristo akoaa, mefa mebrɛ abusua kure buru ne nyɔ bɔ babɔ aya bahɔ maen maen so ne. Mebisa ɛmɔ bisabisa.

Nyekyire 14:1

Afei ndole me nye, na yieee, né Boaen Ba ne gyi Sion bokaa ne aso. Na bɛ bɔ bɛboka ye so ne bɛte apee sɔ alaa ɛyaa ko ne aburanna ne nna, bɔ bahyerɛ ye dumaa ne ye Baba dumaa wɔ bɛ nwoma so ɔ.

Nyekyire 14:3

Na bɛtole edwein foforɛ bie wɔ ahennie bia ne ne abɔdeɛ teasefoɛ nna ne ne mbanyi nemɔ nyunu. Na ebiala angora anzua sɔ dwein ne, sana apee sɔ alaa ɛyaa ko ne aburanna ne nna ne bɔ bale bɛ ngoa bafi aseɛ so ne angome.

Nyekyire 7:5

Yuda abusua kure nu mmenia bɔ bɛfale nzɔanoɛ bɛhyɛle bɛ nzorɛ ne, bɛte apee buru ne nyɔ; Ruben abusua kure nu, apee buru ne nyɔ; Gade abusua kure nu, apee buru ne nyɔ;

Nyekyire 9:16

Na ndele kyɛ ɛlɔen bɔ bɛtete mbɔngɔ so ne bɛ somaa te apepesrala sɔ alaa ɛyaa nyɔ.